Mark 12 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Im iyi yematipotni worenūwi nam parabel punora memokū, Sĭ neteme yemōwi vinyard menĭmpī nagkaūugi, mō mokol ugi nimsin dumpon vin, mō menumpi nimo horog nimsin, metinĭmpe punora ōvun nasemnūok, miyi yive ra nūrū isūt.

² Im ra nĭmpugon worevi nōvwan yemtamūli lĭvsaū punora ōvun nasemnūok ma iyi ampi marokonda ōvun nasemnūok nōvwan marugi vinyard mori.

³ Mirora dūmūlekavi lĭvsaū, mūselatevi iyi mō mūsatevugi wokon.

⁴ Penūri yemtamūli punora sī mōmū lĭvsaū; mirora dūmūtevi iyi ugi nevat, dūmateki numpūn mō mūsatevugi ugi nagepĭ iran tamas.

⁵ Miyi yōĭmtamūli sī mōmū; dūmūtalugi iyi, ĭm sikat mōmū; nugkon irora dūmūtar,

⁶ ĭm nugkon irora dūmūtalokonda. Yeti sī netni siteven, netni paū isen, yemtamūli iyi punora ra nisah, memokū, Irora wosesieves netūg.

⁷ Mōvun nasĭmnūok dūmūnūwi punora mūmokū, Iyi tampenum, Uvelum kos lĭntalugi iyi ĭm denūok mori anti enugkos.

⁸ Mirora dūmūlekaviiyi mō mū talugi, mō mūtafugi ratilat denūok.

⁹ Iyi natemonok isen denūok onumpĭntie? Iyi ampelum mō mĭntivavtiti ōvun nasĭmnūok mori mō mĭntenĭmpe denūok punora oveteme mōmū.

¹⁰ Im kĭmi kūmasepim imo nam mori otin netiyi kū, Sī nevat mori ōveteme dūmumpi nimo ugi dūmokū ūr dūsatemugi pe mori oti netipe ra napūtan nimo,

¹¹ Imo yemne ra Iehōva, Sugkū ĭm kos kĭm lenavlugi ugi.

¹² Mirora dūmūtapmi worelekavi iyi mirora dūmamtetōkonda telien lō; it irora dūmokili ma iyi yemenūwi nam mori memokū ugi irora mirora dūrnūwi iyi mō mūve;

¹³ Mirora dūtamūli nugkon ra ōvun Faresi mōveteme eni Herod, worelekavi nam eni;

¹⁴ Mirora dūmūvelum mō mūnūwi pugi mūmokū, Tavsogi, ka kĭm lagkili ma kĭk itnesog, ĭm ki kotum mamtetokonda ōveteme, ĭt kĭk otum magesi nĭmĭnda ōveteme, ĭm kĭk emĭntavsogi itnesog ugi selat eni Iehōva, kĭk emagkūo oti tanepo worevugi muni mori pugi Sisar kū tawi. Ka ke lampugi, kū ka ke letū lampugi?

¹⁵ Miyi yemokili nĭmpiri isenda memenūwi punora memokū, Irasie kĭmi kūmĭntapmi yaū? vī ĭmpelum sĭ peni ma ya agesi.

¹⁶ Mirora dūmūvĭ; miyi yōmenūwi punora memokū, Imo safi ene mē? ĭm netiyi ene mē? Mirora dūmūnūwi pugi mūmokū, isen Sisar;

¹⁷ Im Iesū yōmenūwi punora memokū, Imo sū eni Sisar ovugi Sisar, mimo sū eni Iehōva, ovugi Iehōva. Mirora dūmavlugi ugi iyi.

¹⁸ Mōvun Sadūsi dūmūvelum pugi mori umanūwi magkū tawi nivsorasah, mirora dūmūtagkeli iyi mūmūnūwi mūmokū Tavsogi,

¹⁹ Moses yemetĭyi nam pugkam memokū, nagkū avinsī eni sī neteme amas mawi retepon, ĭm tawi ōvun nĭtni, avinsĭ eni ampĭ retepon mō mĭntori netni nisekon avinsĭ eni.

²⁰ Dūti ravinsĭeme seven: miyi ĭtnetemefi yivi retepon, yimas ĭm tawi netni.

²¹ Miyi dūrūgi yivĭ nasiven mori mō mas, ĭm tawi netni; miyi deselugi sugkū,

²² Mirora sū seven dūmūvĭ iyi ĭm tawi sĭ netni isenda, ĭm nasiven mori yimas.

²³ Ran dan nivsorasah pol sugkū irora mori wamsorasah, nasiven mori anti retepon enemē ĭ ĭt irora sū seven ilūmūvī iyi.

²⁴ Im Iesū yōmenūwi punora memokū, kimi kūmamgiugi imo kū? popōwo kimi kūtū magkili ōvun netiyi ĭm horog eni Iehōva.

