I. Korint 9 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Yakum mante ugi nemolsep kū entawi? tawi yaū sī apostol kū? yaū metokesi Iesū Novsuromon enugkos kū? kĭmi ōvun numpūrak sorug ra Novsūromon ĭm laūwo?

² Nagkū tawi yaū apostol pun ora nugkon ōveteme, kō ĭtnesog pugkūm yaū sī apostol: ĭt kĭmi safi ra Narisah nisekūg memagkū yaū apostol.

³ Nam ugi nesūli ves enyau pun ora mori ūmentagkoleyaū ugi oti imo.

⁴ Tawi nareki nam ma ka kwoneni memoneki.

⁵ Im kam faneteme woretorora retepemame enugkam ōvun tavniri, sugkū irora ōvun apostol mōmū, ravĭnsīme eni Novsūromon, ĭm Sifas.

⁶ Im yaū ĭm Barnabas kam faneteme sugkū worūwi nagelaū numpūrak wokon.

⁷ Mē sī neteme ūvrami umentorugat wokon ĭm tawi nĭmpi? mē umentorugat ran denuok ĭm metū oni nugkon novwan? kū me umafinte sī semsimak ūvun nūrah, metūm moneki nugkon milk?

⁸ Ya um manūwi imo siame sugkū ugi netevarū enirora ōveteme? kū nam alam otūm manūwi sugkū?

⁹ Dūmūtīyi ra nam alam eni Moses memokū, Etū oiti nugūn okes pol sugkū iyi umokowī wit. Nōbū umentarū iranda ōvun okes, kū iyi umanuwi imo popōwo ugi kos wokon?

¹⁰ Nisekont pe nokowo dūmūtīyi ugi imo: popōwo aremī iyi mori umokili nemap unumpi ratevetwi, ĭm iyi mori umĭntī wit, woreti ugi ratevetwi woreni nugkon.

¹¹ Nagkū kam laseviugi nisekomi siame nēyōwara nĭmsĭn nowami, kĭmi kūmnumpi tamas nagkū kwampugkam nugkon siame ra nemap kū?

¹² Nagkū ūmante isenda nugkon ūmnari irami ugi ime kam mōmūgo kū? Kō ka kūtū atekisah ugi imo siame enugkam ugi tanepo; kō ka kim letūnūwi nam iran sī kam, ma sugkū ka kel etū sompat nam navosavos eni Krĭsto.

¹³ Kūmūtū magkili kĭmi ma irora mori ūmentorugat ra siame tumpora ūmneni siame ra nimo tumpora, ĭm irora mori ūmafinte nefati ūmneni nugkon ūmante ra nefati kū?

¹⁴ Aremī sugkū sū, Novsūromon yemsūlives mo mumpi unam memokū wonavugora mori umentorugat ra nam navosavos, irora mori ūmentorenūwi nam navosavos pun ora pe nokowo.

¹⁵ Kō yaū metū vī metum numpi imo ōvun siame aremī ĭm tanepo nisekūg: ĭm ya otū otĭyi imo siame ma wonumpi sugkū nisekūg yaū: popōwo momu aremī ya amas ma nagkū sī otū umpi sugkū nam wokon nam horog enyaū.

¹⁶ Pot nagkū ya ontorenūwi nam navosavos tawi sī sie sī enyaū ugi imo worelasewi irag ugi; popōwo umantipe ugi nugkugko irag; ĭm popōwo owi irag, nagkū ya otū torenūwi nam navosavos.

¹⁷ Popōwo nagkū ya onumpi imo ugi nesepen tarū enyaū, ya ampi nipmi ugi: kō nagkū tawi ugi nesepen tarū enyaū, umantipe irag nivūwo ma ya afinte ves. Im popōwo pe sie mori nipmi ya ampi?

¹⁸ Magkū, imo pe nokowo polekū ya ontorenūwi nam navosavos ya otū ampi nĭmpi ugi, ma sugkū ya otū ampi ugi omwisū enyaū ugi ĭtnesog ra nam navosavos.

¹⁹ Popōwo yaū mete nesūli yaū marokonda ōveteme omwisū, yaū mumpi yaū worelĭvsaū wokon nisekonda omwisū, ma ya onto rora mōmū sikat.

²⁰ Yaū mete sugkū neteme Yūdia pun ora ōveteme Yūdia ma ya entor ora ōveteme Yūdia; ĭm pun ora dūmūte ra mumpon nam alam, sugkū sī ra mumpon nam alam, ĭm yaū metūte ra mumpon nam alam yaū, ma ya ampi irora mori dūmūte ra mumpon nam alam;

²¹ ĭm pun ora dūtūte ra mumpon nam alam, sugkū sī tawi ra mumpon nam alam, yaū tawi neteme otū mante ra mumpon nam alam pugi Nōbū, kō yokōvī nalekoleki nam alam pugi Krĭstō, ma ya ampi irora mori tawi ra mumpon nam alam.

²² Yaū mete sugkū neteme netromoro pun ora ōvun netromoro, ma ya ontorora ōvun netromoro: ĭm yaū sugkū ōvun siame sū imiloklo omwisū, ma ugi imo netevarū omwisū ya ontorora nugkon.

²³ Im ya umnumpi siame sū omwisū ugi nam navosavos wokon, ma ya ampi sugkū dal kos ugi.

²⁴ Kūmūtū kili kū ma irora mori umnalo ra selat (rēs) nĭmsĭn woretapmi umnalo omwisū, kō siteven wokon ampi nĭpmi? Walōves sugkū kĭmi ma kwampi nĭpmi.

²⁵ Im ōveteme omwisū mori ūmagkū ontantevakepe ra ōvun nalō ves mori umafinte aremī nokolisiranda mometū sompeli nevag mamoneki. Im irora Emnumpi imo worevi kraūan mori ametū; kō kos kem lumpi worevi kraūan otū ametū indowi.

²⁶ Im popōwo pe sugkū ya umaloves sugkū, tawi ugi taru-taru; ya umnavūkat aremi sugkū sū, tawi ugi tī nemetagi wokon:

²⁷ kō yaum mentī nokolisirag, moĭmtantevakepe iran iyi (nokolisirag) worelĭvsaū wokon: kū pe entawi ugi sī sie sī, pol sugkū ya otorenūwi pe sū nam navosavos pun ora ōveteme, antin tafugi yaū pe yaū ilat.