Mark 14 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Im paska ĭm yōūp wokon mori dūti penūri dan dūrū, mōvun tavsogi tumpora mōvun somūl dūmūsorugi worelekavi iyi ugi nĭmpiri mō mĭntalugi;

² Kō irora dūmūnūwi mūmokū, Tawi ra nĭmpūgon narigari kū entawi ōvun telienlō wonumpi nesesaū.

³ Im polekū iyi ra Betani ra nimo eni Simon, mori leper, iyi yemtesĭgi nevag ĭm sī nasiven yivelum miyi yemuriuki nūrah im dumpon nĭmpen e ves aremi wokon ra mumpon miyi yemaserim nūrah alabaster mōĭm wosĭlĭgi sū ra numpūn:

⁴ ĭm nugkondeme dūmworemi sat ugi mō mūsepen ūnūwi ūnōwanda mūmokū, Irasie Kemagkini ugi imo dumpon?

⁵ Nagkū pūvasĭgi pūvī nĭmpi peni tri hunder, woretevūrakwokonda ōvun narumkor; mirora dūmūviūri nasiven mori.

⁶ Im Iesū yemenūwi memokū, Uwi iyi: Irasie kimi kūmoiuguri iyi ĭ Iyi umpi numpūraheves irag:

⁷ Ovun narumkor dal e kimi dan sū ĭm pol sugkū kimi kūmna-kĭugi kimi faneteme woresitū iranda, ĭm yaū, yaū tawi dal ekĭmi dan sū dan sū:

⁸ Iyi umpi sugkūiyi faneteme, iyi opmobūm woruriuki imo woresoveli nokolĭsirag nĭmsĭn tenūmi yaū.

⁹ Itnesog yakum manūwi pugkūm memagkū, ra nūrūsū nūrūsū mori antĭn torenūwisah nam navosavos imo mori imo nasiven umpi, antĭn tampigi worenteme ves iyi.

¹⁰ Im Yūdas Iskariot sĭ ra irora twelv, yive punora ōvun tavsogi tumpora woresentevi Iesu woretinĭmpe iyi punora.

¹¹ Mirora dūmūrĭgi nam eni mō mavos ugi mō mūnūwi mūkokū wampugi muni; miyi yemnesorugi pe nokowo iyi ontemĭmpe iyi punora ra sĭ nĭmpugon aremī.

¹² Im ran dan mampūn pol sugkū irora dūmoni yōūp wokon mori pol sugku dūmūtalugi nūrah nĭmsin sakrefĭs, ōvun nūrie dūmūnūwi pugi mūmokū Ia kĭk emnakīugi ma ka ke lenumpi nisekom woreni paska?

¹³ Miyi yemtamūli endūrū ōvun nūrie eni memenūwi punora memokū, Uve ūntĭmne, avtit irami sĭ neteme umandiuki nūrah woretaligi nū, ūri iyi;

¹⁴ ĭm ra nimo mori iyi onĭntorĭmpe enūwi pugi neteme mori nimo isen, Iyi Tavsogi umanūwi memokū, Ia pe sĭlebok e ves, va oneni paska dal ōvun nūrie enyaū;

¹⁵ Miyi osesi pugkūm sī sĭlebok e ves tamas ratekomisah umatin tavĭnepon ūnisog ĭm siman aremi, Usiman iyūi nĭsekont.

¹⁶ Miroran dūrū dūmūve ran tĭmne memokesi sugkū iyi yepmenūwi punora mirora dūsĭman ugi paska.

¹⁷ Im pol sugkū poaraparap, iyi yivelum dal irora twelv;

¹⁸ Im pol sugkū dūmūtesĭgi nevag mori, Iesū yemenūwi memokū, Itnesog yakum manūwi pugkūm memagkū, sī kĭmi umĭn-tesĭgi nevag ūndū yaū, onĭmpiri woko yaū.

¹⁹ Mirora dūatipotni wororĭgumpūnū, mō mūnūwi punora irora go, mūmokū: Yaū kū; Yaū kū?

²⁰ Miyi yemtamsi mō menūwi punora memokū, Sī ra twelv mori umantipe nokoven ūnisog nūrah ūndū yaū.

²¹ Netni eni neteme umampe sugkū nam yeti netiyi ugi iyi kō navoret iran neteme mori umĭmpiri Netni eni Neteme ra nemás; aremī nisekon nagkū iyi yetū umprokomol.

²² Im polekū irora dūmprokoni Iesū yivi yōūp mō ĭmtesuki, mō morūsevi, mō movunora, memenūwi memokū, Uvī moni; imo oti nokolĭsirag.

²³ Miyi yōĭmpi kup mō mumpalugi, mō movunora, mirora sū dūmoneki marugi.

