I. Timote 3 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Nam itnesog imo, nagku sī neteme umnakīugi worevi numpūrak eni bĭshop, uyi umnakīugi numpūrak aremī.

² Kō umagkū ugi bĭshop memagkū iyi ante aremī wokon, ĭm retepon sīteven, nemolsep nam isen, nelekon, nugkoves ĭm tasiasie, umnavugonora ōveteme, memagkilives woretavsogi; tawi neteme nesesaū, otum mentī ōveteme;

³ kō neteme nemolsep, otū manūwi nam nesesaū, otum nelintugi muni;

⁴ neteme umafinte aremī ōveteme ran temne isen, mōĭmtavsokonda ovunyan isen woralekoleki aremī nam isen, momumpi aremī omwisū;

⁵ (popōwo nagkū sī neteme tawi faneteme worefinte ĭm worare iranda ra mumpon nimo eni,

⁶ iyi afinte nilpon sī lō tumpora sugkū sie) ĭm tawi aremī sī bĭshop ante numgi umprokokili virok, kū entawi iyi emagkū iyi sī horog ĭm sugkū iyi amol ugi nowarepatevi eni sēten.

⁷ Im momu, nagkū numpūvsok aremī enirora ōveteme pelah ōvun netūtavniri; ku entawi iyi amol ugi nam iran ĭm soes eni sētan.

⁸ Im sugkū ugi irora ōvun dikon, aremi irora wante ōveteme aremī, ĭm tawi nam endūrū enirora, ūtūm numoneki win tamas, mūtūm nakaiugi tamas nōēte;

⁹ ūmeravsivsi tavniri mūmantiumpene ugi nowanda sentevives.

¹⁰ Wagkilora aremī mampūm; penūri irora wontorugat sugkū ōvun dikon, nagkū nam numpūvsok aremī ugi irora.

¹¹ Im aremī ovasiven sugkū wantei aremī, tawi ōvun tavūntan, kō irora wanteteven, ĭm ugi nemolsep, ĭm ōvun tanepo ra siame sū.

¹² Retepon sīteven wokon eni sī dikon, ĭm aremī ōvun dikon wafinte aremī irora ra mumpon temne isenda mōĭmnare iranda aremī.

¹³ Popōwo ra numpūrak isenda ōvun dikon, wontipe sah irora mōmū, ĭm irora wanti horog ugi tavniri enirora mori Amante ra Iesū Krĭsto.

¹⁴ Yakum netiyi imo siame punok, memnakĭugi worevelum punok marima;

¹⁵ kō nagkū ya antelap tantop, ma kagkili nokowo kante aremī ra mumpon nimo eni Nōbū, popōwo imo oti nilpon sī lō tumpora eni Nōbū nomūrep, ĭm netūrtūr ĭm woresesūwī ra nam ĭtnesog.

¹⁶ Im nam ĭtnesog imo, memokū, ĭt oti nūsian siame dūtiumpene nesesie ra Nōbū; Iyi mori dūmūnūatumpene iyi ugi nokolisiran, naviat yemokū ugi ma iyi tanepoves, dūmokesi iyi ōvun nagelo, dūmūtorenūwi punora lō sū lō sū, moveteme ra nemap dūmūtavnirigi iran, ĭm dūmūvīsah ra nilasilaswi.