Kolose 2 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Im ya um nakiugi ma kĭmi kwagkili ugi natekisah horog ĭm norĭgumpūnū enyau nisekomi ĭm nisekonda ra Leodesia, ĭm nisekonda omwisū dūtūkesi nĭmtūg;

² ma irora wampī nemolsep ūnōwanda, worēetora ugi nelintugi punora dal irora, ĭm worevī ugi horog noĭntanwi tamas ugi ĭtnesog, ma irora wagkili siame natiumpene eni Nōbū, ĭm Krĭstō,

³ ra iyi mori dūmūtiumpene siame omwisū nelekon ĭm nointanwi.

⁴ Yakum manūwi imo ma tawi sī ontorokūm ugi nam nemeloklo nĭmpiri.

⁵ Ya otū mante dal kĭmi ra nokolisirag, kō ya umante dal kĭmi ra naviat, memnavos ra kĭmi memagesi numpi natorves enugkimi, ĭm horog ūnam tavniri enugkimi ra Krĭstō.

⁶ Im sugkū kūmūvī Iesū Krĭstō Novsūromon, wavan ūndū iyi,

⁷ ūte ūnam iran, ĭm ra tavniri enugkĭmi, ĭtnesog sugkū dūmūtavsogkūm ugi pe, mōmumpalug ugi tamas.

⁸ Ufĭnte ma otū ontorokūm sī neteme nelekon nĭmpiri ĭm netevarū namli, ĭm sugkū nam alam eni ōveteme, ĭm tavsogi ra nemap, ĭm tawi sugkū Krĭstō:

⁹ popōwo umante ūndū iyi siame sū omwisū eni Nōbū ra nokolisiran,

¹⁰ ĭm umnumpi kĭmi aremī ra iyi, it iyi horogesah iranda ōvun fan lō omwisū ĭm ōvun horog omwisū dūmumpi namon irami;

¹¹ ugi numpi namon tawi ugi nokovenda ōveteme, siame worevīpelah numpindi ūnōwami enugkĭmi etūwī, ugi numpi namon isen Krĭsto;

¹² dūmūtenemi kĭmi ūndū iyi ra baptiso, kĭmevsorasah kĭmi ūndū iyi ugi tavniri enugkimi ra numpūrak horog eni Nōbū, mori yemevsorasah iyi marugi nemás.

¹³ Im kĭmi kūmūte ōvun nemás popōwo ugi ōvun sat sū enugkĭmi ĭm netūvī namon ra nowami etuwī nugkugko, kĭmi mori, yemumpi kĭmi ōvun nomūrep dal iyi, miyi yemefielintogkos ōvun sat sū enugkos omwisū;

¹⁴ miyi yemeyeoiki nam alam irant dūmūtīyi worūrian irant, yetūte netevarū enugkos: miyi yivipelah marugkos, memēteri ra nēūmparum;

¹⁵ yemtenimpe marugi iyi ōvun fan lō moveteme horog, yemsesi irora ūnĭminda oveteme omwisū, yemtantevakepe iranda ugi pe.

¹⁶ Utū wanūwi pugkūm sī ugi nevag, kū ugi nū, kū ugi sī dan narigari kū ĭtīs ĭtevaū kū danemindog:

¹⁷ ĭt irora safi ra siame wampelum; kō fan umamne ra Kristo.

¹⁸ Tawi aremī sī unumprok nĭpmi enugkĭmi ugi nemolsep isen ĭm tevita iranda ōvun nagelo, woretindowi ra siame yemokesi, ĭm nugkugko ūnōwan ugi tarū ra nemap isen,

¹⁹ ĭm tawi woretindowi ra Numpun, marugi iyi nokolisiran omwisū ugi ōvun netnap ĭm ōvun narep umnumpi sīteven aremī ugi, umnalam ugi tarū eni Nōbū.

²⁰ Im nagkū kūmūvī nemas nandū Krĭsto marugi siame ra nemap, irasie, kĭmi kūmnumpi sugkū netevani lō ra nemap, sugkū nagku kūmante sīteven ugi netūtavniri dal irora,

²¹ Utū elakavi, ūtū ategap,

²² ūtū sogkori (imosū siame sū omwisū wampiaī) sugkū nam alam ĭm tavsogi isenda ōveteme?

²³ Itnesog imo siame umnumpi sugkū safi nelekon ra tevita umasepen numpi, ĭm nemolsep ratilat, ĭm ugi netipe nugkugko ra nokolisiran; kō irora tawi faneteme woresompat sat ra nokolisiran.