II. Timote 1 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Pol, apostol eni Iesū Krĭstō ugin tarū eni Nōbū, sugkū ugi niyevūwos nam ugi nomurep mori umante ra Iesū Krĭsto, pugi Timote, netūg paū sorug:

² Itemas paū, togesoveli ĭm ninparata, marugi Nōbū Iteman ĭm Iesū Krĭstō Novsūromon enugkos.

³ Yakum mumpalugi iran Nōbū, mori yaū im torugat iran ūnōwag tanepo sugkū ravūgteveneme sorūg, memagkū yakum natekisah dan ĭm būmrok worufwaki nisekom,

⁴ ĭm nakiugi enyaū worokesok, ĭt yakum nenteme nageri enugkĭk, ma ya onavos tamas ūnōwag;

⁵ pol sugkū dūmūnūwi poyaū tavniri ĭtnesog enugkĭk; yepmovūm mete ra Lois novūm, ĭm iran dinum Yūnisi; ĭm yakum mentavnirigi, magkū umante iram sugkū.

⁶ Im popōwo pe sugkū yakum manūwi punok woretarū matekisah worefinte mumpūrak ugi itemas-paū eni Nōbū, umante iram kokevī ugi netipe nokevūg iram.

⁷ Popōwo Nōbū yetūvugkos nowant nemetet kō nōwant horog, ĭm nelintugi, ĭm nelekon.

⁸ Popōwo pe etū arumprum ugi nam numpūvsok eni Novsūromon woresūli pe, kū ugi yaū neteme isen, dūmēiti: kō evī nesorū ugi angelaū ra nam navosavos sugkū ugi horog eni Nōbū;

⁹ iyi mori yemumkosēyōwara, memovrugkos ra novrugi aremī, yetū umpi popōwo ugi numpūrak enugkos, kō sugkū ugi tarū isen ĭm itemas paū eni, mori yemevugkos ra Iesū Krĭstō ra nempugon mori etūwĭ tawi nemap,

¹⁰ kō marima umanūatumpene ugi nivelum eni Iesū Krĭstō Nēyōwara enugkos, mori yivipelah nemas, mōĭmpīĭmpelum nomurep ūvrūni ugi nam navosavos,

¹¹ ĭm popōwo ugi imo dūmūtipe yaū neteme woretorenūwi ĭm apostol, ĭm tavsogi.

¹² Im popōwo po ugi imo ya okevi norigumpūnū imo sū: kō ya otum narumprum; popōwo yakum mentavnirigi iran, ĭm yakum magkilives ma iyi faneteme worefinte aremī ima mori ya otipe tovuni ugi dan mori.

¹³ Eravsivsi safi enyau ra nam aremī kĭmūrĭgi yaū menūwi, ugi tavniri ĭm nelintugi mori umante ra Iesū Krĭstō.

¹⁴ Kafinte aremī siame aremī ugi nesitū Naviat Tumpora mori umante ūnisog kos.

¹⁵ Kokili imo, ma irora sū imo sū mori Esia dūmūtorileki marokoyaū; ĭm dal irora ovragi mori Fitelus ĭm Hermotenes.

¹⁶ Togesoveli eni Novsūromon iranda ran temne eni Onesiforus; popōwo yemorūn elintokoyaū ĭm pīēves yaū, miyi yetū narumprum popōwo ugi nevat nēiti irag;

¹⁷ kō pol sugkū iyi yemete ra Rom, yemesorokoyaū tamas, memokosyaū

¹⁸ (Novsūromon elintugi ma iyi ampi togesoveli marugi Novsūromon ran dan mori); ĭm kĭk emagkili aremi ugi sikat tamas ōvun nelintugi isen nisekūg ra Efesus.