I. Korint 10 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Im ya um nakiugi, ravūgsieme, ma kwagkili kĭmi, memagkū retemĭnteme omwisū mori dūmūte ra netekon nakoūp, mirorasū dūmavan ran tok;

² ĭm dūmūvi baptiso iranda pugi Moses ĭm ra nakoūp ĭm ran tok sugkū;

³ ĭm irora sū, dūmoni nevag siteven mori Nōbū yemavugonora ugi;

⁴ ĭm irora sū dūmone ki nū siteven mori Nōbū yemtalug pun ora: popōwo irora dūmoneki marugi vetūnam mori yemūrora, mori Nōbū yemovunora: ĭm vetūnam mori yeti Krĭsto.

⁵ Kō Nōbū yemaraki iranda nugkon sikat ra irora: miyi yemtafugi irora ra nūrū wokon.

⁶ Dūmūtĭyi imo siame safi nisekomi ma kos keletū nilasivian sat sugkū irora dūmūlasivian ugi.

⁷ Utū tivita ra ōvun natmas kĭmi sugkū nugkon ra irora sugkū yetin netiyi. Netevokontū dūmūtisep woreni ĭm woremoneki, momūtūok worevovowi.

⁸ Im tawi kos kel etū wumpi tampalaū, sugkū nugkon ra irora dūmumpi, ĭm mas ra irora ran dan siteven twenti-tri taūsan ōveteme.

⁹ Im kos keletū tapmi Krĭsto sugkū, nugkon ra irora dūmūtapmi iyi, ĭm niskel dūmūtalokonda.

¹⁰ Im kos keletū tavuntan, sugkū nugkon ra irora dūmūtavūnan, ĭm nagelo talugi yemtetokonda.

¹¹ Im yemetepū siamesū imosū sugkū safi nisekonda; ĭm dūmūtĭyi imo siame woretavsugkos, mori kos kĭm lante ra ōvun dan sū ra nisah marima.

¹² Popōwo pe sugkū aremi iyi mori umagkū iyi umantūr ūnam, afinte ma iyi otū amol.

¹³ Ovun tapmi sū dūmuvelum irami dūmūvelum iranda ōveteme sū sugkū: kō Nōbū tanepoves, miyi otū owi kĭmi nagkū tapmi ampelum irami; kō pol sugkū tapmi ampelum iyi onumpi selat woralō, ma kĭmi kwontantevakepe ugi.

¹⁴ Popōwo pe sugkū, ali ravugsieme aremi, kalo marugi nufwaki iranda ōvun natmas.

¹⁵ Ya umanuwi nam pugkūm sugkū pun ora ōveteme nelekon; ūtarū kĭmi nokowo nam enyaū.

¹⁶ Kup imo mori nevieves kos kem lenūwi nevieves ugi, imo oti de eni Krĭsto nisekont pe nokowo? Yōūp imo mori kos kĭmlandūsevi,

¹⁷ imo oti nokolisiran eni Krĭstō nisekont pe nokowo? yōūp pe siteven, kos sikat, kos yōūp siteven, nokolisirant siteven: popōwo kos kĭm leni yōūp siteven.

¹⁸ Ukosora lō Isrēel ugi nokolisiran: ĭt nisekonda sugkū nefate, mori ovragi mori ūmneni pe nevag, ūmesokowara ugi ra nefate kū?

¹⁹ Ya anūwi sie? ma sī sie sī mori umnesokowara ugi pugi natmas oti ĭtnesog, kū ma natmas oti ĭtnesog?

²⁰ Kō yaū manūwi memagkū, ma siame mori ōvun nilebokevat ūmūsokowarugi irora ūmūsokowar ugi iranda ōvun nimo sevasi, ūtū tagkelĭgi ugi popōwo ugi nakiugi ma kĭmi kwonavremugi dal ōvun naviatindi.

²¹ Nugkugko irami woremoneki ra kup eni Novsūromon ĭm ra kup enirora ōvun naviatindi: nugkugko irami woreni ra nevlok eni Novsuromon, ĭm ra nevlok enirora ōvun naviatindi.

²² Kos kelentapmi Novsūromon worarakar irant kū? kos mōniū horog iran iyi kū?

²³ Tawi dūtūnūwali siame sū; kō tawi aremī worumpi siame sū. Dūtū ūnūwali siame sū; kō siame sū otū umpi aremī ugi nesitū, tawi.

²⁴ Tawi aremī nagku sī neteme umnesorugi tiame aremī nisekon iyi wokon, kō aremī iyi onesorugi siame aremī nisekonda ōveteme omwisū.

²⁵ Woni siame sū mori umsevasi ra ōvun nimo sevasi, ūtū tagkelĭgi ugi popōwo ugi nōwami;

²⁶ popōwo nemap isen Novsūromon, ĭm siame sū omwisū iran.

²⁷ Nagkū sī nelebokevat osenugkūm worampag ūndū iyi, ĭm nagkū kūmagkū kwampe sugkū; kwoneni siame nevag umantipe ūnĭmetemi, ūtū tagkelĭgi ugi sī popōwo ugi nōwami.

²⁸ Kō nagkū sī neteme anūwi pugkūm memokū, Dūmūsokowar ugi imo iranda ōvun natmas, ūtūwoni, popōwo ugi iyi yemesesi sū pugkūm, ĭm ugi nowan:

²⁹ ya otū magkū popōwo ugi nōwam kō popōwo ugi nowan isen sī; popōwo irasie sī umentarū sat irag ūnōwan ugi imo siame tawi nagkaū nisekūg?

³⁰ Potnagkū ya ampi umnumpalugi ugi, irasi umentavūntan irag popōwo ugi ima mori ya umpalugi ugi?

³¹ Im popōwo pe sugkū kĭmi kwoneni, kū kwomoneki, kū sie sī kĭmi kūm umpi, wumpi omwisū ugi nĭlasĭlaswe ra Nōbū.

³² Utūtipe nitakeli iran sī tawi iran neteme Yūdia, ĭm tawi iran neteme Krik,

³³ ĭm tawi iran, nilepon sī lō tumpora eni Nōbū: sugkū ya umnumpi netevarū mori aremī nisekonda ōveteme sū ugi siame sū omwisū, ĭm ya otum magkū ugi siame aremī nisekūg, kō siame aremī nisekonda ōveteme sikat, ma irora, wampī nēyōwara.