I. Korint 2 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Im yaū, ravugsieme, pol sugkū yo okevelum pugkūm, yaūmetū velum ugi nam nenūwiveskū nelekon woretorenūwisah pugkūm nam numpūvsok atiumpene eni Nōbū.

² Popōwo ya onūwi unōwag ugi naviat sorūg omwisū ma ya otūm nakiugi worekili sī entie sī dal kĭmi, Iesū Krĭsto wokon, ĭm nemas isen ra neumparum.

³ Im yaū mete dal kĭmi ugi netromoro, ĭm nemetet, ĭm nevikūrekūr tamas.

⁴ Im ōvun nam enyaū, ĭm torenūwi enyaū tawi irora ugi ōvun nam nesūlives ugi nelekon, kō ugi pe nenūatumpene eni Naviat,

⁵ ĭm horog: ma tavniri enugkimi otū ante ra nelekon enirora ōveteme, kō ra horog eni Nōbū.

⁶ Ka kem lanūwi nelekon pun ora ōveteme talam ōvun nelekon; kō taviōa nelekon ra imo nemap, kū enirora ōvun talalam ōvun horog ra imo nemap, mori wamampia;

⁷ kō ka kem lanūwi nelekon eni Nōbū ra nam nesenĭgi, nelekon pe mori yetĭn senĭgi, mori Nōbū yepmenūwi sū ugi pol sugkū tawi nemap ugi nilaslaswi nisekont;

⁸ ĭm tawi ōvun fan lō ra nemap dūmūkili imo siame; popōwo nagku irora pūkili ugi, irora pūtū talugi Narisah nilaswi;

⁹ kō sugkū yetin netīyi, Siame dūtokesi ugi nĭmĭnda, ĭm telegunda dūtūrīgi, Im yetūtorĭmpe ūnōwan neteme, Ovun siame sū Nōbū yemsiman nisekonda mori umnelintugi iyi.

¹⁰ Kō Nōbū yemenūatumpene irora pugkos ugi Naviat Tumpora: popōwo iyi Naviat ūmnesorugi tiame sū, monokowo, siame atiumpene eni Nōbū.

¹¹ Popōwo mē umagkili siame eni neteme, kō naviat isen wokon umespun okili mori umante ūnisog iyi? ĭm sugkū siame eni Nōbū tawi sī umagkili, kō iyi wokon Naviat eni Nōbū.

¹² Kō kos kel etū vī ūnōwant, tarū ra nemap, kō pe tarū mori umamne ra Nōbū; ma kos kel agkili siame itemas wokon mori Nōbū yemevugkos.

¹³ Im kos kel letum lanūwi imo siame ugi tavsogi eni neteme, kō ugi tavsogi eni Naviat Tumpora; woresūli siame tawi ugi nowan neteme ra tarū netūtavniri; kō pun ora ra nowan ĭtevaū.

¹⁴ Neteme ugi nowan isen ĭt sugkū tawi faneteme worevi siame mori isen Naviat eni Nōbū: popōwo irora sebet nam nisekon; miyi tawi faneteme worokili ugi irora, popōwi umneserokonda ugi naviat wokon.

¹⁵ Umagkili siame sū omwisū neteme mori Naviat Tumpora ūnisog iyi kō tawi sī neteme umentarū tarū iran iyi.

¹⁶ Neteme mē mori yemokili naviateni Iēhōva, ma iyi ontavsogi iyi kō umante iramam navaviat eni Krĭstō.