I. Korint 15 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Ya umanuwi pugkum, ravūgeme, nam navosavos mori ya otorenūwi pugkūm, mori kūmūvĭ, ĭm kūmante ugi ūnam, ĭm kūm ūmkūmēyōwara ugi;

² yaū, ya magkū ugi pe nam nokowo mori yaū menūwi ugi pugkūm imo nam, nagkū kwoneravsivsi kĭmi, kū entawi kūmū tavniri wokon.

³ Popōwo ya onūwi pugkūm opmovūm imo mori ya okevi, memokū Krĭsto yimas ugi sat sū enugkos sugkū dūmūtīyi; dūmūteneme;

⁴ yemevsorasah ran dan deselugi sugkū dūmūtīyi;

⁵ yemetūratumpeni pugi Sifas, penūri punora twelv mori;

⁶ ĭm penūri yemetūratumpeni pun ora ōvun reveveneme fīv hunder mōmūgo ra nempugon siteven; nugkon tamas ra irora ūmante mafeli marima, kō nugkon ūmalēepo;

⁷ nenūri yemetūratumpeni pugi Yakobo; penuri pun ora ōvun apostol omwisū;

⁸ ĭm ra nisah indowi, sugkū pugi sī yemumprokomol ra nempugon sī pelah sī, yemetūrateumpeni po yaū sugkū.

⁹ Popōwo yaū mōmū nĭndewavo iranda ōvun apostol, ĭm tawi aremī woratovnin yaū memagkū apostol popōwo ya umpi nugkugko iran nilepon sī lō tumpora eni Nōbū.

¹⁰ Kō itemas eni Nōbū yemumpi aremī ūnōwag woreti sugkū, ya umante: ĭm itemas isen yemevoyaū, yaū metū vī wokon: kō yaū mumpūrak mōmū tamas iranda omwisū: kō tawi yaū, kō pe ĭtemas eni Nōbū yemetĭndowi ūndū yaū.

¹¹ Im nagkū ya umtorenūwi nam, kū irora, kō nam enugkam siteven, ĭm tavniri enugkĭmi sugkū siteven.

¹² Im nagkū umentorenūwi memagkū Krĭstō yemevsorasah marugi nemas, irasie nugkon ra kĭmi ūmagkū, tawi nivsorasah enirora ōvun nemas?

¹³ Popōwo nagkū tawi nivsorasah ōvun nemas, Krĭstō yetū sorasah sugkū:

¹⁴ ĭm nagkū Krĭsto yetū sorasah, nam ka kĭm lentorenūwi nam wokon, ĭm tavniri enugkĭmi nindewavo sugkū.

¹⁵ Im irora magkū ma kam ōvun numpūvsok namli iran Nōbū; popōwo kam lumpūvsok iran memagkū iyi yimevsorasah Krĭsto: kō yetū evsorasah iyi, nagkū ĭtnessog sugkū ōvun nemas tawi nivsorasah.

¹⁶ Popōwo nagkū ūtū ūmsoresah ōvun nemas, yetū evsorasah Kristo sugkū,

¹⁷ ĭm nagkū yetū evsorasah Kristo, ĭt nindewavo tavniri enugkimi; kūmante ra sat sū enugkimi kĭmi.

¹⁸ Im irora sugkū mori dūmalēepo ra Kristo ūmante ra nēowarapatevi.

¹⁹ It nagkū ugi imo nomūrep ra nemap wokon kos kĭm lĭn tesūwī ra Krĭsto, kos ōvun norumkora mōmū iranda ōveteme omwisū.

²⁰ Kō ĭtnesog yetin nivsorasah Kristo marugi nemas, miyi novwan opmovūm iranda ūmalēepo.

²¹ Popōwo nemas yivelum ugi neteme, nevsorasah ōvun nemas yivelum sugkū popōwo ugi neteme.

²² Im popōwo ugi Adam ōveteme omwisū dūmas, sugkū ugi Krĭsto ōveteme omwisū wamūrep.

²³ Kō wamsorasah ōveteme sū ra nator enirora: Krĭsto novwan mampūm, penūri imo irora mori isen Krĭsto ra nempugon livelum isen.

²⁴ Penūri nelehūvan pol sugkū iyi atinimpe lō eni pugi Nōbū, mori Itemen; kō mampūm iyi ampĭpelah ovatemonok omwisū, ĭm ōvun horog omwisū, ĭm ōvun narigi sū.

²⁵ Popōwo ĭtnesog iyi onari mafeli iyi antipe ōvun novsin nakan omwisū ra netekon nowon isen.

²⁶ Im ra nisah aveni ontavtiti novsin nakan mori nemas.

²⁷ Popōwo yemetipe siame sū omwisū ra mumpon nowon. Kō pol sugkū iyi yemenūwi, Dūmūtinimpe pugi siame sū, irora ūmagkili memagkū dūmūtipe iyi, mori yemetipe siame sū ra mumpon nowon isen iyi.

²⁸ Im pol sugkū antin tenimpe siame sū omwisū pugi, penūri antin tenimpe Netni sugkū pugi iyi mori yemetinimpe siame sū pugi, ma Nōbū anti horogsah wokon ĭndowi.

²⁹ It nagkū entawi wamsokonda mori dūmūvī baptiso iranda ugi nemas Nagkū ūtū wamsorasah ōvun nemas ĭndowi,

³⁰ irasie irora umapī baptiso iranda ugi irora? irasie ka kĭm lampinorĭgumpūnū dan sū?

