Kolose 4 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Ovun narisah, ūvunora ōvun torugat enugkimi nĭpmi nugko im tanepo; kĭmi kumagkili memagkū, amante sī Narisah enugkimi ūnpokop.

² Ute horog ūnam ra nufwaki, mūfinteves mumpalug ugi;

³ ūfwaki nisekomam sugkū, ma Nōbū ontīpelah poketampet nisekomam nĭmsĭn nam, worenūwi nam ateumpeni eni Kristo,

⁴ mori ūmēiti yaū ugi pe; ma ya anūatumpene, sugkū aremī ya anūwi ugi.

⁵ Wavan aremī ūnĭmĭnda mori ōvun natūtavniri, mūfinte ves ōvun nempugon.

⁶ Unūwi nam aremī dan sū, mūfinte ugi nemolsep, ma kwagkili woretamsi aremī pugkūm kĭmi.

⁷ Iyi Tikikus anūwi aremī pugkūm ugi yaū, avūgsi paū ĭm livsaū tanepo ĭm neteme torugat ūndū yaū ra Novsūromon:

⁸ mori yaū umtamūli pugkūm ugi pe, ma kĭmi kwagkili nokowo ugi kam, fan ma iyi onumpi torugat nowami;

⁹ ūndū Onesimus, avūgsi paū tanepoves, ĭt iyi numpūnaran enugkimi. Irora wanūwi aremī pugkūm siamesū ūmnumpi ĭgko.

¹⁰ Aristarkus, mori dūmēiti ūndū yaū, emagkū kĭmi paū, ĭm Mark avensi eni Barnabas (kūmūvī nempasewugi ugi iyi; nagkū iyi ampelum pugkūm, ūvī iyi),

¹¹ ĭm Yosūa, nin sī mōmū Yustus, mori dūmūvi namon iranda: irora wokon ūmentorugat dal yaū ugi lō eni Nōbū, irora dūmūsitū aremī irag dūmumpi navos nowag.

¹² Epafaras, neteme enugkimi, livsaū eni Iesū Kristo, emagkū kĭmi paū, ĭt iyi umnatekisah ĭndowi nisekomi ugi nufwaki isen, ma kimi kwante tanepoves ĭm ūnam ĭndowi aremī ra nakiugi omwisū eni Nōbū.

¹³ Popōwo ya umampūvsok iran, memagkū, iyi umnakīugkum tamas, ĭm nisekonda ra Leodesia, ĭm nisekonda ra Hierapolis.

¹⁴ Lūk, doktor paū tamas aremī, ĭm Dimas ūmagkū kĭmi paū.

¹⁵ Irora pau raveteme ūmante Leodesia ĭm Nimfas, ĭm nilpon sī lō mori ūmante ūntemne isenda.

¹⁶ Im pol sugkū kwasepi sū imo netiyi pugkūm, ūnūwi magkū irora wasepi punora nilpon sī lō Leodesia; ĭm ūsepi kĭmi netiyi mori yimne Leodesia.

¹⁷ Im ūnūwi pugi Arkippus, memagkū, Efinte numpūrak mori dūmūtipe kĭk nĭmsĭn ugi Novsūromon, ma kĭk agkompelisū.

¹⁸ Nempasewugi imo enyaū Pol ugi nokovūg yaū pe yaū. Wenteme ōvun worēit nugkugko irag. Antemante irami itemas paū.