Kalesia 4 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Kō ya magkū pol sugkū neteme tanepo umante nalaū lap, iyi tawi mōmū sī iran lĭvsaū torugat,

² kō ĭtnesog ĭt isen iyi ōvun sie omwisū; kō iyi umante ra mumpon nokovenda ōvun tavsogi ĭm ōvun nefinte siame isen mafeli nempugon mori yepmenūwi itemen.

³ Im sugkū kos kĭm lagalaū ra tavsogi mampūm ra nemap, ra nempugon mori kos kĭm lete ōvalalaū:

⁴ kō pol sugkū yemokompeligi nempugon isen Nōbū yemtamūli Netni isen, yemomprokomol ugi nasiven,

⁵ yemete ra mumpon nam alam, ma iyi oneviēyōwara iranda dūmūte ra mumpon nam alam, ma kos kel ante ōvun netnime isen.

⁶ Im popōwo kĭmi ōvun netnime isen Nōbū yemetipe Naviat eni Netni isen ūnōwami, umnasorasah, memagkū Nate, Itemen.

⁷ Popōwo pe kĭk tawi lĭvsafi mōmū, kō netni; ĭm nagku kĭk netni, kĭk tampenum siame popōwo ugi Nōbū.

⁸ Kō ra nempugon mori, popōwo kĭmi kūmūtūkili Nōbū, kĭmi kūmagelaū iranda mori ĭt irora tawi nōbū:

⁹ kō marima popōwo kĭmi kūmagkili Nōbū, kō mōmū Nōbū umagkilekūm, irasie kūmūtorileki kĭmi ra tavsogi siame ūr ĭm nindewavū wokon, mori kĭmi kūmakĭugi worotorileki worelĭvsaū iranda?

¹⁰ Kūmafinte ōvun dan, ĭm ōvun ĭtis, mōvun nevi, ĭm ōvunnempugcn.

¹¹ Ya um mandigi sat popōwo ugi kĭmi, kū entawi yaū memagelaū wokon irami ĭm tawi fan.

¹² Yakum nesenugkūm, ravugsieme, ūte sugkū yaū, popōwo yaū sugkū kĭmi.

¹³ Kum mūtū umpi ūr irag ugi sī entie sī kĭmi: kūmagkili kĭmi magkū nokolisirag yeti ūr ra nempugon mampūm yaū ĭm torenūwi nam navosavos pugkūm:

¹⁴ ĭm kūmūtokesyaū sat popōwo ugi mori ra nokolisirag, ĭm kĭmi kūmūtūwi yaū; kō kūmūvī yaū sugkū nagelo eni Nōbū, ĭm sugkū Iesū Kristo.

¹⁵ Navos mori enugkĭmi ugi kĭmi ive? popōwo itnesog yaū magkili memagkū nagkū tawi nugkugko kĭmi pūmūvsi nemetemi mūmōvoyaū.

¹⁶ Im yaū novsin nakan enugkĭmi, popōwo yaū ĭmsūli ves pugkūm nam itnesog ugi kĭmi kū?

¹⁷ Irora ūmnatekisah irami kō tawi ugi aremi, ĭtnesog irora ūmesompatamtugkūm ratilat, memagkū kĭmi kwonesorokonda wokon.

¹⁸ Kō ĭt oti aremī woretorugat ugi natekisah ra siame aremī ran dan sū, ĭm tawi wokon ra nempugon yaū dal kĭmi.

¹⁹ Ovunyan enyau, yakum mōĭm nagelaū nisekomi mafeli Krĭstō antūratumpene ūnōwami,

²⁰ ĭtnesog yakum nakiugi woretindowi dal kĭmi marima, ĭm lagkū ante pe sī nam enyau: popōwo: yakum mandegi nesorū ugi kĭmi.

²¹ Unūwi pe poyaū, kĭmi mori kūmnakīugi woretindowi ra mumpon nam alam, kūtū mandegi nam alam kū?

²² Popōwo dūmūtĭyi mūmokū yemete dūrū ōvun netnime eni Ebraham, sī ugi nasiven torugat isen, ĭm sī ugi nasiven nasimnalam.

²³ Kō iyi mori netni yemne marugi nasiven torugat yemumprokomol sugkū netevarū ra nemap; kō netni mori yemne marugi nasiven nasimnalam yemumprokomol sugkū nam niyeviwos.

²⁴ Im sī nam nagkaūĭntan ra mumpon imo: ĭt irora ōvasiven dūrū mori sugkū nam unam endūrū; sī marugi numpūo Sīnī, umampī ovunyan pugi torugat nagalau wokon, mori oti Hēkar.

²⁵ Im imo Hēkar oti numpūo Sīnī ra Arebia, ĭm sugkū sū Yerūsalem ra imo nempugon: popōwo iyi umante ra nagelaū nugkugko wokon dal ōvunyan isen.

²⁶ Kō sugkū nasiven nasimnalam Yerūsalem mori nnelūo, iyi dinement kos sū.

²⁷ Popōwo umnetīyi memagkū, Avos, kĭk mori umlat kĭmetūvi sī nalaū; Avokotekat ĭm asorasah, kĭk mori kĭmetūrĭgi nasaū ugi nevi ōvunyan sorum: Popōwo mōmū ovunyan isen, iyi mori nefi iran iyi mori yivi asūon.

²⁸ Ravugsieme, kos ōveteme, mori dūmumprokomol ra nam niyeviwos, sugkū Isak.

²⁹ Im sugkū iyi mori yemumprokomol ugi netevarō ra nemap yemumpi nesesaū iran iyi mori yemumprokomol ra nam isen Naviat Tumpora ra nempugon mori, ĭm sugkū marima.

³⁰ Kō netiyi tumpora umagkū sie? Satevugi nasiven torugat ĭm netni isen: popōwo netni nasiven torugat otū ampi tampenum nandū netni nasiven nasimnalam.

³¹ Popōwo pe ravugsieme, kos tawi ōvun netnime isen nasiven torugat, kō kos ōvun netnime isen nasiven nasimnalam mori.