I. Piter 1 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Piter Apostol eni Iesū Krĭstō, pugkum ōvun tampoli kum mante ra nūrū sū, mori dūmaseviugkūm ra Pontius, Kalesya, Kapadosya, Esya, ĭm Bitinya,

² ugi nesepen nokili eni Nōbū Itemen ugi tumporoves eni Naviat ugi nalekoleki nam ĭm ugi navokūm ugi de eni Iesū Krĭstō Itemas paū pugkūm ĭm ninparata antin tandamsah.

³ Nevieves iran Nōbū Itemen eni Iesū Krĭstō Novsūromon enugkos, popōwo ugi itemas paū nūsian isen yoimumpi kos ĭtevaū ugi tevetūur nomurep ugi nivsorasoh eni Iesū Krĭstō marugi nemas,

⁴ ra tan penum otū amtimti, sentevives, ūmafinte ūnpokop nisekomi,

⁵ mori ugi horog eni Nōbū umesemsempari irami ugi tavniri ra neviēyōwara umentavesves woresese ra nimpugon aveni.

⁶ Ugi imo Kĭmi kūmavos tamas, kō marima ugi nempugon potipot nagkū aremī ūmantipe norigumpūnū irami ugi ōvun tapmi sikat,

⁷ ma numpūosok ra tavniri enugkimi, momu aremi ra kold mori umtimti pe nokowo, nugkugko worumpi ūnam ugi tapmi ugi nom numpūvsok, antin tamas ra nam aremīugi ĭm nilasilaswi ĭm narigi ra nenūatumpene eni Iesū Krĭstō,

⁸ mori kĭmi kūmūtokesi, kō kūmelintugi; iyi mori, kūtūmagesi, kō kūmūtaviniri iran, ĭm kūmnavosavos ugi navosavos tamas ūvwarugi nilasilaswi:

⁹ ĭm kimi kūmūvi fan aremī ugi tavniri enugkimi, mori nevieyowara naviat enugkimi.

¹⁰ Ovun profet dūmūsorugi tamas ugi natekisah nēyōwara ĭmo, mūmūnūwi ugi ĭtemas paū ampelum irami,

¹¹ dūmūsorugi nimpugon mori ĭm nokowo netevani nimpugon mori Naviat eni Krĭstō mori yemete ūnōwanda yemesesē ugi, mori yemumpūvsok mampūm etūwī ugi ōvun nesorū eni Krĭstō ĭm ugi ōvun nilasilaswi dūmūrora penuri.

¹² Dūmūyevūwos punora, ma tawi punora kō pugkum, irora dūmūtalokugi imo ōvun siame, mori marima umantūratumpene pugkūm ugi irora mori dūmūtorenūwisah nam navosavos pugkum ugi Naviat Tumpora yetin tamūli marugi pokop; ĭm ōvun nagelo ūmnakīugi worokesi imo ōvun siame.

¹³ Popōwo ūaiti avsivsi netoetigi ūnōwami, ūfinte netevarū enugkimi, ūratevetūwi ugi tarū sīteven ra itemas paū mori ampelum pugkūm polsugkū Iesū Krĭstō anturatumpene;

¹⁴ sugkū ovunyan umalekoleki nam, ĭm ūtū wumpi netevarū satindi sugkū nilasivian sat enugkimi etūwī ra nelebokevat;

¹⁵ kō sugkū iyi mori yemovrugkum oti tumpora, ūte tumpora kĭmi ra ōvun netevarū sū enugkimi omwisū;

¹⁶ popōwo dūmūtīyi mūmokū, Ute tumporaves kĭmi; popōwo yaū tumporaves.

¹⁷ Im nagkū kĭmi kūmatovnin magkū Itemen enugkimi, mori umnūrian iranda ōveteme omwisū sugkū numpūrak enirora, ūte ugi nimtitugives ran dan sū enugkimi omwisū: kumagkili dūtū umkūmēyōwara ugi siame amtimti,

¹⁸ sugkū silver ĭm kold, marugi netevarū satindi enugkĭmi mori kūmūvī morokonda ōvun retĭsme, enugkimi;

¹⁹ kō ugi de tamas aremī eni Krĭstō sūgkū de eni lam tamas aremī indowi ĭm tawi sī ūr iran;

²⁰ dūmūtampoli iyi ra nempugon polsugkū tawi nemap, kō yemetūratumpene ra nempugon ra nisah nisekomi,

²¹ ĭm kĭmi kūmūtavnirigi ra Nōbū popōwo ugi iyi, mori yemtori iyi marugi nemas, ĭm yemovugi nilasilaswi; ma sugkū kwontavniri iran Nōbū kĭmi ĭm tevetūwi iyi.

²² Im popōwo kūmūsendomsi nowami ugi sendiokives nam aremī ugi nelintugi ĭtnesog nisekonda ravinsīeme,

²³ ūfielintugkūm kĭmi ra nowami omwisū ĭtnesog: it kĭmi kūmumprokomol ĭtevaū, tawi ugi novsin avitar, kō ugi novsin otū avitar, popōwo ugi nam eni Nōbū, mori umante ĭm umamūrep,

²⁴ Popōwo, Sugkū novlovsi ōveteme omwisū, Im sugkū novgan novlovsi narigi isenda, Mametū novlovsi mamol novgan: Kō nam eni Novsūromon antindowi ūvūm nevi sū. Im imo oti nam novosavos umintorenūwi pugkūm.