I. Korint 8 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Im ugi siame nevag umampunora ōvun natamas: Kos kimlagkili sū memagkū kos ōvun nelekon. Nelekon umnumpi nugkugko nowan, kō nelintugi umnumpi aremī.

² Nagkū sī umagkū iyi umagkili sie sī, kō iyi otū magkili sugkū aremī nisekon worokili;

³ kō nagkū sī umnelintugi Nōbū, Nōbū umagkili iyi.

⁴ Im woreni nevag mori umsokowar ugi pugi natamas, kos kĭm lagkili magkū ōvun natamas ra nemap nĭn-dewavū wokon, kō Nōbū siteven ĭm tawi sī mōmū.

⁵ Im nagkū umante mori ūmatovninda memagkū ōvun nōbū, ūnpokop kū ra nemap; sugkū ūmante sikat nōbū, ĭm sikat narisah;

⁶ kō umante nisekont Nōbū siteven wokon, mori Itement, marugi umamne siame sū ugi iyi, ĭm kos ugi iyi.

⁷ Kō ōveteme omwisū otū magkili imo siame: kō nugkon popōwo ugi netevarū enirora ugi natamas mafeli marima keleneni siame nevag dūmūsokowar mokili ugi sugkū ĭm ūmnumpi ūr nowanda netromoro ugi.

⁸ Nevag otū onumpi kos aremi ūnĭpmi eni Nōbū: ĭm sugkū, nagkū kos kel etū eni nevag, kos tawi mōmū ūr ugi imo; kū, nagkū kos keleni nevagukos tawi aremī mōmū ugi imo.

⁹ Kō ūfinte kĭmi ma imo faneteme enugkimi otū ante nūrah ĭtahkeli iranda ōvun netromoro.

¹⁰ Im kĭk neteme nelekon, nagkū sī agesok ampag ūnisog nimo nĭmsĭn natamas, otū onumpi iyi, nagkū iyi netromoro, woretapmi woreni nevag dūmūsokowar pugi ōvun natamas ĭm laūwo.

¹¹ Im popōwo ugi numpi enugkĭk, kĭk sī nelekon, kumpi worokini tavniri eni apmi sī, mori Krĭstō yimas nisekon.

¹² Im sugkū, pol sugkū kum numpi imo satindi iranda ravinsime, momumpi nesorū ūnōwanda ōvun netromoro, kĭmi kūmnumpi sat iran Krĭsto.

¹³ Popōwo pe sugkū, nagkū nevag umnumpi avug sī woretahkeli, ya otū oneni nelat indowi, ma ya otū onumpi avugsi woretahkeli.