I. Korint 14 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Uri kĭmi indowi nelintugi kō ūsorugi ugi natekisah itemas paū ra naviat, ma sugkū kwontavsogi aremī kĭmi.

² Popōwo iyi mori umanūwi ra nam nūrū sī otū manūwi pun ora ōveteme, kō pugi Nōbū; popōwo tawi sī umnelavenūri; kō ra naviat iyi umanūwi nam atiumpeni wokon.

³ Kō iyi mori umesūli ves nam umentavsokonda, ōveteme aremī, mō menavrora, memumpi nemolsep nowanda.

⁴ Iyi mori umanūwi ra nam nūrū sī umentavsogi iyi wokon; kō iyi mori umesūli ves nam umentavsogi nilpon sī, lō.

⁵ Ya umnakīugi memagkū kwanūwi nam ra ōvun nūrū sī kĭmi; kō yakum nakiugi mōmū memagkū kwontavsokonda kĭmi: iyi mori umentavsogi iyi mōmū horog iran sī mori umanūwi nam ra ōvun nūrū sī, nagkū iyi otū sūli aremī nam iyi umanūwi, ma sugkū ontavsokonda nilpon sī lō.

⁶ Ravūgsīeme, nagkū ya ampelum pugkūm manūwi nam ra ōvun nūrū sī, ya onumpi aremī nisekomi ugi sie nagkū ya otū anūwi sī sesi nam pugkūm, kū nam noĭntanwi, kū nam sūli, kū tavsogi?

⁷ Sugkū siame mori tawi nomurep enirora, nagkū sī navianda, pe naūrugis kū nelal, nagkū tawi navianda sī ĭm sī, agkili nokowo memagkū navian naūrugis mori kū nelal?

⁸ Popōwo nagkū loga otū anūwi ĭtnesog navian isen iyi, mē faneteme woretavēsves ugi navokat?

⁹ Im sugkū kĭmi, nagku kūtūm manūwi ugi nugome nam mori ĭtmelepon worokili, agkili nokowo nam mori ūmanūwi? popōwo nam enugkimi sugkū pugi nemetagi wokon.

¹⁰ Nam sikat ra nemap, ĭm sī ĭm sī ne, ĭm navianda tawi siteven, kō sikat ĭm omwisū sugkū.

¹¹ Im nagkū ya otū magkili fan nam ugi ya ante sugkū neteme ra nūrū sī pugi iyi mori umanuwi nam, ĭm iyi mori umanūwi nam ante sugkū neteme ra nūrū sī ūnĭmtug.

¹² Kĭmi kūmnakīugi tamas ōvun siame ĭtemas pau eni Naviat Tumpora, aremī sugkū, ūsorugi tamas horog irami ma sugkū kĭmi kwontavsokonda aremī nilpon sī lō tumpora.

¹³ Popōwo pe iyi mori umanūwi nam nūrū sī aremī iyi osenigi ma iyi faneteme woresūli fan nam.

¹⁴ It nagkū ya umnufwaki ra nam nūrū sī, ya umnufwaki ra naviat sorūg, kō nelekon enyaū otū onumpi nam woreteli.

¹⁵ Im se imo sī? Ya onūfwaki ugi naviat, ĭm ya onūfwaki ugi nelekon sugkū: ya onesemsi narūfo ugi naviat, ĭm ya onesemsi ugi nelekon sugkū.

¹⁶ Popōwo pe pol sugkū kĭk anūwi nevĭēves ugi naviat, ugi mori sī numgi anūwi memagkū Amen nokowo pol sugkū umnumpalugi, popōwo iyi otū magkili fan nam ra nam enugkĭk?

¹⁷ Kĭm umpalugi aremī, kō nagkū oragi sī mori umamgīugi metūvī sī.

¹⁸ Ya umnumpalugi iran Nōbū popōwo ya magkili ōvun nam nūrū sī mōmū sikat irami omwisū:

¹⁹ kō pun ora semsimak ra nam ya umnakĭugi worenūwi nam botibot wokon ugi nelekon ūnōwan, ma sugkū ya ontavsokonda ōveteme aremī, mōmū ra nam tantop wokon ra nam dūtūkili ugi.

²⁰ Ravugsieme, ūtūte sugkū ōvalalaū kĭmi ugi nelekon ūnowami: ūte tanepo marugi sat sugkū ōvalalaū wokon, kō ugi nointanwi ūnōwami ūte kĭmi horog sugkū ōveteme talam.