²⁴ Miyi yōmenūwi punora memokū, Imo oti de enyaū ugi nam ūnam ĭtevaū, pe mori otin wosĭlĭgi nisekonda sikat.

²⁵ Itnesog yakum manūwi pugkūm memagkū, ya otū amoneki marugi dumpon vin mafeli dan mori ya ōmamoneki pe ra lō eni Nōbū.

²⁶ Mirora dūmūsemsi si narūfo tumpora, mō mūve ilat, mō mūve ra numpūo Olivet;

²⁷ Im Iesū yemenūwi punora memokū, kĭmi sūkwosumpeli sumpeli nūgūmi popōwo ugi yaū imo pūmrok; ĭt oti netiyi memokū, Ya ontī neteme navles mōvun pugipugi wonaseviugi isūt;

²⁸ ĭm penūri nĭvsoresah enyaū ya opmampūni irami ra Kalĭli.

²⁹ Im Piter yemenūwi pugi memokū, Nagkū omwisū wosumpeli sompeli ūnūgūnda tawi yaū.

³⁰ Im Iesū yemenūwi pugi yakum manūwi punok ma, Ire pen dan—imo pūmrok, pol sugkū netūo otū onasora nĭmpugon dūrū kĭk onūaveni yaū nĭmpugon desel.

³¹ Miyi yōmenūwi nam mōmū horog memokū, Nagkū aremi ya amas ūndū kĭk—kō ya otū onūavenok—tawi. Mirora omwisū dūmūnūwi nam mūmokū sugkū.

³² Mirora dūmūve ra sĭ nūrū nin e pe mori Ketsemani; miyi yōmenūwi punora ōvun nūrie eni, Utesep kĭmi ĭgko polekū ya umnufwaki.

³³ Miyi yemtori Piter, ĭm Yakōbō, im Yōanē dal iyi, miyi yematipotni woreti nēōmpeli ĭm norĭgumpūnū tamas,

³⁴ Miyi yōmenūwi punora memokū, Naviat enyaū umandegumpūnū tamas wokon—sugkū ya amas ugi; ūtendowi kimi ĭgko ĭm wavles.

³⁵ Miyi yōmavanūwi mumol ra nemap, mō mufwaki, memokū, nagkū aremi woreti sugkū, ma nimpugon mori ampe marugi.

³⁶ Miyi yemenūwi memokū, Aba, Itemen yaū, Tiame sū omwisū kĭk faneteme worūmpi: etipe pelah imō kup marokoyaū, kō tawi sugkū yakum magkū ugi, kō sugkū kĭk emagkū aremi ugi.

³⁷ Miyi yivelum memokes-ora mirora dūmalēepo, miyi yemenūwi pugi Piter memokū, Simon kĭk emalēepo kū? kĭk tawi horog woravles lap ūndū yaūkū?

³⁸ Wavles kĭmi mūfwaki ma kĭmi kūtū amol ran tapmi: naviat umĭntorugat, pe nokolisiran emandĭmlĭmlū.

³⁹ Miyi yempe mō mufwaki, mōmenūwi magkū nam siteven.

⁴⁰ Miyi yōimpelum mō mokesora mirora dūomalēepo it nĭminda dūti numpok mirora dūtūkili womtamsi pugi magkūntie.

⁴¹ Im nĭmpugon deselugi iyi yōĭtnpelum mō menūwi punora memokū, Walēepo muvenūkūm, isūma marima: nimpugon mori okovelum; pah Netni eni neteme, otin tenĭmpe iyi ra nokovenda ōvetemīndi:

⁴² Utūok kos lampe; pah, iyi mori umampiriwokoyaū okevelum potipot.

⁴³ Marimago pol sugkū iyi yetūnūaveni, Yūdas yivelum, sī ra irora twelv, ĭm dal iyi telien lō tamas, gi ōvun naūitūga, movun nirum dūmne marokonda ōvun tavsogi tumpora mōvun somūl, mōveteme talam.

⁴⁴ Miyi mori yemimpirigi iran yepmovunora sĭ safi, iyi yemenūwi memokū, Iyi mori ya osūgū iran, iyi pe mori ūrūleki mūtori pelah mūfinte,

⁴⁵ Im pol sugkū iyi yivelum, yive pugi Iesū itnum, memenūwi memokū, Rabi, Tavsogi, mōimsūgū iran.

⁴⁶ Mirora dūmiilekavi iyi mōmūrūleki.

⁴⁷ Im sĭ ra irora mori dūmūtūr potipot, yemasenduri naūitūga isen mō ĭmtĭ livsaū eni tavsogi tumpora, mōĭmtantevi telugon eni.

