Kalesia 1 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Ya magkū, yaū Pol apostol (tawi morokonda ōveteme, tawi ugi ōveteme, ko ugi Iesū Kristo ĭm Nōbū Itamen, mori yemevsorasah iyi marugi nemas),

² ĭm raveteme omwisū mori ūnuū yaū, ūmagkū punora nōvu nilpon sī lō tumpora Kaletia:

³ Kĭmi pau ĭm ninparata marugi Nōbū Itamen, ĭm Iesu Krĭstō Novsuromon soret,

⁴ mori vemespen tenipe iyi ugi sat sū enugkos, ma iyi osemsempari irant marugi netevarū ra imo nemap sat, sugkū ugi tarū eni Nōbū Itament:

⁵ nilasilaswi ante mante pugi indowi indowi. Amen.

⁶ Ya um navlugi popōwo kĭmi kūmūwi itnum iyi mori yemovrugkūm ugi ĭtemas paū eni Krĭstō ra nam navosavos sī;

⁷ kō ĭtnesog imo tawi nam navosavos pe sī: ko nugkon ōveteme ūnmakīugi woreyompelĭgi nōwami momumpi nagkaū nam navosavos eni Kristo.

⁸ Kō nagkū ka kwanūwi nam navosavos, kū sī nagelo marugi pokop, ĭm tawi nam navosavos sugkū mori ka īuūnūwi sū pugkūm, nevīĭndi iran.

⁹ Im sugkū ka mūnūwi sū pugkūm, ĭm ya omemanūwi, nagkū sī entorenuwi nam navosavos pe sī ĭm tawi imo mori kūmūvī, antin nevīĭndi iran.

¹⁰ Ya otūm nakiugi nani nemolsep eni neteme, kō isen Nōbū wokon: ya otum nakiugi narigi isen neteme; nagkū ya umnumpi ĭndowi irag nam paū eni neteme, tawi yaū lĭvsaū eni Kristo.

¹¹ Yakum manūwi pugkum, ravūgsīme, memagkū, yetūmne ra neteme nam navosavos mori yaū menūwi.

¹² Popōwo ĭtnesog yaū metūvī marugi neteme, ĭm tawi sī yetūtavsokoyaū, kō yivelum po yaū ugi sesi eni Iesū Krĭstō.

¹³ Im kĭmūrgi netevarū sorug etūwi pol sugkū yaū mete ra nofwaki isenda ōveteme Yūdia, ma yaū matekisah tamas ugi nesesaū iranda nelpon sī lo eni Nōbū mō mokinora:

¹⁴ ĭm yaū ĭm tantevakepe iranda sikat mōmū ra lō sorug ra nofwaki isenda ōveteme Yūdia, ĭm yaū matekisah tamas wokon ugi nam alam isenda ōvun ĭtīs sorūg.

¹⁵ Kō pol sugkū yeti aremī iran Nōbū, mori yemtampoli yaū, marugi nempugon nomprokomol enyaū,

¹⁶ memovrokoyaū ugi ĭtemas paū isen, woresesi Netni isen po yaū, ma ya ontorenūwisah iyi punora lō sū lō sū; marimago yaū metoko ugi sī neteme:

¹⁷ ĭm yaū metūve Yerūsalem punora mori dūmūte ōvun opmovūm irag: kō yaū ĭmpe Arebia; moĭmtorileki Damaskus.

¹⁸ Im penuri nevi endesel yaū ĭmsah Yerūsalem woratneme Sifas, ĭm yaū mete nandūdan fiftin.

¹⁹ Kō yaū metūkosora mōmū ōvun apostol, kō Yakobo wokon avensi Novsūromon.

²⁰ Im ugi siame ya umnetīyi sū pugkūm, ĭtnesog, ūnipmi Nōbū, ya otū manūwi namlī ugi.

²¹ Penūri imo sū ya okove ra nūrū sū Siria ĭm Silisia. Dūtūkili nĭmtūg ōvun nilpon sī lō,

²² mori dūmūtavnirĭgi ra Krĭstō: kō irora dūmūrigi wokon,

²³ memokū, Oragi mori yemumpi nugkugko irant, marima iyi umesūli ves nam tavniri mori yemokeni etūwī;

²⁴ ĭm irora dūmumpi nilasilaswi iran Nōbū ugi yaū.