I. Korint 4 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Aremī wontarū iramam sugkū iranda ōvun lĭvsaū eni Krĭstō ĭm sugkū iranda mori umafinte siame antiumpene eni Nōbū.

² Im wonesorugi netevarū isenda ōvun nefĭnte memagkū irora tanepo.

³ Kō ya otum magkū wororigi sat ugi nesorugi enugkimi irag, kū ugi nesorugi eni sī neteme irag: ĭtnesog ya otū esorugi yaū pe yaū irag. Im ya otū magkili sū nagkaū irag; kō imo otū wonumpi yaū tanepo: kō iyi mori umnesorugi irag Narisah.

⁵ Popōwo pe ūtū ratevetūwi woresorugi sī isen neteme, afeli Narisah ampelum, mori anūatumpene siame umūseni ra nelebokevat, mōĭm sūli ves tarūsū ūnōwanda ōveteme, ĭm Nōbū anūwi ugi tanepo nilasilaswi en ōveteme.

⁶ Ravūgsĭme yakum manūwi imo siame ugi nam nagkaūĭntan irag ĭm Apollos, popōwo ugi kĭmi; memagkū kwagesi iramam ma sugkū ūtū woselewugi kĭmi siame dūmūtīyi; ma tawi sī irami umagkū iyi sī horog mōmokesĭndi iran sī.

⁷ Popōwo mē yemumpi; kĭk pe sī? ĭm sie enugkĭk kĭmetū vī? ĭm nagku ko vī irasie kim manūwi narigi enugkĭk sugkū kip et vī?

⁸ Otĭn talekūm kūmūte ōveteme noete, kĭmi kum are pe kĭmi metūm magkū ugi kam: kō ĭtnesog yakum nakiugi ma kwon are kĭmi ma ka kwonari dal kĭmi sugkū.

⁹ Ya magkū nigoi, Nōbū yemetipe kam ōvun apostol, sugkū ōveteme wokon, ĭm nimsin nemas: popōwo ĭt kam sugkū sebet nam ra nemap, ĭm pun ora ōvun nagelo ĭm ōveteme.

¹⁰ Kam ōvun numgĭ popōwo ugi Krĭsto, kō kūmūte ōvun nelekon kĭmi ra Krĭsto; kam ōvun netromoro, kō kĭmi ōvun torugat; kūmūvī nilasilaswi morokonda ka kim livī narumprum.

¹¹ Ndan sū ka kĭm lentemas mampiumnūk, mavan wokon, ūmūtakakam, ĭm tawi sī nimote sorumamwi;

¹² ĭm ka kim agelaū, ĭm torugat ugi nokupmam: ōmentavūtan sat iramam, kō ka kĭm lanūwi nevīēves; umtelesokam, ka, kĭm latepū;

¹³ ūmampĭĭndi iramam, ka kĭm nesenug iranda: ūmnumpi kam nĭlĭlūo ra nemap, ĭm sugkū nĭmpilior sat ra siame sū, mafeli nempugon marima.

¹⁴ Ya otū umetiyi imo siame ma sugkū kwon narumprum kĭmi, kō woreyevekūm sugkū ovunyan paū sorug.

¹⁵ Popōwo nagkū ūmantĭndowi dal kĭmi ten taūsan ōveteme tavsogi ra Krĭsto, kō tawi sikat etemen ekūm: ĭt yaū meti kĭmi ra Krĭsto ugi nam navosavos.

¹⁶ Popōwo pe sugkū, ūri nampon nowon enyaū kĭmi.

¹⁷ It popōwo ugi imo ya otamūli Timote pugkūm, ĭt iyi netūg paū ĭm tanepo ra Narisah, miyi onesūli ves pugkūm ugi ōvun netevarū enyaū ra Krĭsto, sugkū ya umentavsokonda nelepon sī lō tumpora ra nūrū sū nuru sū.

¹⁸ Kō nugkon ōveteme ūmavos ūnōwanda nugkugko, umagkū ya otū ampelum pugkūm.

¹⁹ Kō ya ampelum pugkūm marima, nagku aremī iran Narisah; ĭm ya agkili, tavioape nam enirora mori umanuwi ugi nowanda nugkugko, kō pe horog.

²⁰ Popōwo lō eni Nōbū tawi ugi nam wokon, kō ugi horog.

²¹ Kĭmi kūm akiugi sie? Ya ampelum pugkūm ugi netevane, kū ugi nelintugi, ĭm ra nowag nemolsep?