I. Korint 6 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Nagkū sī naūor eni sī irami ūndū netemakesi, umampe worūrian iranda ūnĭmĭnda ōvun nareki sat, ĭm tawi ūnĭmĭnda ōvun tavniri ves kū?

² Kū kūmūtū kili ma ōvun tanepo wonūrian iran imo nemap? ĭm nagkū kĭmi kwonūrian nemap omwisū, ĭm kĭmi tawi faneteme worūrian ra siame virok kū.

³ Kūmūtū kili kwonūrian iranda ōvun nagelo kĭmi? ĭm sugkū mōmūgo ōvūn siame nĭmsĭn imo nemap kū?

⁴ Potnagkū kĭmi kūmnūrian ra ōvun naūor ugi ōvun siame nĭmsĭn imo nemap, kūmūtipe ovragi ōvun mē sī ōvun netromoro ra kalesia worūrian iranda ōvun kalesia ra nilepon sī lō?

⁵ Ya kum manūwi imo ma kĭmi kwonarumprum ugi. Itnesog kū, ma tawi sī neteme nelekon nointanwi dal kĭmi, faneteme woretaseasie nesesaū enirora ravĭnsieme isen,

⁶ kō sī avin umĭntōri avin isen worūrian iran ūndū ĭm ūnimĭnda ōvun netū tavniri?

⁷ Imo sī enugkimi tawi aremī indowi ĭm okeni nisekomi, memagkū ūmante naūor enugkimi kĭmi go irami ūnĭminda ōvun nurian. Irasie kūmnatepū kĭmi? irasie ūtūtaseveowi ugi nemolsep nagkū ūmneforugi siame nōēte enugkimi?

⁸ Kō ĭtnesog, kĭmi pe kĭmi kūm mumpi tawi tanepo, kūm nefarugi ĭm parokonda raveveneme pe nokowo.

⁹ Kū kūmtū magkili ma ōvun netūtanepo ūtū wampi lō eni Nōbū kū? Utū wan impiriwugkūm ūtū wampi lō eni Nōbū ōvun tampalaū, kū ōvun sokowar, kū ōveteme umnumpi ūr iranda irora pe irora,

¹⁰ kū ōveteme ūmnumpi sat norumprom dal irora kū ōvun numprok, kū ōvun norĭgi sat ugi nōēte, kū ōvun namoneki, kū ōvun tavuntan sat, kū ōvun neforugi, tawi.

¹¹ Im kūmūte sugkū nugkon kĭmi: kō dūmūsendumsi kĭmi, ĭm dūmumpi kĭmi aremī, ĭm dūmumpi kĭmi tanepo ra nin eni Iesū Krĭstō Novsūromon, ĭm ugi Naviat eni Nōbū enugkos.

¹² Dūtū ūnūwali siame sū nisekūg; kō nugkon siame tawi aremī worumpi. Siamsū omwisū dūtū ūnūwali nisekūg; kō tawi sī ra irora wontantevakepe irag.

¹³ Dūmūtipe nevag nĭmsĭn netnin, ĭm netnin neteme nĭmsĭn nevag: kō Nōbū ontavtiti imo siame sī ĭm sī. Kō dūtūtipe nokolisiran neteme nĭmsĭn tampalaū, kō nisekon Novsūromon; ĭm Novsūromon nisekon nokolisiran neteme:

¹⁴ ĭm Nōbū yemtorisah Novsūromon marugi nemas, miyi ontorokos sugkū ugi horog isen.

¹⁵ Kūmūtūkili kĭmi ma nokolisirami oti nĭvlugkon nokolisiran eni Krĭstō? ya ampi nĭvlugkon nokolisiran Krĭsto memumpi irora nĭvlugkon nokolisiran nasiven tori kū?

¹⁶ Eyi tawi ĭndowi. Kū kūmūtū kili ĭmlaū ma iyi mori umampelesi iran nasiven tori nokolisiran sīteven ūndū kū? popōwo, iyi umagkū, Irora ndūrū wante fan siteven.

¹⁷ Kō iyi mori umampelesi iran Novsūromon oti naviat sīteven ūndū iyi.

¹⁸ Walō marugi tampalaū kĭmi. Ovun sat sū neteme umnumpi otū atĭndowi ra nokolisiran; kō iyi mori umnumpi tampalaū umnumpi sat ra nokolisiran eni iyi.

¹⁹ Kū kūmūtūkili ma nokolisirami oti nimo eni Naviat Tumpora mori umante ūnisog kĭmi, mori kūmūvī marugi Nōbū? ĭm kĭmi tawi enugkimi;

²⁰ popōwo dūmūvasi kĭmi ugi nĭpmi: popōwo pe sugkū wumpi nilasilaswi nisekon Nōbū ra nokolisirami kĭmi.