Mark 1 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Natnipotni nam navosavos eni Iesu Kristo, netni eni Nōbū; Dūmūtĭyi Ovun profet, memokū,

² Pah yakum memtamūli tandeko enyaū ūnimtum, iyi mori ontī selat enugkĭk.

³ Navian eni sīumprokotorenūwisah nam ra nūrū wokon, Utĭ selat alam nisekon Novsūromon, wumpi nugko Ovun selat eni.

⁴ Yōanē yembaptiso iranda ra nūrū wokon, mimtorenūwisah baptisma ugi nenuatumpeni sat sū.

⁵ Dūmūve pugi ōveteme ra nūrū sū Yūdia, im Yerūsalem, dūmūvī baptisō ugi iyi ra nintelep Yordan, mūmūnūatumpeni sat sū isenda.

⁶ Yōanē yemevīugi némas noveliran eni Kamel, mō memeti netoetĭgi ugi nokolistan, im nevag eni yeti wōfi ĭm huni ra nūrū wokon;

⁷ Miyi yemtorenūwisah, memokū, Sī onūri yaū, iyi mōmū horog irag, ĭm yaū tawi aremi woretelasep ĭm sūli sandal eni.

⁸ Yakum baptiso irami ugi nū: kō iyi ambaptisō irami ugi Naviat Tumpora.

⁹ Yemetepū ran dan sū mori, Iesū yivelum yemne ra Nasaret ra nūrū Kalĭli, ĭm Yōanē yembaptiso iran ra nintelep Yordan.

¹⁰ Im marimago yivesah marugi nū; yemokesi pokūp yetĭntīpelah, ĭm Naviat yumprokoyep sugkū ūmpon, mō ĭm tasi iran:

¹¹ Im pah si navian yemne ra pokūp, yemenūwi memokū, Kĭk Netūg paū, ĭm yakum umampekotekat ugi kĭk.

¹² Im marimago Naviat Tumpora yemtori iyi ra nūrū wokon.

¹³ Miyi yeti yūi ra nūrū wokon dan sū forti, ĭm Sētan yemtapmi iran; yemeti dal irora Ovun nūrah nagon; mōvun agelō dūmūtorugat iran.

¹⁴ Im pol sugkū dūmūtipe Yōanē ūnisog prison, Iesū yivelum ra Kalĭli, yemtorenūwi nam navosavos ugi eni Nōbū.

¹⁵ Memenūwi memokū, tanepūgon ugi nam mori oti nekompeli sū, ĭm umpotipot lō eni Nōbū: ūnūatumpeni sat sū ugi norĭgumpūnū ūnōwame, mūtavnirĭgi nam navosavos.

¹⁶ Im pol sugkū iyi yemaven ran telegon tok Kalĭli, yemokesi Simon ĭm Andrū avinsĭ umproketipe nokopon ran tok; ĭt irora dūti oveteme tī nomū.

¹⁷ Im Iesu yemenūwi punora memokū, Uriyaū, ĭm yakon umpi Kimi worevi oveteme.

¹⁸ Im marimago dūmūisep net isenda mō mūri iyi.

¹⁹ Im pol sugku yemorokaven lap, yemokesi Yakōbō netni eni Sebedi, im Yōanē avensi eni, dūmūte ra mumpon lō, dūmprokoteri ovun net isenda.

²⁰ Im marima iyi yemovrokonda: im irora dūmūwi Sebedi itemenda ra lō dal ovun torugat mō mūri iyi.

²¹ Mirora dūmūve Kaperneum: im marimago ran danemindog yemtorĭmpe ra nimo tumpora, mĭmtavsokonda.

²² Mirora dūmavlugi tavsogi isen: yemtavsokonda sugku si dūmūvugi horog, im tawi sugku ovun somūl.

