I. Korint 1 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Yaū Pol, dūmovrokoyaū woreti sī apostol eni Iesu Krĭsto ugi nakiugi eni,

² Nōbū ĭm Sosetens avĭt sī, pun ora nilpon sī lō tumpora eni Nōbū ra Korint, iroromo ōveteme aremī ra Iesū Krĭstō, dūmūtampolora ōvun tanepo, dal irora sū ra nūrū sū mori umprugi nin eni Iesū Krĭstō Novsūromon enugkos, Novsūromon enirora menugkos:

³ Itemas paū pugkūm im ninparata marugi Nōbū Itementĭm Iesū Krĭsto Novsūromon.

⁴ Ya ampalugi iran Nōbū enyau indowi nisekomi, ugi ĭtemas paū eni Nōbū dūmūvugkūnt ra Iesū Kristo;

⁵ Popōwo ugi iyi kūmūvī siame sū aremī omwisū, ugi nesūli ves nam omwisū,

⁶ mugi nelekon omwisū; sugkū dūmumpi ūnam nam eni Krĭsto irami:

⁷ Popōwo ĭt kĭmi tawi ra nisah ugi sī itemas wokon; ĭm kĭmi kūmūtūvetūwi nenūatumpene eni Iesū Kristo Novsūromon enugkos;

⁸ mori onumpi kĭmi ūnam ran dan sū, ma otū anti sĭentie sī worūrian irami ran dan eni Iesū Kristo Novsūromon enugkos.

⁹ It iyi Nōbū ĭtnesog, ugi iyi dūmovrugkūm worete dal Netni isen, Iesū Krĭsto Novsūromon enugkos.

¹⁰ Yakum nesenugkūm, ravūgsĭme, ugi nin eni Iesū Krĭsto Novsūromon enugkos, ma kwanūwi kĭmi omwisū nam siteven, ūtū wakan pugkūm kĭmi; kō ūte ūnūwami siteven ĭm ugi tarū siteven.

¹¹ Popōwo ravūgsieme, dūmūnūwi poyaū, ōveteme ūntemna isen Kloyi, memagkū kūmante ugi nesesaū pugkūm kĭmi.

¹² Yakum manūwi memagkū, sī irami umagkū, yaū neteme isen Pol ĭm sī umagkū, yaū neteme eni Apollos; ĭm sī umagkū, yaū neteme eni Sifas; ĭm sī umagkū, yaū netemeoeni Krĭsto.

¹³ Tarū tarū eni Krĭsto kū? dūmūtalugi Pol ra nē ūmparum nisekomi kū?

¹⁴ kū dūm umbaptiso irami ra nin eni Pol? Yakum umpalugi ra Nōbū ma yaū metū baptiso iran sī irami, kō Krispus ĭm Keus wokon; kū entawi sī penūwi ma dūmū baptiso irami ra nin enyaū.

¹⁵ Im yaū ĭm baptiso iran Stefanas ĭm iranda ra mumpon nimo isen:

¹⁶ kō nigoi isūma, kū pe sī mōmū, kō ya otum nenteme sī.

¹⁷ Popōwo Kristo yetū tamūli yaū worumbaptiso, kō woretorenūwi nam navosavos: ko tawi ugi nam nelekon kū entawi onumpi sugkū nam wokon nē ūmparum eni Krĭstō.

¹⁸ Popōwo nam ugi nē ūmparum sugkū sebetnam pon ora wontafugi irora; kō horog eni Nōbū pugkos umumkosēyōwara ugi.

¹⁹ Popōwo dūmūtīyi, Ya ontavtiti nointanwi isenda ōvun nelekon, Im ya otū ampi nurapūn nelekon enirora ōvun nelekon.

²⁰ Neteme nelekon iya? neteme tavsogi iya? neteme horog ra imo nemap woramtugi nam iya? ĭt Nōbū yemumpi sebet nam nelekon ra nemap kū?

²¹ Im popōwo ugi nelekon eni Nōbū ōveteme ra nemap dūtūkili Nōbū ugi nelekon enirora, kō yeti aremī ugi Nōbū woresemsempari iranda mori umentavniri ugi torenūwi nam, mori ūmagkū ugi memokū nĭndewavū.

²² Itnesog ōveteme Yūdia ūmesenigi ōvun safi, ĭm ōveteme Krik ūmnesorugi nelekon;

²³ ko ya kem lentorenūwi Krĭsto dūmūtalugi ra ne umparum pun ora ōveteme Yūdia netakeli, ĭm pun ora ōveteme lō pelah sī sebetnam;

²⁴ kō pun ora dūmovrokonda, pun ora lō Yūdia ĭm lō Krik, Krĭsto horog eni Nōbū, ĭm nelekon Nōbū.

²⁵ Popōwo numgĭ eni Nōbū mōmū nelekon ra ōvun nelekon eni neteme, ĭm netromoro eni Nōbū umentantevakepe ra horog eni neteme.

²⁶ Im okesi netevarū umentorugkūm ugi, ravūgsĭeme, ma tawi sikat ōvun nointanwi sugkū ugi netevarū ra nemap, tawi sikat ōvun horog, tawi sikat ra ōvun fan lō, dūmūtampolokūm:

²⁷ kō Nōbū yemtampolora ōvun numgĭ ra nemap, ma iyi onumpi narumprum iranda ōvun horog;

²⁸ ĭm Nōbū yemtampoli ōvun netromoro ra nemap, ma iyi onumpi narumprum iranda ōvun torugat; yemtampol ora ōvun nurumkora ra nemap, ĭm irora mori umagesi sat iranda, Nōbū yemtampol ora, ĭm ĭtnesog siame mori nĭndewavū, ma iyi onumpi nĭndewavū siame horogsah;

²⁹ ma tawi sī anūwi narigi neteme ūnĭpmi eni Nōbū.

³⁰ It kĭmi kūmante ra Iesu Krĭstō ugi Nōbū, yemete nisekont nointanwi marugi Nōbū, ĭm tanepoves, ĭm nelugelugeves, ĭm nēyōwareves;

³¹ ma, sugkū dūmūtīyi, Iyi mori anūwi nam horog, aremī iyi anūwi ugi ra Novsūromon.