I. Timote 4 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Kō Naviat umanūwi ĭtnesog, memagkū, nugkon ōveteme wontorileki dan sī marugi tavniri, ĭm irora wandegora ōvun sendoekiye naviat sat,

² ĭm ōvun nam isenda ōvun naviatindi ugi nimpiri isenda ōveteme ūmanūwi namlī, ĭm nampon netīyi iron naūwaū ūnōwanda;

³ ūnmanūwali nempokelah, ĭm nugkon ōvun nevag ūmanūwali magkū ōveteme ūtūonenipe,

⁴ mori Nōbū yemumpi, mokū ōveteme mori ūmagkili moĭmtavnirĭgi nam wampi mumpalugi ugi.

⁵ Popōwo aremī siame sū Nōbū yemumpi, ĭm ūtū aūwi sī sie sī nagkū wampi ugi numpalugi; popōwo nevag otin sentevives ugi nam eni Nōbū ĭm nufwaki.

⁶ Nagku kanūwi mesūlives imo siame punora ravetsīeme, kĭk ante sī lĭvsaū aremĭ eni Iesū Krĭsto, ĭm kampi torugat ūnisog ra nam tavniri ĭm ugi nam aremi mori kim uri aremī mafeli marima:

⁷ kō owi metūvī sebet nam ugi nelevokevat nendewavū isenda ōvasiven numpūmetūo: ĭt aremi virok tavsogi nokolisiran;

⁸ kō sesie ra Nōbū ugi siame sū, popōwo umagkū wampi nomurep ūvrūni marima, ĭm ra nimpugon ampelum.

⁹ It nam itnesog imo ĭm aremi omwisū worevi.

¹⁰ Popōwo ugi ĭmo kos kem lenumpūrak ĭm lenatekisah, popōwo kos kem lentarū ĭm ratevetūwi iran Nōbū nomurep, mori Nēyōwara isenda ōveteme omwisū, ĭm mōmū tamas nisekonda ūmentavniri.

¹¹ Tavsogi ĭm enūwi ugi nam horog imo siame.

¹² Tawi sī neteme usendūkiye iram popōwo kĭk neviarep; kō aremi kante safi nisekonda ūmentavniri, ugi nam, ugi netevarū enugkĭk, ugi nelintugi, ugi tavniri, ĭm ugi sentevives.

¹³ Esorugi mespi aremi netiyi tumpora, mesūlives nam punora ōveteme ĭm tavsokonda mafeli ya ampelum.

¹⁴ Efinte nelekon enugkĭk, mori dūmūvunok ugi nam nieviwos, ĭm ugi netipe nokovenda ōvun lĭvsaū iram.

¹⁵ Atekisah tamas ra imo siame; espen tenimpe kĭk omwisū punora; ma wagkili faneteme enugkĭk ōveteme omwisū.

¹⁶ Kafinte kĭk ĭm tavsogi enugkĭk. Etĭndowi ra imo siame; popōwo nagkū konumpi sugkū kamkĭkēyīwara mirora mori ūm andegi nam enugkĭk.