I. Teselonia 3 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Popōwo pe sugkū pol sugkū yeti nugkugko woresumpat nakīugi enugkam nisekomi, yaū mokū ya antendowi Atens yaū kosĭ;

² ĭm yaū ĭm tamūli Tĭmote avūgsī ĭm lĭvsaū eni Nōbū ra nam navosavos eni Krĭstō, worumpi kĭmi horog ra nam, ĭm woresitū ūnōwami ugi tavniri enugkimi;

³ magkū otū eyompeli ūnōwan sī neteme popōwo ugi norĭgumpūnū; popōwo kĭmi kumagkili dūtampolokos ugi imo siame.

⁴ Popōwo itnesog, polekū yaū mete dal kĭmi, yaū menūwi sū aremī pugkum memokū kos kelampī norĭgumpūnū; sugkū yemetepū ugi, ĭm kūmagkili pe.

⁵ Popōwo pe sugkū yaū pe yaū, nagkū nugkugko woresumpat nakiugi enyaū nisekomi, yaū ĭm tamūli sī worokili tavniri enugkimi, kū entawi yemtapmi kĭmi neteme tapmi, ĭm sugkū mumpi nĭndewavū numpūrak enyaū.

⁶ Kō pol sugū yemne marugkūm Timote ĭm pelum, yemorioki poyaū nam aremī ugi tavniri ĭm nelintugi enugkimi, ĭm ma kĭmi kūmentarūwokovaū dan sū, ĭm ma kĭmi kūmakīugi tamas worokosyaū, sugkū nakiugi enyaū worokosekūm;

⁷ popōwo pe sugkū, ravūgsĭēme, yaū mavos irami ra ōvun nesorū mōvun norĭgumpūnū enyaū popōwo ugi tavniri enugkĭmi:

⁸ popōwo marima ya umevsoresah nomurep, nagku kwantindowi unam ra Novsūromon kĭmi.

⁹ Popōwo ya umpalugi aremī nokowo sugkū sie pugi Nōbū ugi kĭmi, popōwo ugi navos omwisū yakum navos ugi ūnĭpmi Nōbū popōwo ugi kĭmi;

¹⁰ mōĭmesenĭgi ugi nufwaki pūmrok ĭm poakas ma ya agesi nimetemi, momumpi horog nugkon mori netromoro ra tavniri enugkimi?

¹¹ Im aremī nagkū Nōbū mori Itement, ĭm Iesū Krĭstō Novsūromon enugkos, ontorokam ūselat pugkūm;

¹² ĭm aremī Novsūromon onumpi mōmūgo tamas nelĭntugi enugkimi pugkūm ĭm punora ōveteme omwisū,

¹³ sugkū ka kĭm mumpi pugkūm; memagkū iyi onumpi ūnam nowami tanepoves ĭm aremī wokon ōnĭpmi Nōbū Itement, pol sugkū Iesū Novsūromon enugkos ampelum dal ōveteme omwisū aremī isen.