Kalesia 5 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Ute kĭmi ūnam ra nemolsep mori Kristo yemumpi nisekomi, mūtū torileki kĭmi mōmū ra nagelaū nugkugko.

² Pah, yaū Pol yakum manūwi pugkūm, memagkū, nagkū kĭmi kwampi namon irami, otū ante aremī nisekomi Krĭsto.

³ Im yakum manūwi imo mōmū punora omwusū mori ūmampī namon iranda, memagkū otū sūlora marugi selnivi nam, kō irora wonekompeli omwisū.

⁴ Usūlūkūm kĭmi marugi Krĭstō, kĭmi mori kūmagkū kwonumpi kĭmi tanepo popōwo ugi nam alam; kĭmi kum mumol marugi itemas paū.

⁵ Popōwo kos kĭm lintevetūwi tanepo ves ugi Naviat ra tavniri enugkos. Im ra Iesū Krĭstō namon nisekon neteme nindewavū,

⁶ ĭm nindewavū sugkū woretūvī namon; kō pe tavniri umnumpi aremī ugi nelintugi.

⁷ Kĭmi kūmalovee; me yemsompat amtugkūm ma kim ūtū alekoleki nam ĭtnesog?

⁸ Imo siame tavsogi yetūmne marugi iyi yemtorugkūm.

⁹ Sī leven virok umnumpi leven ra yōūp omwisū.

¹⁰ Yakum mintesūwo irami ra Novsūromon, memagkū kūtū ampi si momu tarū ūnōwami kĭmi: kō iyi sī kū sī mori onumpi nēyōĭmpeli ra tairū enugkimi ampī nūrian iran iyi.

¹¹ Ravūgsīeme, nagkū ya um magkū ōveteme wampī namon iranda, irasie umnumpi nesesaū irag? nagkū tawi nakan iran nē umparum.

¹² Yakum nakiugi wontafugi irora, irora pe irora mori umnumpi tarū tarū ūnōwami.

¹³ Dūmūtorokūm, ravugsieme, ra nemolsep; kō ūtū wumpi netevarū sugkū etūwi ra nemolsep, kō ugi nelintugi ūnōwami ūtorugat irami kĭmi.

¹⁴ Popōwo umalekoleki selnivi nam omwisū ra nam sīteven wokon, sugkū imo; Elintugi numpūnaram sugkū kĭmnelintugkĭk.

¹⁵ Kō nagkū kwonelatop monenekūm kĭmi, ūfĭnte kĭmi kū entawi kwagkinekūm kĭmi pe kĭmi.

¹⁶ Kō yakum manūwi pugkūm, memagkū, Wavan kĭmi ra Naviat Tumpora ĭm kūtū onumpi tarū nilasivian nokolisirami.

¹⁷ Nakiugi ūnōwant pe sī, kō nakiugi eni Naviat pe sī; ĭm imo endūrū sugkū sī ĭm sī; popōwo pe sugkū ūtū umpi imosū kūmnakīugi worumpi kĭmi.

¹⁸ Kō nagkū Naviat Tumpora outorokūm, kūtū wante kĭmi ra mumpon nam alam.

¹⁹ Umagkili numpūrak ūnōwant etūwi, iroromo imosū; tampalaū, nililūo, nilisivian sat, tevita ra natemas, natemasevī, ōvun nakan, nesesaū, norĭgi sat,

²⁰ narakī, novsen nakan, tarū tarū, sendūekiya, neworemesat, namoneki, neyompeli,

²¹ ĭm siame sugkū sū: yakum manūwi pugkūm ugi imo sū, sugkū yaū menūwi pe sū pugkūm, memokū, ūtū ampi lō eni Nōbū irora sū ūmnumpi imo siame.

²² Kō novwan ugi Naviat Tumpora oti imo; nelintugi, navos, ninparata, natekisah indowi, numpeleves dan sū iranda ōveteme, nowan aremī, tanepoves,

²³ nemolsep, neteteven: ĭm iranda sugkū imosū itnesog tawi nam alam,

²⁴ Irora mori isen Iesu Krĭstō dūmūtalugi ra nēūmparum nowanda etūwi, ĭm nilasivian ĭm sat ra nokolisiranda.

²⁵ Nagku kos kim lamūrep ugi Naviat Tumpora aremī kos kelenūri Naviat Tumpora.

²⁶ Im aremī kos keletūon tarū nugkugko ūnōwant, worumpi nesorū irant pe kos, ĭm neworemesat.