I. Teselonia 4 - NAM NUMPUSOK ITĒVAU ENI IESU KRISTO NOVSUROMON ENUGKOS 20191 Im ravūgsīeme, yakum nesenugkūm ĭm sūlives pugkūm ra Iesū Novsūromon memagkū, sugkū kūmūvī marokoyaū nokowo kwonavan kĭmi sugkū aremī ugi Nōbū, wumpi sugkū,—ma kĭmi kwante mōmū aremī tamas. 2 Popōwo kĭmi kūmagkili nempasewugi kūmūvī marokoyaū ra Iesū Novsūromon. 3 Nam eni Nōbū imo, ma kwante aremī wokon kĭmi, ūtū umpi tampalaū; 4 ma kĭmi omwisū wafinte nokoliō sirami, ma kĭmi kwante sentevives ĭm aremī, 5 ĭm ūtū tarū sat, sugkū lō pelah mori ūtū magkili Nōbū; 6 ma tawi sī onumpi nugkugko ĭm nĭmpiri iran avensi ra imo siame: popōwo itnesog Novsūromon onūrian iranda ra imosū siame omwisū, sugkū yaū menūwi sū memsūlives pugkūm. 7 Popōwo Nōbū yetūtorokos nimsin nelilūo kō nimsin sentevives. 8 Popōwo pe iyi mori umesendoekiye, otū sendoekiye neteme, kō Nōbū, mori umampugkūm Naviat Tumpora isen. 9 Kō ugi nelĭntugi nisekonda ravūgeme sie ya onetīyi pugkūm ugi? popōwo Nōbū yemtavsogkūm worelĭntugkūm omwisū kĭmigo; 10 ĭm itnesog kĭmi kumumpi sugkū nisekonda ravetsīeme omwisū ūmante Masedonia omwisū. Kō yakum manūwi pugkūm, ravūgsīeme, ma kĭmi kwonumpi mōmūgo tamas; 11 ĭm ma kwanteteven kĭmi, mūfĭnte numpūrak enugkĭmi, ĭm torugat ugi nokopmi, sugkū ya onūwi pugkūm; 12 ma sugkū kwonumpi aremī nisekonda mori dūtū tavniri, ĭm mūtū ante norumkor irami ugi sie sī. 13 Kō ya otū akiugi, ravugsīēme, ma kĭmi kwontavrivri ugi orora umnalēepo; memagkū ūtū ageri ugi irora, sugkū irora mori, tawi ratevetūi nevsorasah isenda ōveteme marugi nemas. 14 Popōwo nagkū kos kĭm lentavĭniri memagkū Iesū yimas mōmevsorasah, ĭm sugkū Nōbū ontorora mori pugi dūmalēepo ūndū Iesū. 15 Popōwo yakum manūwi pugkūm ugi nam eni Novsūromon, memagkū, ma kos mori kos kĭmlamūrep, mōmamūrep afeli nĭmpugon Novsūromon ampelum, ūtū ampūm iranda mori dūmalēepo. 16 Popōwo iyi pe iyi Novsuromon oyep marugi pokop, iyi onasorasah ugi nasor tamas, ĭm navian nagelo horogesah, ĭm ugi tovwi eni Nōbū: ĭm ōvun nemas ra Iesū wamsorasah mampūm: 17 ĭm polekū kos mori wamūrep, ĭm lante, wampīsah kos dal irora ra mumpon numpūwaū, worevtet iran Nōvsūromon ūnēī; ĭm sugkū ĭtnesog kos kel ante ūndū Novsūromon ūvūm nevisū ĭndowi. 18 Im popōwo pe sugkū wumpi nemolsep ūnōwami kĭmi ugi imo ōvun nam. |
Erromangan New Testament © British and Foreign Bible Society, 1909,1979.
Bible Society of the South Pacific