²³ Im ra mumpon nimo tumpora enirora yeti sī neteme im naviatindi ūnisog iyi; miyi yemasoresah memenūwi memokū,

²⁴ Kūtū yorekam: tie iramam miram, kĭk Iesū neteme Naseret? Kovelum woretevelugonekam kū? yakum magkilok, kĭk iyi mori sī tanepo eni Nōbū.

²⁵ Im Iesū yemenūali nam isen, memenūwi memokū, Eteteven kĭk, elum mūwi iyi.

²⁶ Im pol sugku naviatindi yemtevaseri iyi mō mevsoresah, yemnarugi.

²⁷ Mirora dūmavlugi, mō mūsepen tagkelora, mūmokū, Tie imo? me nam tavsogi ĭtevaū? it iyi umnempasi wokonda ovun naviatindi ugi horog, mirora umsendiokeves iyi.

²⁸ Im marimago narigi yemekompeli nūrūsū nuru magkaū mevtit ra Kalĭli.

²⁹ Im pol sugku dūmūtūratumpeni ilat marugi nimo tumpora marimago dūmūve ūnisog nimo eni Simon ĭm Andrū, dal Yakōbō ĭm Yōanē.

³⁰ Kō dineme retepon Simon yemale ugi sī fivĭr, mirora dūmūnūwi pugi.

³¹ Miyi yivelum melekavi nokoven isen, mō meviotoksah iyi; im marimago fivĭr yemowi iyi, miyi yemtorugat iranda.

³² Im pwarap arap, pol sugku nĭpminen yemyep, dūmūtori pugi namarat sū mirora mori ōvun naviatindi iranda.

³³ Im omwisū ra sĭti dūmūsemsimokonda ra nogūn selat.

³⁴ Miyi yemumpi horĭgeves sikat mon dūmūvi ōvun namarat sū, mō metevelegora sikat ovun naviatindi; yetū owi irora worenūwi sī nam popōwo irora dūmūkili iyi.

³⁵ Im ratūnemis, tawi numtin dan lap, iyi yemevsorasah, yive ilat, mōĭmpe ra nūrū wokon, mō mufwaki iyūi.

³⁶ Im Simon mirora mori dūmūte dal, dūmūri iyi.

³⁷ Im pol sugku dūmokesi iyi, dūmūnūwi pugi mūmokō, ōveteme omwisū umnesorugkĭk.

³⁸ Miyi yemenūwi punora memokū, Ealah, kos kel ampe ra ōvun taūon umpotpot, ma yakum torenōwisah nam iyūi sugku; popōwo yakovelum ugi imo.

³⁹ Miyi yemtorenūwisah nam ra ōvun nimo tavsogi isenda ra nūrū Kalĭli, mō metevelegora ovun naviatindi.

⁴⁰ Im sī leper yivelum pugi, yemesenigi, yemumol ra numpon neterin ūnĭmpi isen, mōmenūwi pugi memokū, Nagku kemnakīugi, kĭk feneteme woresendumsi irag.

⁴¹ Im Iesū yemelintugi, yeevan nokoven, sugkori iran, mōmenūwi pugi memokū, Yakum nakīugi; eti sentevives.

⁴² Yemenūwi sū, im marimago leprosi yemowi iyi, miyi yeti sentevives.

⁴³ Miyi yemwalivat pugi mōĭmsatevugi marimago;

⁴⁴ Mōmenūwi pugi memokū, Origi, kūtū anūwi pugi sī neteme: kō eve, sese kĭk pugi neteme sakrefĭs, ĭm sakrefīs ugi tiame worsendumsi iram mori Moses yempasewugi ugi, nimsin numpūvsok punora.

⁴⁵ Kō yive pelah, memtampenigi tamas, mōmenūwisah, ĭm popōwo pe sugkū Iesū yetū faneteme worentorimpe ra sĭti, kō yemetĭndowi ra nūrū wokon: mirora dūmne ra nūrūsū nūrūsū ĭm dūmūvelum pugi.