I. Piter 3 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Im sugkū, kĭmi ovasiven, walekoleki aremī rasūmime; ma, nagkū nugkon sī ra irora ūtū ampīves nam, kō ampi irora popōwo ugi netevarū wokon enirora ovasiven isenda;

² polekū irora wagesi tanepo ĭm sentevives ĭm nemolsep enugkĭmi.

³ Im aremī nevīugi wokon enugkimi otū wanti ugi nevīugi nemas ĭm kold ĭm worumpi nilaswi numpūmi;

⁴ kō ugi nevīugi ūnōwame, sugkū ugi naviat ninparata ĭm tanepos, ĭt imo aremī wokon ūnipmi eni Nōbū.

⁵ Popōwo ūmūvīugi irora sugkū imo, mori, ōvasiven tumpora, mori dūmūtevetewi Nōbū, dōmūsendeokives rasewondeme;

⁶ sugkū Sēra mori yemsendeoki Ebraham, mematovnin memokū, narisah: ĭm kĭmi ovunyan isen marima, nagkū kwonumpi aremī, mūtūmtetugi sie sī ūmūmtetugi ugi pe.

⁷ Im kĭmi sugkū rasewondeme, kwante aremi dal irora retepmime ra nointanwi, mūsesieves iranda ovasiven popōwo irora mōmū nemeloklo ra nokolisiranda, ĭt kĭmi ōvun tampenūm dal irora ugi ĭtemas pau nomūrep; ma sugkū ūtū sompat ōvun nesenug enugkĭmi.

⁸ Im sī momu, ūte ugi tarū sīteven, ufielintugkūm sī ĭm sī, ūte ugi nelintugives pūgkūm sugkū ra rapmesīeme, ūtarūves ugi nemolsep pugkūm, ūtūte nugkugko ūnōwami magkū kĭmi me sī horog;

⁹ ĭm ūtū wumpi nampon ra sat, mūtū tavūntan ra tavuntan; kō pe ūnūwi pe nevieves; popōwo dūmūtampolekūm ugi imo, ma kwampi tampenum nevieves enugkimi.

¹⁰ Popōwo, Iyi mori emnelintugi nomūrep, Memagesi ōvun dan aremī, Aremī iyi osompat nelowamen marugi nam sat, Im nūgon marugi nam nimpiri:

¹¹ Im aremi iyi ontorileki marugi netevani ūr menumpi aremai; Mesorugi ninparata, ĭm menūri.

¹² Popōwo Novsūromon umentopotneme iranda ōvun tanepo, Miyi emandegi nesenug enirora; Kō Novsūromon ementevivat iranda mori ūmnūmpi ūr.

¹³ Im mē mori faneteme worumpi sie irami nagku kwonumpi siame aremī ugi natikisah kĭmi?

¹⁴ Pot nagkū wonumpi nesesaū irami popōwo ugi tanepo enugkimi, ah, kĭmi ōvun nevīeves ugi: mūtūmtitugi tiame irora ōmūmtitugi, mūtūyompeligi ūnōwami;

¹⁵ kō ūvī ūnōwami, ĭtnesog Krĭstō sugkū Novsūromon enugkimi: ĭm ūte ōvun nelekon ma kĭmi kwanūwi aremī punora omwisū wontagkeli ugi fan ra tavniri enugkimi, kō ūnūwi ugi nemolsep ĭm sesie:

¹⁶ ĭm ute ugi tarū aremī ugi tanepo ūnōwame; ma, irora wonarumprom mori ūmūntavūntan irami namli ra netevarū aremī enugkimi ra Krĭstō.

¹⁷ Popōwo nagku Nōbū umagkū sugkū, ĭt mōmū aremī ma kwampi nesorū ugi numpūrak aremī enugkĭmi ĭm tawi ugi numpūrak ūr.

¹⁸ Popōwo ĭt iyi Krĭstō yempī nesorū nempugon sīteven wokon tīwi sat sū, neteme tanepo nisekonda ōvun narekisat, memagkū iyi ontorokos pugi Nōbū; dūmūtalugi nokolisiran, kō yōmomūrep ra naviat;

¹⁹ yive sugkū imo memtorenūwi nam punora ōvun naviat ūnisog prison,

²⁰ mori dūmūsendoikye etūwī, pol sugkū Nōbū yemtevetekora ugi nemolsep isen ran dan sū eni Nōa, pol sugkū dūmumpi lō mori, dūmūsemsempari ōveteme desel wokon, magkū ēet, marugi nū;

²¹ safi baptisma mori yemūmkūmēyōwara, tawi ugi sendumsi marugi nililūō ra nokolisiran, kō pe nisorugi nōwan aremī pugi Nōbū, ugi nevsorasah eni Iesū Krĭstō;

²² miyi yive ūnpokop memante ra nokoven mevis eni Nōbū; ĭm ōvun nagelo ĭm ōvun tantevakepe mōvun horog umante ra mumpon nokoven isen.