II. Piter 3 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Ravūgsīme paū, imo netiyi dūrūgi yakum netīyi pugkūm: ĭm ra dūrūsū yakum mamūwi pugkūm worōiyokonda ōvun nowami aremi woretani;

² ma dūmūkilisū, worotorileki marugi nam alam tumpora dūmūnūwi, ĭm nam alam eni Nēyōwara ugi ōvun apostol enugkĭmi:

³ worokili imo mampūm, memagkū, ma wampelum ran dan sū ra nisah ōveteme sendūekiye, mirora wanūwi sebit nam mavan ra netevani nililūō mirora wanūwi magkū, yēi nam niyeviwos ugi nivelum isen?

⁴ popōwo, marugi nempugon ōveteme talam etūwī dūmūlēepo, tiame sū ūmnantindowi sugkū ra natipotnin siamesū.

⁵ Im irora ūmnakiugi woretavrivri memagkū, dumūte ōvun pokop etūwi ra ĭtnimpris, ĭm nemap yetepū nugkuko marugi nū ra mumpon nū, ugi nam eni Nōbū;

⁶ ĭm ugi imo tiame yemokeni nemap mori ugi nōisap:

⁷ kō pokop mori unmante marima, ĭm nemap umafinte nimsin nam, ugi nam siteven mori, umante minsin dan nūrian ĭm woretavtiti ōvun netūtavniri ōvun narekisat.

⁸ Kō, ravūgsīeme paū, ūtūtavrivri imo sie sīteven kĭmi, memagkū, ma dan sīteven sugkū nevisū wan taūsan ūnipmi eni Novsūromon ĭm nevisū wan taūsan sugkū dan siteven.

⁹ It iyi Novsūromon otū mandromoro sugkū nugkon ūmagkū ugi mandromoro; kō iyi onakompeli nam niyeviwos paū isen, im iyi umnelĭntugkūm ūndowi, miyi otū akiugi ma amas sī neteme, kō emagkū omwisū wanūatumpeni sat sū enirora.

¹⁰ Kō dan eni Novsūromon ampelum sugkū numprok; polsugkū pokop ampia ugi tintum nūsian, ĭm ōvun mosi mōvun tiame ūneī wonerari ugi nom navilar, ĭm nemap ĭm siamesū ūnisog nemap wonaaū.

¹¹ Im popōwo kūmagkili ma imosū ōvun tiame wampia sugkū, ūte kĭmi ugi netevarū ĭm numpurak aremī im tumporaves ra Nōbū,

¹² mūtevetūwi mūmakiugi nivelum dan eni Nōbū, popōwo ugi imo pokop onaū merari ĭm ōvun mosi mōvun tiame sū ūneī wonaaū ugi nom navilar.

¹³ Kō, popōwo ugi nani niyeviwos isen kos kelenesorugi pokop ĭtevaū ĭm nemap ĭtevaū, ĭm antindowi ūnsiog irora netevanū tanepo ĭndowi.

¹⁴ Im nasūgsīeme paū, popōwo kĭmi kūmūsorugi imo tiame, ūtarūgi mōmatekisah ma kwantindowi ra ninparata, ĭm tawi sie sī ūr iramei kō sugkū ōvun tanepo ūnipmi eni.

¹⁵ Im ūkili ma nelintugi tantop eni Novsūromon oti nēyōwara; sugkū pol aventsī paū, ugi nelekon yivi, yemetiyi pugkūm;

¹⁶ sugkū yemenūwi ra ōvun netiyi omwisū isen ugi imo ōvun tiame; ĭm ĭtnesog nugkugko mōmū worokili aremī ugi nugkon imo siame, ĭm ōvun numgi mōvun neforefari ūmampī nagkaū, sugkū irora ūmnumpi ugi nugkon ōvun netiyi tumpora, mirora ūmnumpi nemás nisekonda irora pe irora, ugi.

¹⁷ Im popōwo pe sugkū, ravūgsīeme paū, kūmūkili mampūm imo siame, wavlis aremī, kū entawi kwonūri namlī enirora ōvun nareki sat, momamol marugi tavniri aremi ĭm nugkugko onugkōĭmi.

¹⁸ Kō ūti aremī kĭmi mūnenum ra ĭtemas paū ĭm nointanwi eni Iesū Krĭstō Novsūromon enugkos. Im antemante nisekon nilasilaswi marima ĭm ūvūm nevisū ĭndowi. Amen.