I. Korint 13 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Nagkū ya onam ra nam sū enōvcteme ĭm ra nam enirora ōvun nagelo, ĭm tawi nelintugi enyaū, ya ante sugkū tovū bras, kū sugkū sĭmbal nĭmsĭn narūfo.

² Im nagkū yaū sugkū profet magkili sū ōvun siame umatiumpene ĭm ōvun siame nointanwi; ĭm nagkū ya okevi tavniri omwisū, sugkū ĭtepelum irag worevīpelah ōvun numpūo, ĭm tawi nelintugi sorug, yaū sugkū nendewavū wokon.

³ Im nagkū ya ontalokugi ōvun nēēte omwisū sorug nimsin woravugunora ōvun norumkor, ĭm nagkū ya ontinĭmpe nokolisirag nĭmsĭn woratni ugi, ĭm tawi nelintugi sorūg nĭndewavū wokon nisekūg.

⁴ Nelĭntugi umafielĭntorenda ōveteme, nelintugi oti nemolsep; nelintugi otum mandigi sat ugi siame isenda ōveteme; nelĭntugi otūm magkū ugi narigi iyi,

⁵ nowan isen nelintugi tawi nugkugko, tawi sī nēyōĭmpeli isen nelintugi, otūm magkū ugi siame nisekon iyi tawi nakan isen, otūm numpi nampon nugkugko iran;

⁶ otūm navos ugi siame ūr, kō umnavos ra siame aremī ĭm tanepō;

⁷ umnatekisah ĭndowi ra nowan nemolsep, umeravsĭvsi ōvun nam paū iranda ōveteme, umentarū aremī ugi tavniri indowi siame sū umandeokives ōvun norĭgumpūnū omwisū.

⁸ Nelintugi umante ūnam: kō otū antindowi numpūrak isenda ōvun profet; otū anūwi ĭndowi ōvun nam ra nitni sū; otū antĭndowi nointanwi.

⁹ It kos kĭm lagkili nugkon wokon, ĭm kos kem lintavsogi nugkon wokon:

¹⁰ kō pol sugkū ampelum nimpugon aremī, nointanwi ugi nugkon wokon ampia, ĭm nointanwi horog ampelum irant.

¹¹ Pol sugkū yaū nalaū, ya onūwi sugkū nalaū, yaū morigi sugkū nalaū, ya otarū sugkū nalaū: kō marima yaū neteme talam, ya tafugi sū siame nindewavū enirora ōvalalaū.

¹² Im marima kos kĭm lagesi ra miror sugkū nakoūp tawi aremī; kō ra nimpugon sī kos kel agesi ves sugkū kos ūnĭminit: ya magkili nugkon marima; kō ra nempugon mori va agkili omwisū sugkū ūmagkili yaū.

¹³ Kō marima umante tavniri, umĭntevetūwi, nelĭntugi, irora desel; kō nelintugi siteven umentantevakepe iranda.