²¹ Dūmūtiyi ra nam alam memokū, Iēhōva umagkū, ugi ōveteme ūmanūwi ōvun nam nūrū sī ĭm ugi nogūnda ōvun domo ya anūwi nam pun ora imo netevokontū; ĭm ya magkū tawi ugi imo sugkū irora otū wandegi yaū.

²² Popōwo pe sugkū ōvun nam ra ōvun nūrū sī umante sugkū safi nisekonda ōvun netū tavnirigi, kō tawi nisekonda ōvun tavnirigi: ĭm nam nievūos emesitū iranda mori ūmĭntavnirĭgi, kō tawi iranda netū tavnirigi.

²³ Im popōwo pe nagkū nilpon sī lō tumpora omwisū osemsimokonda ūntemne sīteven, ĭm omwisū wanūwi ugi ōvun nam ra ōvun nūrū sī, ĭm wontorĭmpe irora mori ōvun numgi, kū ōvun netū tavnirigi, irora wanūwi memagkū kĭmi ōvun nemlū wokon.

²⁴ Kō nagkū omwisū wanūwi nam nievūos, ĭm sī netū tavnirigi, kū numgĭ ontorĭmpewe, nam enirora sō umentavsogi nowan isen, ĭm iyi umandegi pe nam nesūli ves enirora;

²⁵ ĭm sugkū umesesi siame umeseni ūnōwan eni, ĭm iyi amol ra nipmi isen ontĭvita ra Nōbū, miyi anūwi memagkū, Nōbū dale kĭmi ĭtnesog.

²⁶ Irasie imo, ravugsieme? Pol sugkū kĭmi kūmesem simugkūm, sī umagkū iyi osemsi narūfo, sī umagkū iyi ontavsogi nam, sī umagkū iyi anūwi ra nam nūrū sī, sī umagkū iyi anūwi nam sesi, sī umagkū iyi osūli fan nam. Aremī wumpi siame sū omwisū sugkū woretavsokonda ūnōwanda ōveteme.

²⁷ Nagkū sī umagkū worenūwi ra nam nūrū sī, aremī ōveteme dūrū wokon, kū desel, tawi mōmū, ĭm ugi nator; ĭm aremī sī osūli ves fan nam;

²⁸ kō nagkū tawi sī woresuli fan nam, aremī iyi atepū ūnisog nimo tumpora; ĭm aremī iyi anūwi pugi iyi pe iyi, ĭm pugi Nōbū.

²⁹ Aremī ōvun profet endūrū kū endesel anūwi nam, ĭm aremī raveneme otarū nam umanūwi.

³⁰ Nagkū umesesi sie sī pugi sī umetesep, aremī sī mori yobūm mam atepū.

³¹ Popōwo aremī wanūwi nam niēvūos kĭmi sū ugi nator, ma sugkū ontavsokonda ōveteme omwisū, ĭm ma omwisū wandegi nemolsep ūnōwanda ugi;

³² ĭm naviat isenda ōvun profet ōmandegi nam isenda ōvun profet;

³³ popōwo otum mamne ra Nōbū nesesau, kō ninparata; sugkū ra irora ōvun semsimak omwisū isenda ōvfun tumpora.

³⁴ Tawi aremī ovasiven wanūwi nam ra ōvun nimo tumpora: dūtū timĭmpe irora worenūwi; kō umanūwi pun ora woralekoleki pe, ĭt nam alam umanūwi sugkū.

³⁵ Im nagkū irora ūmagkū worokili sie fan nam, aremī irora wontagkel ora asūonda ra ōvun, nimo enirora: popōwo narumprum iranda ovasiven worenūwi nam ra nimo, tumpora.

³⁶ Nam eni Nōbū yetūvelum marugkūm, ĭm yetūvelum nisekomi wokon.

³⁷ Nagkū sī neteme umagkū iyi sī profet, kū magkū umante ūnōwan Naviat Tumpora, aremī iyi ontarū ves ugi ōvun siame ya umnetīyi ugi pugkūm, ma irora nani alam eni Novsūromon.

³⁸ Kō nagkū sī neteme otū kili sī entie sī, owi sugkū aremi iyi anti, numgĭ.

³⁹ Popōwo pe sugkū, ravūgsīme, ūsorugi tamas woresuli ves fan nam kĭmi, ĭm ūtūnūwali worenūwi ugi ōvun nam ra ōvun nuru sī kĭmi.

⁴⁰ Kō aremī wumpi siame sū ugi netevarū aremī ĭm nugko.