Kolose 1 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Pol apostol eni Iesū Krĭsto ugi tampoli eni Nōbū, ĭm Tĭmot apmamsĭ,

² punora ōveteme aremī ĭm ravetsīeme tanepo ra Iesū, mori ūmaute Kolosē: Itemas pau pugkum ĭm ninparata marugi Nōbū Itemen enugkos.

³ Ka kem lenumpalug pugi Nōbū Itemen eni Iesū Krĭstō Novsūromon enugkos, mōĭmnufwaki dan sū nisekomi,

⁴ popōwo kam lorĭgi tavniri enugkimi ra Iesū Krĭsto, ĭm ugi nelintugi enugkimi punora ōveteme aremī omwisū,

⁵ popōwo ugi ratevetūwi ūnpōkūp umantipe nisekomi, mori kumūrĭgi ugi ra nam navosavos Itnesog, mori okovelum pugkum;

⁶ sugkū okevelum ra nūrūsū nūrūsū ra nemap omwisū umnumpi novwan ugi tandamsah, sugkū umnumpi irami, marugi dan mori kūmūrigi mūkili nelĭntugi ĭtemas pau eni Nōbū ugi ĭtnesog;

⁷ sugkū yemtavsogkūm Epafras neteme torugat paū enugkam dal kam, lĭvsaū tanepo eni Krĭsto nisekomam,

⁸ miyi yemenūwi pugkam nelintugi enugkimi ra Naviat.

⁹ Popōwo pe sugkū marugi dan mori kam lorigi ugi pe, kam letūwi worefwaki ĭndowi mōmesenĭgi nisekomi, ma kwampwarugi kĭmi ugi nointanwi ugi nakūrgi isen ra ōvun nelekon ĭm nelavenūri ra Naviat,

¹⁰ worumpi aremī ra Novsūromon ĭm aremī ra siame sū, momampūwo ra ōvun numpūrak aremī omwisū, mōmenug ra nokili ugi Nōbū;

¹¹ woreti torugat omwisū, sugkū ugi horog narĭgi isen, memagkū kunumpi nemolsep ĭm nelintugi ugi navos; mumpalug pugi Itemen,

¹² yemumpi kos aremī woreti siame noeteves dal ōveteme aremī ra nūrūves;

¹³ mori yempĭpelah kos marugi lō nelebokevat, mōmentorokos ra ĭō eni Netni pau isen;

¹⁴ ugi iyi koskelevĭ nēyōwara ugi dē isen, ĭm nefielintugi sat sū enugkos:

¹⁵ iyi mori safi Nōbū ūtūm magesi, yepmovūm iranda siame sū;

¹⁶ popōwo ra iyi yemumpi siame sū ūnpokūp ĭm ra nemap, siame ūmagesi ĭm siame otūm magesi, ĭt nagku ōvun narisah kū ōvun fan lō kū ōvun nevi netenūrū kū ōvun natemonk nusian kū ōveteme talam horogesah;

¹⁷ dūmumpi ugi iyi, ĭm nisekon iyi; ĭm iyi yemovum ra siame sū, ĭm umante siame sū ugi iyi.

¹⁸ Im iyi numpūn nokolisiran, nilpon sī lō tumpora: natipotni siame sū, ĭm netemefe ra nivsorasah marugi nemas; ma iyi ante tantevakepe iranda siame sū.

¹⁹ Popōwo Itemen yemokū antĭndowi ra iyi nūsian horog siame sū;

²⁰ ĭm ugi iyi worumpi nemolsep siame omwisū pugi iyi pe iyi, yemumpi tasiasie popōwi ugi de ra nēūmparum isen; ya magkū, popōwo ugi iyi, nagkū siame ra nemap kū siame ūnpokūp.

²¹ Im kĭmi mori etūwī kūmūte ōvun domo ōvun novsin nakan ūnōwami ĭm ra numpūrakĭndi enugkimi,

²² kō marima iyi umnumpi nemolsep kĭmi ra fan, ra nokolisiran popōwo ugi nemas, woretipe kĭmi tumpora ĭm aremī wokon ĭm tanepoves ūnĭpmi isen:

²³ ĭt nagkū kwantĭndowi kĭmi ra tavniri ūnam ĭndowi, mūtūtorileki marugi ratevetūwi nam navosavos mori kūmūrĭgi, mori yemtorenūwisah ra nūrū sū nūrū sū omwisū ra netekon pokūp; dūmumpi yaū Pol lĭvsaū ugi pe.

²⁴ Im ya umnavos ra mumpon norĭgumpūnu enyaū popōwo ugi kĭmi, ĭm okompeli norĭgumpūnū yemete isen Krĭstō, ra fan enyaū popōwo ugi nokolisiran, mori nilpon sī lō tumpora;

²⁵ dūmumpi yaū lĭvsaū ugi, sugkū numpūrak mori Nōbū yemetipe irag nisekomi,

²⁶ woresūlives nam eni Nōbū, nam dūtūkili ugi yemetiumpeni ĭtetūwī ĭm ra palsi sū: kō marima ūmenūatumpene punora ōveteme aremī isen,

²⁷ punora pe Nōbū yemokū iyi anūwi sie nūsian aremī nilasilaswi ugi imo nam yemetiumpeni punora lō pelah sī mori oti Krĭstō ūnisog kĭmi, ratevetūwi nilasilasewi:

²⁸ iyi mori ka kĭm lentorenūwi mōmeyevora ōveteme omwisū ĭm tavsokonda ōveteme omwisū ĭm tasgokonda ōveteme omwisū ugi nelekon omwisū, ma ka kelitorora ōvun aremī wokon ra Krĭstō;

²⁹ popōwo pe ugi yakum torugat, mōmatekisah sugkū numpūrak isen, mori umnumpi ūnisog yaū horog tamas wokon.