²⁵ It irora pol sugkū wamsorasah marugi nemas ūtū wontevrugi ūtū wontori reteponeme, ĭt irora wanti sugkū ovun agelō ūnpokūp.

²⁶ Mugi ōvun nemas ma irora umamsorasah, kimi kūmūsepi ra netiyi tumpora eni Moses nam mori ugi nē nokowo Iehōva yemenūwi pugi, yaū Nōbū eni Ebraham, ĭm Nōbū eni Isak, ĭm Nōbū eni Yēkob?

²⁷ Iyi tawi Nōbū enirora ovun nemas, iyi Nōbū enirora ōvun nomūrep: ĭm kimi kūm mamgīugi ĭndowi.

²⁸ Im sĭ neteme Somūl yivelum miyi yemorigi nam mori irora dūmūtampĭgi, miyi yēmokili ma Iesu yemtamsi memenūwi ves punora, miyi yemtagkeli iyi memokū, Silnivi nam ra nūsian itokowo?

²⁹ Im Iesū yemtamsi memenūwi pugi memokū, silnivi ra nūsian oti imo, Urĭgi kimi ōveteme Isrēel, Iyi Iehōva Narisah enugkos oti Narisah siteven:

³⁰ Im kĭk onelintugi Iehōva Nōbū enugkĭk ugi nōwam omwisū, im naviat enugkĭk omwisū, mugi nelekon enugkĭk omwisū, mugi faneteme enugkĭk omwisū:

³¹ imo oti silnivi ra nōbūm, ĭm dūrūgi oti sugkū pe mori, Elintugi numpūnaram sugkū kĭk e pe kĭk; tawi sĭ mōmū silnivi nam horog ra imo sū mori.

³² Miyi neteme Tavsogi yōmenūwi pugi memokū, Itnesog, Tavsogi, kĭk osī menūwi ves popōwo Nōbū siteven tawi sī mōmū—iyi wokon;

³³ ĭm worelintugi iyi ugi nōwan omwisū, ĭm nelekon, ĭm naviat im horog ĭm worelintugi numpūnaran sugkū sī umneliutugi iyi pe iyi imo oti mōmū aremi ra ōvun nūrah sū woresakrefĭs ugi, mōmū aremi ra ōvun sakrefīs omwisū.

³⁴ Im Iesū yemelavenūri ma iyi yemenūwi nam ĭm yemokili fan, miyi yōmenūwi pugi memokū, kĭk tawi isūt marugi lō eni Iehōva. Mirora sū dūmamtetugi woroĭmtagkeli iyi.

³⁵ Im Iesū yemtavsogi ra nimo tumpora miyi yemtamsi memenūwi memokū, Ovun Tavsogi ūmanūwi mūmagkū, Kristo oti netni eni Dēvĭd pe nokowo?

³⁶ It iyi Dēvĭd yemenūwi ugi Naviat Tumpora memokū, Iyi Narisah yemenūwi pugi Narisah enyaū memokū, Etesep ra nokovūg meves mafeli nĭmpugon ya antipe ōvun novsen nakan enugkĭk ra mumpon noam.

³⁷ Miyi Dēvĭd ummanūwi magkū, iyi mori Narisah, ĭm nagkū sugkū iyi netni eni nokowo?

³⁸ Mōvun telien lō sikat dūmūrĭgi iyi ugi navos, miyi yemenūwi punora pol sugkū iyi yemtavsokonda memokū, Ufinte kĭmi marugi ōvun somūl mori umnakĭugi woravan ugi ōvun sĭmplaūon tantop, mirora umnakĭugi ōvun nam paū ra nūrū sū nevasi;

³⁹ Mōvun woretesep ra nūsian aremi ra mumpon ōvun nimo tavsogi,

⁴⁰ ĭm pol sugkū irora umampag, mirora umĭntereforugi nimo sū enirora ōvun neviumpūwi, mō mufwaki nimpugon tantop worimpirigi: irora mori wampī nam ugi nūrian mōmū nugkugko.

⁴¹ Im Iesū yemetesep ĭm bokes woretevĭnepon muni tumpora yeti ūnĭpmi eni miyi yemokesora ōveteme dūmūtipe muni ra mumpon, mōveteme ra nōete sikat dūmūtipe tamas ūnisog;

⁴² Im si neviumpūwi narumkor yive mō metipe ūnisog muni endūrū, ūrekis wokon.

⁴³ Miyi yemovrokonda ōvun nūrie eni memenūwi punora memokū, Itnesog yakum manūwi pugkūm memagkū, Imo neviumpūwi narumkor yemetipe ūnisog woretevĭnepon mōmū ra irora sū mori dūmūtipe ūnisog;

⁴⁴ It irora sū dūmūvĭ nugkon marugi nōete sū isenda mō mūtipe ra mumpon; miyi marugi narumkor isen mōtipe ra mumpon isen omwisū; omwisū mori iyi umnomūrepwi.