I. Timote 6 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Aremī irora sū mori ūmentorugat magelaū wokon wosesieves iranda ōvun narisah isenda, ma sugkū ūtū anūwi nam sat ra nin eni Nōbū ĭm nam tavsogi isen.

² Im irora mori ūmuntorugat iranda ōvun narisah tavniri ūtū wagesindi iranda, popōwo irora ravensieme; kō aremī irora wontorugat mōmūgo iranda, popōwo irora mori ūmampĭ imo noete aremī irora ōvun tavniri ĭm ōvun aremi paū. Tavsogi ĭm sūli horog imo siame.

³ Nagkū sī neteme ontavsogi nam sī ĭm tawi sugkū imo, ĭm nagkū otū andegi fan nam nam aremī, mori nam eni Iesū Krĭsto Novsūromon enugkos,

⁴ ĭm nam alam sesieves iran Nōbū; iyi neteme nowan mori nugkugko, otūm magkili sie sī, kō umnakīugi tamas woretagkeli ōvun nam ugi nesesaū wokon, ĭm umantepū ugi imo norigi sat, nesesaū,

⁵ nam nugkugko, tarūsū sat, neyōĭmpele isenda ōveteme ūr ūnōwanda ĭm tawi nam itnesog enirora, ĭm irora ūmagkū wampi noete ra nemap ugin sesieves ra Nōbū.

⁶ Kō worampelesi aremī iran Nōbū oti nōēteves nūsian aremī:

⁷ popōwo kamletū livīĭumpelum ra nemap sī entie sī, ĭm sugkū kos keletū andeoki pelah sie sī marugi nemap;

⁸ kō nagkū nevag ĭm nemas worevakosugi, isūma, aremi nisekont.

⁹ Kō irora mori ūmnakiugi tamas noete ūmamol ran tapmi ĭm ra snēr ĭm ra neyoĭmpelĭgi ĭm nilasivian sat sikat, sugkū umentenĭmugi ōveteme ra nemas ĭm noworepatevi.

¹⁰ Popōwo worelintugi muni oti noatnin ōvun satsū sikat: mori nugkon dūmēevan worevi mirora dūmūwi tavniri, ĭm dūmusepen sē irora ugi norĭgumpūnū sikat.

¹¹ Kō kĭk, Ah neteme eni Nōbū, alō marugi imo sū ōvun siame; ĭm ūri tanepoves, sesieves iran Nōbū,

¹² tavniri nelintugi, ratevetūi, nemolsep. Eti neteme umpako worumpūrak ran tavniri, olekavi nomūrep ūvrūni, dūmūverugkik ugi, ĭm kĭm meniwi mori ĭm kĭm sūlives ūnĭmĭnda numpūvsok sikat.

¹³ Yakum manu wavsugkik ūnipmi eni Nōbū, mori umamūrep siame sū ugi iyi, ĭm Iesū Krĭstō mori yemumpūvsok numpūvsok aremī ūnipmi Pontius Pīlet;

¹⁴ magkū konalekoleki aremī nam alam, ĭm tawi sie sī iram, kū netevarū ūmanūwi nam ugi,

¹⁵ mafeli nempugon mori ampelum Iesū Krĭstō Novsūromon enugkos; mori iyi osesi iyi ra nempugon isen, iyi mori oti nevĭēves ĭm Fan lō sīteven, Natemonūk iranda ōvun Natemonūk, ĭm Narisah iranda ōvun narisah;

¹⁶ umaspen omūrep ĭndowi iyi ko sī, umantindowi ra nilaraves nugkugko worombotipot iran; tawi sī neteme yemokesi iyi, ĭm nugkugko worokesi iyi: Nisekon iyi ante mante sesie ĭm horog ūvūm nevi sū. Amen.

¹⁷ Enūwi ĭm sūlives punora mori ūmantipe noete ra imo nemap, woretūte nugkugko ūnōwanda, ĭm woretū tarū iranda ōvun noete ūmampia, kō iran Nōbū, mori umampugkos siamesū tamas omwisū woravos ugi;

¹⁸ ma irora wonumpi aremī, ma irora wonumpi aremī ōvun numpurak aremī sikat, ma irora wonelintokonda ugi netevūrah;

¹⁹ mōtmtavinepon natipotnin aremī nisekonda irora wonelakavi nomūrep, mori nomūrep ūvrūni.

²⁰ Pah Timote, efinte imo mori dūmūtenimpe tovunok, mōmelampia marokonda ōvun nani nemlū ĭm nam ugi nindewavū ĭm nam nesesau nugkugko mori wonatovnin memagkū nelekon kō namli;

²¹ dūmūtesūwī ra imo siame nugkon ōveteme ĭm dūmumol marugi tavniri. Itemas paū ante mante ūndū kĭk.