⁴⁸ Im Iesū yemtamsi memenūwi punora memokū, Kimi kūvelum ugi ōvun naūitūga, mōvun nirum worelekavi sugkū nagkū worelekavi neneteme neforugi im talugi;

⁴⁹ Dan sū yaū mete dal e kimi ra nimo tumpora morun tavsog kūm, ĭm kimi kūtū melekavi, kō wonampesog ōvun netiyi tumpora memokū.

^50-51 Mirora dūmūwi iyi mō malo. Im sĭ neviarep yemūri iyi, mori yemakfugi némas līnĭn mōvun neviarep dūmūlekavi iyi.

⁵² Miyi yemowi nemas lĭnĭn ra nokovenda mō malō marokonda mavan e wokon.

⁵³ Mirora dūmūtōri Iesū pugi tavsogi tumpora horog mōvun tavsogi tumpora omwisū dūmūsemsemokonda pugi, mōveteme talam mōvun somūl.

⁵⁴ Im Piter yemūriiyi isūtmafeli ūnisog nimo eni tavsogi tumpora, miyi yimetesep dal ōvun nivūo wororūgom.

⁵⁵ Mōvun tavsogi tumpora mirora sū mori dūmaūor ugi dal dūmnesorokonda ōveteme worumpūvsok iran Iesū woretalugi iyi, mirora dūtokesi.

⁵⁶ It sikat dūmumpūvsok namli iran mōvun numpūvsok isenda dūti sugkū nam wokon.

⁵⁷ Im nugkondeme dūmūtūok mō mūnūwi namli iran dūmūnūwi mūmokū,

⁵⁸ Ka ke lorigi iyi memenūwi nam memokū, Ya Ontalepasi imo nimo tumpora mori ōveteme dūmumpi, ĭm penūri dan desel ya omenumpi sĭ mōmū, ĭm tawi ugi nokovenda ōveteme.

⁵⁹ Kō nam enirora dūti nam wokon sugkū.

⁶⁰ Miyi tavsogi tumpora yemtūok ĭleboteven, montagkeli Iesū memenūwi memokū, Kĭk otū mintamsi kū; Iroramo umnumpūvsok iram magkū tie?

⁶¹ Kō iyi yematenū yetū tamsi sĭ nam. Miyi tavsogi tumpora yōĭmtagkeli iyi mōmenūwi pugi memokū, Kĭk Krĭstō Netni eni Nevīves kū?

⁶² Im Iesū yemenūwi memokū yaū sugkū; ĭm sugkū kĭmi kwagesi iyi Netni neteme antesep ra nokoven meves ra horog, mō mampelum ra ōvun numpūaū ūnpokūp.

⁶³ Miyi tavsogi tumpora yemtevaseri nemas isen mō menūwi memokū, Tie aremi ōvun numpūvsok mōmū,

⁶⁴ Kimi Kūrigi nam sat mori, kimi kūmagkūwo? mirora sū dūmūnūwi mūmokū, aremi woretalugi iyi, ĭt iyi okoworepatevi.

⁶⁵ Im nugkon dūmatipotni woretevani iran, mō moven nipmi, mō mateki nipmi, mō mūnūwi pugi mūmokū, Profesĭ: ĭm ōvun torugat dūmateki iyi ugi nokovenda.

⁶⁶ Im pol sugkū Piter yemete ra mumpon nimo ratekomyep enī fan lō, sĭ nasiven torugat eni tavsogi tumpora yivelum:

⁶⁷ Im pol sugkū Piter yorugom, iyi yemenūwi pugi memokū, Im kĭk kimete ūndū Iesū ra Nasaret!

⁶⁸ Miyi yemenūwi memokū, Ya otūkili iyi, yakum mamgĭugi nam enugkĭk: Miyi yive ilat, ra mumpon norīyū, Im sĭ netūo yemasora.

⁶⁹ Im nasiven mori yōmokesi miyi yōmenūwi punora dūmūtūr yūi memokū, Iyi mori sī ra irora.

⁷⁰ Miyi yōmenūwi penuri lap irora yūi dal, mirora mori dūmūtūr dal dūmūnūwi pugi Piter mūmokū, Itnesog kĭk sĭ ra irora ĭt kĭk neteme Kalĭli, naviam oti sugkū.

⁷¹ Kō iyi yemati potni worenūwi nam sat sikat, memokū, Ya otū magkili neteme mori kĭmi kūmanūwi ugi iyi.

⁷² Im nĭmpugon dūrūgi sĭ netūo yemasora ĭm Piter yementeme nam mori Iesū yĭmenū wi pugi, memokū, Pol sugkū netūo otū omasoranĭmpugon dūrū kĭk onūavun yaū nĭmpūgon desel. Miyi yemevolevoli ugi, mō mageri tamas.