II. Korint 6 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Im ya magkū va anūwi pugkum, yau neteme undū iyi, ma ūtū vī wokon itemas paū eni Nōbū kĭmi (popōwo iyi umagkū,

² Ra nempugon aremī yaū morĭgok, Im ra nēyōwarayaū mcsitū iram: pah, marima oti nempugon aremī; pah marima oti nempugon nēyōwara);

³ ya otūm numpi sī entie sī nagkaū worumpi netakeli ūnōwanda ōveteme, ma ūtū wanūwi ūr ugi torugat enyaū;

⁴ kō ya umnumpi siame sugkū umnavos ugi dan sū, sugkū lĭvsaū eni Nōbū, ra netevarū nemolsep tamas, ra norĭgumpūnū, ra norumkora enyau, ra nugkugko irag, ra selatevi irag,

⁵ ra nimo nugkugko, ra nesesaū, ra numpūrak nagelaū, ra ōvun nefinte tawi nalēepo, ra ōvun temas matmas ugi;

⁶ ra sentevives ūnōwag, ra nelekon, ra nelintugi, ra itemas paū ugi Naviat Tumpora, ra nelintugi anōwag tawi nĭmpiri,

⁷ ra nam ĭtnesog, ra horog eni Nōbū; ra siame nugko ra mevis ĭm mor,

⁸ ra norĭgi ves irag ĭm namlī irag, ra nam aremī ĭm nam ūr irag; sugkū neteme nimpiri, kō ĭtnesog;

⁹ sugkū neteme rūtūkili iyi, kō umagkili aremī; sugkū neteme okemasewi, ko ya umamūrep;

¹⁰ sugkū neteme ūmeselatevi iyi, kō dūtū talokoyaū; sugkū neteme norĭgumpūnū, kō yakum navos dan sū; sugkū neteme norumkora, kō dūvl nōēte ōveteme sikat popōwo ugi yaū; sugkū neteme tawi noete isen, kō siame nōēte omwisū sorūg yaū.

¹¹ Pah ōveteme Korint, umnovag nogūg nisekomi, ĭm nowag umnelintugkūm tamas.

¹² Nelintugi ūnōwag nisekomi tawi virok, kō nelintugi ūnowami nisekūg oti virok.

¹³ Im marima wumpi sugkū nisekūg (ya umanūwi sugkū punora ōvun sorug) wumpi nelin tugi tamas sugkū kĭmi.

¹⁴ Utūte kĭmi siteven dal irora ōvun netū tavniri: popōwo tanepo ĭm satindi irora nilpon sī ĭm sī, ĭm nilara otū ante dal nelebokevat.

¹⁵ Im Krĭstō antindowi nandū Bēlial sugkū sie? ĭm sī neteme tavniri ĭm sī nelebokevat wavan mampag sīteven sugkū sie?

¹⁶ Im irora ūtū wantipe ōvun sokowara natemas ra nimo tumpora eni Nōbū, popōwo ĭt nimo tumpora eni Nōbū nomūrep kĭmi; sugkū Nōbū yemenūwi, memokū, ya antindowi dal irora, ĭm ya onūr ora; ĭm ya ante Nōbū enirora, ĭm irora wante ōveteme enyaū.

¹⁷ Popōwo pe Novsūromon umagkū, Uvelum marokonda kĭmi, mō mūte isūt pelah sī morokonda kĭmi, iyi Novsuromon mori Tantevakepe umagkū, Utū sugkori sī entie sī nelilūo kĭmi

¹⁸ Im ya ampi kĭmi Im ya ante Nate nisekomi, Im kĭmi kwante nisekūg ōvun ĭtōvateman mĭtōvasiven.