I. Timote 2 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Im popōwo pe yakum manūwi punok, memagkū, wosenĭgi, mūfwaki, ĭm wosenĭgi nesitū, ĭm umpalugi nisekonda ōveteme omwisū;

² nisekonda ōvatemonūk ĭm nisekonda irora sū ōvun horog; ma kos kelante aremī ĭm nemolsep ĭm tumporaves ĭm nointanwi.

³ It imo aremī ĭm nugko ūnipmi Nōbū Nēyōwara enugkos;

⁴ ĭt iyi umnakaiugi ma ōveteme omwisū wampi nēyōwara ugi magkili nam itnesog.

⁵ Popōwo Nōbū sīteven, ĭm sīteven ilevoteven neteme ĭm Nōbū ĭt iyi neteme,

⁶ Iesū Krĭsto, yespen tenĭmpe iyi nipmi nisekonda ōveteme omwisū; numpūvsok worokili ugi nimpugon isen;

⁷ dūmūtipe yaū neteme woretorenūwi nam ĭm apostol (yakum manuwi ĭtnesog, ya otum namli) im neteme tavsogi nisekonda ōvun lō pelah sī ugi tavnirii ĭm ĭtnesog.

⁸ Im popōwo pe sugkū yakum nakiugi ma irora ĭtovateman wonūwaki ra nūrū sū, wampisah nokovenda tumpora, ĭm tawi naraki ĭm tawi nam ra mumpon nam.

⁹ Im sugkū, ōvasiven wonevarugi nemas aremī, tawi narumprumwi mōmūti ugin sesie ĭm nemolsep; tawi ugi nevorēwar novlin— nampūnda, kū kold kū perl kū nemas nipmi horog;

¹⁰ kō worevarugi ōvun numpurak aremī, (sugkū aremi nisekonda ovasiven mori ūmagkū irora ōvun tavniri ra Nōbū)

¹¹ Aremī ma ovasiven wandĭgi pe nam ugi neteteven ĭm sesieves.

¹² Kō ya magkū ūtūtōrenūwi nam ōvasiven, ĭm irora ūtū onare iranda ĭtovateman, kō woreteteven wokon.

¹³ Popōwo dūmumpi Adam mampūm penuri Iv;

¹⁴ dūtūompirigi Adam, kō dūmumpiriwugi itnasiven, miyi yumol ugi nareki nam:

¹⁵ kō wamkorēyōwara irora ugi numprokomol ugi ōvalalaū enirora, nagku irora wantendowi ra tavniri ĭm nelĭntugi ĭm sentevives ugi nemolsep aremī.