Kalesia 2 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Im nagkū isūma nevisū fortin yaū moĭmpe Yerūsalem dal Barnabas ĭm yaū ĭm tori Tītus dal yaū.

² Yaū ĭm sah popōwo ugi sesi poyaū; ĭm yaū msūli punora nam navosavos mori yaū msūli punora, lō pelah sī, kō yaū ĭm sūli metūk mampum punora ōveteme aremī, ma nagkū otū ante nindewavū numpūrak mori yaū mumpi, kū imo ya umnumpi.

³ Im dūtokū ma Tītus neteme Krik, mori yemūri yaū, ampi namon iran:

⁴ ĭm imo yeti popōwo ugi raveteme nimpiri dūmūvelum pugkam, kō kam letūkilora, dūmūtesūo iramam, kō tawi ĭtnesog, worokesi navan aremī enugkam ra Iesū Krĭstō, ma irora wantipe numpukontom iramam:

⁵ kō kam letūrĭgora kū nugkugko iramam isenda, tawi, tawi ugi nempugon sīteven; ma antĭndowi dal kĭmi nam ĭtnesog ra nam navosavos.

⁶ Ko marokonda ōveteme mori dūmūnūwi mūmokū irora ōvun horog—kō ya otū kili ugi irora ĭm ya otū mandegi sat ugi irora: Nōbū otū mentampolora ōveteme —ya magkū irora, mori ōvun horog dūtū tavsokoyaū sī sie sī,

⁷ kō pol sugkū irora dūmokesi ma dūmūvoyaū nam navosavos nisekonda ōveteme dūtū umpi namon iranda, sugkū dūmūvrugi Piter ugi nam navosavos nisekonda ōveteme dūmumpi namon iranda,

⁸ (iyi mori yemovugi Piter horog woretorugat iranda ōveteme mori dūmumpi namon iranda, yemovoyaū torugat woretavsokonda ōvun lō pelah ra nūrū sū nūrū sū);

⁹ ĭm pol sugkū irora dūmūkesi ĭtemas paū dūmovoyaū, irora mori dūmokū ugi irora ma irora ōvun horogesah, irora Yakobo ĭm Sifas, ĭm Yōane, mori dūmokū ōvun horog ra nilpon sī lō tumpora, dūmugkeri nokovūg ĭm nokoven Barnabas ugi nokovenda mevis enirora ugi ĭtnesog ma ka kelampe punora, ōvun lō pelah ĭm irora punora lō Isrēel;

¹⁰ kō irora dūmakĭugi ma ka kelentarū wokonda ōvun norumkora; kō imo yaū mentarugi dan sū.

¹¹ Kō pol sugkū Sifas yivelum Antiok, yaū ĭmyevi ūnipmi popōwo ugi netevarū nagkaū isen.

¹² Popōwo pol sugkū nugkon ōveteme marugi Yakobo dūtū velum lap, yemeni dal ōvun lō pelah, ko pol sugkū irora dūvelum, yemowi lō pelah metūve punora, it iyi yememtitokonda mori dūmumpi namon iranda.

¹³ Im lō Yūdiaomwisū mori dūmūri iyi ra imo nimpiri; ĭm ugi imo netevarū ūr isenda dūmūtori nagkaū Barnabas sugkū.

¹⁴ Kō pol sugkū yaū mokesi ma, irora dūmavan nagkaū, ĭm tawi sugkū netevarū aremī ra nam navosavos, yaū menūwi pugi Sifas ūnĭmĭnda omwisū memokū, Nagkū kĭk neteme Yūdia kotūm numpi sugkū ōveteme Yūdia, irasie kĭm magkū irora lō pelah wonumpi sugkū ōveteme Yūdia?

¹⁵ Kos mori netnime Yūdia ugi fan, ĭm tawi netnime lō pelah ugi fan, ĭm lō nelebokevat,

¹⁶ ĭm kos kim lagkili ma irora ūtū magkū ĭt nogko navan eni neteme popōwo ugi nam alam, kō ugi tesūwi iran Iesū Krĭstō wokon, kos kĭm lentesūwi iran Iesū Krĭstō, memagkū irora wanūwi ĭt nogko navan soret popōwo ugi tesūwi enugkos iran Iesū Krĭstō, kū tawi ugi nalekoleki nam alam: otū magkū ĭt nogko navan eni sī neteme popōwo ugi nam alam.

¹⁷ Kō nagkū pol sugkū kos kim lenesorugi memagkū wanūwi magkū it nogko netevarū enugkos ugi Krĭstō, ĭm kos kĭm lumpi sat, ĭt iyi Krĭstō lĭvsaū ra sat kū? Tawi sugkū, tawi ĭndowi.

¹⁸ It nagkū yakum mentūkisah siame yaū mentasi, yaū magkū yaū neteme sendūekia.

¹⁹ Popōwo ugi nam alam yaū mas ra nam alam, ma ya amūrep pugi Nōbū.

²⁰ Yaū mepmas ra nē umparum ūndū Krĭsto; ĭm ya umamūrep: ĭm tawi yaū mori umamūrep, kō Krĭstō umamūrep ūndū yaū: ĭm imo nomūrep mori yakum nomūrepwi marima ra nemap ya um amūrep ra tavniri, tavniri mori iran Netni eni Nōbū, mori yemelĭntokoyaū, ĭm yem espen tenimpe iyi nisekūg.

²¹ Ya otū sendūekia ĭtemas eni Nōbū popōwo nagkū ĭt nogko ĭm tanepo netevarū isenda ōveteme popōwo ugi nam alam, yimas wokon Krĭsto.