³¹ Ya magkū ugi navosavos enyaū irami, ravūgsīeme, mori yimne ra Iesū Krĭsto Novsūromon enugkos, ya mamas dan sū?

³² Im nagkū yaū mavokat dal ōvun nūrah nakan ra Efesus sugkū netevarū isenda ōveteme, se imo aremī nisekūg? Nagkū ūtū ūmasorsah ōvun nemas, aremī kos keleni memoneki, ĭt kos kĭl amas mran.

³³ Utarūgi aremī kĭmi: Netevarū mori umnumpi ūr netevarū aremī enugkimi oti imo, woreti ĭm worevovo dal ōvun nareki sat.

³⁴ Uvsor kĭmi marugi nalēepo, ĭm wumpi aremī, ūtū wumpi sat; nugkon ra kĭmi ūtū magkili sī sie sī ugi Nōbū: yakum manūwi imo, worumpi narumprum irami.

³⁵ Kō nigoi sī anūwi magkū, Wonevsorasah ōvun nemas nokowo? ĭm irora wampelum ugi nokolisiran sugkū sie?

³⁶ Kĭk sī numgĭ, nagkū otū umtimti novsin mori kĭm owi nugkugko woreteli;

³⁷ ĭm imo mori kĭk emnowi, kĭk otum nowi fan mori anti isen dan sī,

³⁸ kō novsin wokon, nigoi wit, kū nilepon pe sī; kō Nōbū ampugi fan sugkū nesepen tarū isen, ĭm pugi ōvun novsin omwisū sī fan sī ĭm sī isen.

³⁹ Fand omwisū tawi sīteven pe: kō sī fan en ōveteme, ĭm fan enirora, ōvun nurah, ĭm sī fan enirora ōvun menūōk, ĭm sī fan enirora ōvun nomū.

⁴⁰ Umante nokolisiran ūnpokop, ĭm umante nokolisiran ūnemap: kō nilaswi nokolisiran ūnpokop sī, ĭm nokolisiran ūnemap sī pe.

⁴¹ Sī nilaswi eni nipminen ĭm sī nilaswi isen ĭtis ĭm sī nilaswi enirora ōvun mosi; popōwo nilaswi tawi sīteven enirora ōvun mosi omwisū, kō sī ĭm sī.

⁴² Im sugkū nivsorasah teme marugi nemas isenda. Dūmowi siame yomtimte;

⁴³ amsorasah siame otū amtimte: dūmowi siame umnarumprum ugi; amsorasah siame ūnarĭgi ugi:

⁴⁴ umnowi netromoro ugi; amsorasah ugi horog: umnowi nokolisiran wokon; amsorasah nokolisiran-naviat. Im nagkū oti nokolisiran wokon, oti nokolisiran-naviat sugkū.

⁴⁵ Yetin netiyi sugkū memokū, Adam mampum yemotepū neteme naviat nomūrep. Adam ra nisah yeti miyi yemtalokugi naviat-nomurep punora ōveteme.

⁴⁶ Kō nokolisiran-naviat tawi mampūm, kō mori nokolisiran wokon; penūri imo mori nokolisiran-naviat.

⁴⁷ Neteme mampūm oti ugi nemap, nemap pe: neteme dūrūgi oti ugi pokop.

⁴⁸ Irora ra nemap, sugkū iyi mori yemne ra nemap: ĭm irora ūnpokop sugkū iyi mori yemne ra pokop.

⁴⁹ Kos kĭm livī safi neteme mori yemne ra nemap aremī kos kelevī sugkū safi mori yemne ra pokop.

⁵⁰ Im yakum magkū, ravūgsĭme, memagkū, nugkugke irand nokolisirant woretindowi ra lō eni Nōbū; ĭm nugkugko sugkū ugi siame amtimte woretindowi ra nūrū mori siame amtimte otū antindowi īra.

⁵¹ Pan, ya anūwi pugkūm sie sī yematiumpeni: Kos kel etū alēepo, kos sū, kō onampi nokolisira pe sī,

⁵² ra nimpugon marimago, sugkū ugi talimet neteme, pol sugkū ra nisah: popōwo onelĭntovwi ĭm wamsorasah ōvun nemas tawi umtīmte mōmū, ĭm nokolisirant omwisū wantin sompoli sī.

⁵³ Popōwo ūmagkū onevīugi siame amtimte ugi siame otū amtimte, ĭm onevīugi siame nemas ugi siame amūrep indowi.

⁵⁴ Kō pol sugkū imo mori amtimte onevī ugi ima mori otū amtimte, ĭm imo mori nemas cnevī ugi nomūrep ūvrūni, penūri onampesog nam mori yetin netiyi ugi memagkū, umentelugi nemas ugi tantevakepe. Ah nemas yei pe tantevakepe enugkĭk?

⁵⁵ Ah, nemas yei pe nugūm nelatop enugkĭk?

⁵⁶ Nugūn nelatop eni nemas oti sat;

⁵⁷ ĭm horog eni sat oti nam alam: kō kompalugi pugi Nōbū ĭt iyi yemevugkos woretante-vakepe ugi Iesū Krĭstō Novsūromon enugkos.

⁵⁸ Popōwo pe sugku, ravūgsīeme paū aremī, ūte nugkugko, ūte ūnam, ūtin tandamsah indowi kĭmi ra ōvun numpūrak eni Novsūromon, popōwo kĭmi kūmagkili ma numpūrak enugkĭmi tawi nĭndewavo ra Novsuromon.