Mark 3 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Im iyi yōĭmpe ūnisog nimo tumpora: ĭm sī neteme iyūi im nokoven navsĭlni.

² Mirora dūmūtopotneme iran, ma Dagkū iyi wonumpi iyi horĭgives ran danemindog; sugku irora wonūrian iran.

³ Iyi yemenūwi pugi neteme mori nokoven navsilni memobu, Etūok.

⁴ Miyi yemenūwi punora memokū, Aremi worumpi aremi kū worumpi ūr ra ōvun danemindog? worefefinte nomūrep, kū woretalugi? Kō irora dūmūteteven.

⁵ Im pol sugkū yemtopotneme iranda ugi naraki popōwo yemorĭgi sat ugi nugkugko ūnōwanda, iyi yemenūwi pugi neteme mori, Eevan nokepmū, Miyi yemeevan: ĭm nokoven yemepoiopo sugkū nugkon.

⁶ Im ōvun Faresi dūmūve, im marima dūmaūor dal Oveteme dūmumpelesi iran Herod, ugi iyi, nokowo irora ontalugi.

⁷ Kō Iesū yive dal ōvun nūrie eni ran telegon tok: im netevokontū tamas Kalĭli dūmūri iyi, im marugi Yūdia,

⁸ Im Yerūsalem, im Idūmia, im nugkon ūmpe Yordan; ĭm irora botbot Tīar ĭm Sīdon, ĭm sĭ semsimak tamas, pol sugkū dūmūrĭgi ōvun numpūrah horog yemumpi, dūmūvelum pugi.

⁹ Miyi yempasiwokonda ōvun nūrie eni, ma ante afinte iyi ugi sĭ bōt virok popōwo ugi netevokontū tamas, ma irora ūtū teteliugi iran.

¹⁰ Popōwo yemumpi horĭgeves sikat; ĭm popōwo ugi imo irora sū mori dūmūvi namarat dūmūteteliugi iran woresugkori iyi.

¹¹ Im ōvun naviat nelilūo, pol sugkū dūmokesi iyi dūmumol ūnĭpmi, mō mūrugisah, mūmokū, kĭk Netni eni Nōbū.

¹² Miyi yemwalevat ūnōwanda ma irora ūtū anūwi iyi.

¹³ Im iyi yemsah ra sĭ numpūo, miyi yemovrokonda mori yemakĭwokonda: mirora dūmūvelum pugi.

¹⁴ Im yemetipe twelv horogesah, ma irora wante dal iyi, im ma iyi ontamūlora woretorenū wisah nam,

¹⁵ Im ma irora wante horog worumpi horigeves, ĭm woreteveligonora ōvun naviatindi.

¹⁶ Im Simon yematovnin nalĭg eni Piter;

¹⁷ Im Yakōbō netni Sebedi, ĭm Yōanē avinsĭ Yakōbō; yematovninda Boanerĭtyes, fan nam, Ovun netni yowar:

¹⁸ Im Andrū, ĭm Bartolomū, ĭm Matĭyū, ĭm Tomas, ĭm Yakōbō netni eni Alfius, ĭm Tadeus ĭm Simon netni eni Kena,

¹⁹ Im Yūdas Iskariot, mori yempirĭgi iyi: ĭm irora dūmūve ūnisog sĭ nimo.

²⁰ Im semsimak dūmūvelum dūmūsemsimokonda, ĭm popōwo pe dūtū fanetene worampag.

²¹ Im pol sugkū ovun numpūnaran dūmūrĭgi ugi, dūmūve worevi iyi: ĭt irora dūmokū; Iyi umnemlū.

²² Im ovun Somūl mori dūmne Yerūsalem dūmokū, Belsebūl iran, ĭm iyi potnin ovun naviatindi it iyi umetevelugora ovun naviatindi.

²³ Miyi yemovrokonda pugi, mōmenūwi punora ugi ovun parabel memokū, Sētan umĭnteveligi Sētan nokowo?

²⁴ Im nagkū sī lō nimlag iran sĭ lō, ĭm lō mori atĭndowi nokōwo?

²⁵ Im nagkū oveteme ra nimo siteven sumpūwi iranda ūtū antĭndowi.

²⁶ Im nagkū Sētan antūok iran iyi pe iyi, im tarū endūrū eni, iyi otū antĭndowi, kō isūma iyi.

²⁷ Tawi sī neteme faneteme worintorĭmpe ūnisog nimo eni neteme horog, ĭm pĭ parugi ovun nōete eni, nagkū tawi otū mampūm īeti neteme horog mori; ĭm penūri iyi ampī parugi nōeti eni.

²⁸ Yakūm manūwi pugkūm itnesog, Ante afielintokonda ōveteme satsū ĭm nam sat isenda mori irora dūmūnūwi ugi;

²⁹ Kō iyi mori umanuwi nam sat iran Naviat Tumpora otū afielintugi ĭndowi, kō ontūavtiti iyi:

³⁰ Popōwo irora dūmokū, sĭ naviatindi iran.

³¹ Im ravensīeme im dineme dūmūvelum, ĭm dūmūtūr ilat, dūmūtamūl, wortorugi iyi.

³² Im netevokontū dūmūtesep nagkaū mevtit iran, dūmūnūwi pugi memokū, Pah, dinum ĭm ravensīeme ilat, mirora umnesorugkĭk.

³³ Im iyi yemtamse punora, memokū, Mē name, mirora ravūgsĭeme mē e mē?

³⁴ Miyi yemelagkaū memtopotneme iranda mori dūmūtesep magkaū iran, memenūwi memokū, Pah, name ĭm ravusīeme!

³⁵ Iyi sĭ mori onumpi sugkū Nōbū umnakīugi, iyi mori oti avūg sĭ, īm vevenūg īm name.