I. Korint 11 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Uri kĭmi sugkū numpi enyaū, sugkū ya um nūri Krĭsto.

² Im yaum navos ugi kĭmi popōwo kĭmi kūm nenteme yaū ra ōvun siame sū, ĭm popōwo kĭmi kūmelekavi ugi noravsivsi netevarū omwisū, sugkū yo otĭnepe irora pugkūm.

³ Kō yakum nakiugi ma kĭmi kwagkili memagkū, Krĭstō oti numpun ōveteme omwisū; ĭm nateman numpūn nasiven; ĭm Nōbū numpūn Kristo.

⁴ Nagkū neteme sī kū sī umnufwaki kū umentorenūwi nam, memevīugi numpūn iyi umnumpi narumprum ra numpūn.

⁵ Kō nagkū nasiven sī kū sī umnufwaki kū umentorenūwi nam metū seni pe numpūn iyi umnumpi narumprum ra numpūn: popōwo imo sugkū nagkū iyi otavelĭmpū numpūn.

⁶ Pot nagkū nasiven otū seni numpūn, aremī ontavlimpū numpūn: kō nagkū narumprum iran nasiven wortavlimpū numpūn, aremī iyi oseni numpūn.

⁷ Kō tawi aremī nagkū nateman oseni numpūn popōwo iyi safi ĭm nilasilaswi eni Nōbū kō nasiven oti nilasilaswi eni nateman.

⁸ Popōwo nateman yetūmne marugi nasiven; kō nasiven yemne marugi nateman;

⁹ ĭm sugkū dūtū umpi nateman nisekon nasiven; kō nasiven nisekon nateman:

¹⁰ popōwo pe sugkū ĭt oti aremī ma nasiven onevīugi numpūn safi horog isen, popōwo uri ōvun nagelo.

¹¹ Kō ĭtnesog nasiven yetūspen nete kō irora ūndū nateman, ĭm sugkū nateman, yetūspen nete kō ūndū nasiven, ra Novsūromon.

¹² Im popōwo nasiven yemne ra nateman sugkū nateman yeti popōwo ugi nasiven; kō siame sū omwisū yemne ra Nōbū.

¹³ Utarūgi kĭmi dal kĭmi: aremī kū memagkū nasiven umnufwaki pugi Nōbū metū meseni numpūn omwisū ugi nemas?

¹⁴ Netevarū ra nemap omentaysogkam, ma nagkū tantop novlin numpun nateman imo narumprum nisekon?

¹⁵ Kō nagkū tantop novlĭn numpun nasiven, imo nilasilaswi nisekon; popōwo yetin avugi novlin numpūn nimsin worevūgi iyi.

¹⁶ Kō nagkū sī kū sī neteme osendoekeye ugi, owi sugkū, tawi sī netevani enugkam sugkū, ĭm tawi sī sugkū enirora ōvun nilpon sī lō tumpora eni Nōbū.

¹⁷ Im ra imo nimpasewugi enyaū pugkūm, ya otū anūwi narigi netevarū soremwi ĭt kĭmi pol sugkū kū-mūsemsemugkūm kūmūtūteli ugi netevarū mōmū aremī ugi kō kūmūteli ugi netevarū mōmū ūr kĭmi.

¹⁸ Popōwo pol sugkū kĭmi kūmūsemsimugūm worufwaki, ya umandegi memagkū umante nesesau enugkimi dal kĭmi; ĭm ya magkū nigoi ĭtnesog siame, enugkimi.

¹⁹ Kō ĭtnesog wanti nugkon sendūkaye dal kĭmi memagkū wanturatumpeni irora mori ōveteme ūmnumpūvsok aremī ugi irora dal kĭmi

²⁰ Im nagkū pol sugkū kĭmi kūmūsemsimugkūm, tawi sugkū narĭgari eni Novsūromon:

²¹ popōwo pol sugkū kĭmi kūmneni nevag kūmneni mampūm sī eniwe nevag isen ĭm sī sugkū ĭm omwisū sugkū; ĭm nugkon umentemas ĭm nugkon umnemoneki menaūterĭmlū.

²² Sie imo? tawi ōvun nimo enugkĭmi woreni nevag ĭm woromoneki? kū kūmagkū nindiwavū semsimak eni Nōbū, mo mumpi narumprum iranda ōvun norumkora? Sie ya anwi pugkūm? Ya, anūwi narigi enugkĭmi popōwo ugi imo? Ya otū anūwi narigi enugkĭmi.

²³ Popōwo ya okevi marugi Novsūromon imo mori ya mempasewugkūm ugi, memagkū Iesū Novsūromon rapūmrok mori dūmempirigi yivi yōūp;

²⁴ memumpalugi memorūsevi, memenūwi memokū, Imo oti nokolisirag, yetin sateri nisekomi: wumpi imo worentemeyaū.

²⁵ Im pol sugkū yemen iyivĭ kup sugkū, memenwi memokū, Imo kup oti nam ūnam ĭtevaū ra de enyaū: wumpi imo kĭmi, pol sugkū kĭmi kwamoneki ugi, worenteme yaū.

²⁶ Popōwo pol sugkū kĭmi kwoneni imo yōūp mamoneki marugi imo kup, kĭmi kūoseei nemas eni Novsūromon afeli nimpugon iyi omĭn torileki.

²⁷ Im popōwo pe sugkū iyi sī mori umneni imo yōūp mamoneki marugi imo kup, ĭm tawi aremī iyi ante nowarepatevi ugi nokolisiran ĭm de eni Novsuromon.

²⁸ Kō aremī neteme onesorugi nowan isen nokowo iyi, penūri aremī iyi oneni imo yoūp mamoneki marugi imo kup.

²⁹ Popōwo pe iyi mori umneni mamoneki iyi umneni mamoneki nurian iran iyi, nagkū yetū tarūves ugi nokolisiran Novsūromon.

³⁰ Im popōwo ugi imo ūmandromora ōveteme sikat irami moĭm namarat, ĭm sikat ūmnalēepo.

³¹ Pot nagkū kos kelenesorugi aremī nowant, petū ūrian irant.

³² Kō pol sugkū ūmnūrian irant, ūmenūwali numpūrak ūr enugkos Novsūromon, ma sugkū kos keletū lampī naraki dal ōveteme ra nemap.

³³ Popōwo pe sugkū pol sugkū kĭmi kūmūsemsimugkūm woreni nevag, ah ravugsieme, ūratevetūkūm kĭmi.

³⁴ Im nagkū sī umentemas, aremī iyi oneni ran temne eni; ma kĭmi ūtū semsimugkūm mūvī nurian ugi. Im pol sugkū ya ampelum ya onumpi aremī ra nator siame sū nugkon omwisū.