I. Piter 2 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Popōwo pe ūwisep ōvun nakan omwisū, ĭm ōvun nimpiri, ĭm ōvun namli, ĭm ōvun norigi sat, ĭm ōvun tavuntan sat, ĭm ūsorugi nevag aremī ĭm tanepo ra nam, sugkū ōvelalaū umprokomol,

² ma sugkū kwonalam ugi mūvĭ nēyōwara;

³ nagku kūmandegi ūnōwami itemas paū eni Novsuromon:

⁴ kūmūvelum pugi, sugkū nevat nomūrep, mori ōveteme dūmokesi sat, kō Nōbū yemtampoli, aremī indowi, ĭm kĭmi sugkū,

⁵ sugkū ōvun nevat nomurep, umnumpi kĭmi nimo nisekon Naviat Tumpora, ĭm worete ōvun tavsogi tumpora, worumpi ōvun sakrifīs tumpora, aremi ūnipmi eni Nōbū popōwo ugi Iesū Krĭstō.

⁶ Popōwo umnetīyi ra netiyi tumpora memokū, Pah, yakum antipe ra Sīon nevat ra nūmpūntan nimo, tampoli, aremai; Im iyi mori ontavniri iran otū on arumprum.

⁷ Im imo aremī indowi nisekomi kūmūtavniri: ko nisekonda mori ūtūmontavniri, Nevat mori ōveteme mori dumumpi nimo, dūmokesi sat, Imo pe yemumpi nūmpūntan nimo;

⁸ ĭm, Nevat netakeli ugi, ĭm vetūnam dūmokesisativi; popōwo dūmūtakeli ra nam, popōwo ugi neterareki enirora: dōmūtipe irora nimsin.

⁹ Kō kĭmi ōveteme lō dūmūtampolekūm, ōvun tavsogi horogesah, lō tumpora, ĭm netevokontū nisekon Nōbū, ma kĭmi kwosesi aremi wokon isen iyi mori yemtorokūm marugi nelevokevat ra nūsian nilara, navlugi isen;

¹⁰ ĭt kĭmi etūwī tawi ōveteme isen, kō marima kĭmi ōveteme isen Nōbū: dūtū—afielintugkūm, kō marima umnelintugkūm.

¹¹ Ravūgsīeme paū, ya umnesenugkūm sugkū ōveteme ūmnavanavan ōvun domo, ma ūtūumpi siame nakīugi nōwami etūwi, mori ūmnavokat ra naviat enugkimi;

¹² wumpi netevarū aremī kĭmi ūniminda ōvun nelevokevat; ma irora, pol sugkū irora wagesi ōvun numpūrak aremī enugkimi, wampīeves Nōbū ugi imo siame irora dūmūtavūntan sat irami ugi pe, ra nempugon nilara ampelum punora.

¹³ Walekoleki ōvun selnivi nam omwisū enirora ōveteme popōwo ugi Novsuromon; nagku nam alam eni fan lō tantevakepe;

¹⁴ kū enirora ōveteme horog yemetipe irora worūrian iranda ōvetemindi ĭm worevīeves lō irora mori umnumpi numpūrakeves.

¹⁵ Popōwo ĭt imo oti tarū eni Nōbū, ma ugi numpūrak aremī enugkimi kwosampat sebet nam isenda ōvun numgī:

¹⁶ sugkū ra nemolsep, kō woretū seni satindi ugi nemolsep irami, kō sugkū ōvun livsaū wokon eni Nōbū ūtorugat iran ugi imo nemolsep kūmūvī.

¹⁷ Usesieves iranda ōveteme omwisū. Ufielintokonda ravūgsīeme. Umtetugi Nōbū. Usesieves iran fan lō.

¹⁸ Utorugat aremī iranda ōvun narisah enugkimi kĭmi ōvun lĭvsaū ugi nemtetugives, ĭm tawi punora ōvun tanepo ĭm nemolsep wokon, kō punora ōvun nugkugko sugkū.

¹⁹ Popōwo imo aremī, nagku sī ampi nesesaū popōwo ugi tanepo isen pugi Nōbū, ĭm popōwo tawi sie sī iran um numpi norigumpūnū iran ugi.

²⁰ Im nagkū kūm mumpi ūr ĭm wonūrian irami ugi, sie nilasilaswi enugkimi ugi nagkū kwampi ugi nemolsep nūrian satindi enugkimi? Pot nagku, pol sugkū kimi kwonumpi aremi, mampi nūrian ugi, mūte ugi nemolsep ugi pe, imo oti aremī ūnipmi eni Nōbū.

²¹ Popōwo dūmūtampolekūm ugi: popōwo Krĭstō yivi norigumpūnū nisekomi, nemtinepe safi magkū kwonūri nampon nowon isen;

²² Yetū umpisat, ĭm tawi sī nimpiri ra nūgūn isen:

²³ iyi mori, nolsugkū dūmūtavūntan iran yetūtavūntan nampon iranda: ĭm polsugkū yemorĭgi norĭgumpūnū yetūnūwi nam nugkugko; kō yemtinepe iyi pugi iyi umnumpi nūrian tanepo:

²⁴ iyi pe iyi yemuriuki nipmi satsū enugkos ra nokolisiran ra nēūmparum, ma kos, kim lamas ugi satsū, wamūrep pugi tanepoves: ĭt kĭmi kūmaūrep popōwo ugi ōvun selatevi iran.

²⁵ Popōwo ĭt kĭmi kūmūve pelah nagku sugkū pugipugi; kō marima kūmontorileki pugi Shepherd ĭm Narisah eni naviat enugkĭmi.