II. Korint 5 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Kos kim lagkili ma nagku wontalepasi nimo noko lisirant, umante nisekont nimo marugi Nōbū, nimo ūtūni numpi ugi nokovenda ōveteme, ūnam indowi, unpokop.

² Popōwo ĭtnesog kos kim lenavan igko morigi sat ugi imo nokolisiran, mō makīugi tamas

³ worevakosugi nokolisirant mori umamne unpokop it nagkū kos kelen nevakosugi ūtū wagkos kos navan wokon.

⁴ Popōwo kos kim lenavan lenimrū, morigi sat ra imo ūvrok; tawi ma wampīpelah worevakosugi; kō memagkū wonevakosugi pe, ma siame nomūrep atogoli siame nemas.

⁵ Iyi mori yemumpi aremī kos ugi imo siame oti Nōbū, miyi yemevugkos Naviat woreti safi nisekont.

⁶ Popōwo pe sugkū kos kim lenatekisah indowi popōwo kos kim lagkili ma nagku kos kim lante ra imo ūvrok, kos kim lante

⁷ isūt marugi Novsūromon (popōwo kos kim lenavan ugi tavniri, tawi ugi nokesi);

⁸ kos kim lenatekisah, ĭm kos kĭm lenakĭugi woretinĭmpe imo ūvrok, ĭm lantĭndowi ūndū Novsūromon.

⁹ Popōwo pe nagku kos kĭm lante ra nokolisirant, kū tawi ra nokolisĭrant,

¹⁰ kos kim lenakĭugi worete aremī ra Novsuromon. Popōwo ĭtnesog kos omwisū kos kel antūratumpene ra potnumpūtūo eni Krĭsto; ma wampi omwisū nurian, sī ĭm sī sugkū yemumpi ra nokolisiran, sugkū netevarū aremī kū netevarū ūr enirora.

¹¹ Ya magkili nemtetugi Novsūromon, popōwo pe sugkū ya um yevi ōveteme, kō Nōbū umagkili yaū; ĭm ya magkū kĭmi kūmagkili yaū ūnōwami kĭmi.

¹² Ya otō magkū ya anūwi mōmū narigi nisekūg pugkūm kō yaumnatipotni woranūwi kĭmi narigi nisekūg yaū ma kĭmi kwante faneteme worenūwi nam punora mori ūmnumpi navos ratilat kō tawi itnesog.

¹³ Nagku nemlū irag, yaum memlū pugi Nōbū; kū nagkū ya umante nelekon imo yeti nisekomi.

¹⁴ Popōwo nelintugi eni Kristo umĭntorokoyaū, popōwo ya magkū nagkū neteme siteven yimas nisekonda ōveteme omwisū, ĭtnesog omwisū dūpmas;

¹⁵ ĭm iyi yimas nisekonda omwisū, ma irora mori ūmamūrep ūtū wamūrep nisekonda irora, kō pugi iyi mori yimas nisekonda mō mevsoresah.

¹⁶ Popōwo pe ya otū magkili mōmū sī neteme ugi ōvun siame ra nemap ĭm nagku yaū mokili Krĭsto ugi ōvun siame ra nemap, ko marima ya otū magkili iyi sugkū nempugon sī momu indowi.

¹⁷ Popōwo pe magkū sī neteme antindowi ra Krĭsto, iyi neteme ĭtevaū: umampia ōvun siame ĭtnempris; pah, marima umante ōvun siame ĭtevaū Siame omwisū umamne ra Nōbū,

¹⁸ yemumpi aremī nowant pugi iyi ugi Krĭsto, mō metipe kam woresuli nam nelintugi tasiasie; memagkū.

¹⁹ Nōbū yemumpi ninparata ra nemap ugi Krĭsto pugi iyi, memagkū otū onūrian iranda, ōveteme sat sū enirora, mō metipe kam ma ka kelosūli nam tasiasie muparata-nelintugi torileki ves pugi iyi.

²⁰ Im kam ōvun livsaū isen Krĭstō, sugkū Nōbū umuosenugkūm ugi kam ka kem tampenum iran Krĭstō ĭm lesenugkūm worōtorileki ūnōwami pugi Nōbū,

²¹ Iyi mori yetūkili sat yemetipe iyi woreti sokowar ugi sat enugkos; ma kos kelante tanepo eni Nōbū ugi iyi.