II. Korint 3 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Ka kĭm laudūnenūwi narigi enugkam kū? kū kim lenakĭugi ōvun netiyi worenūwi narigi enugkam pugkūm, kū marugkūm?

² Kĭmi netiyi enugkam, umnetīyi ūnōwamam, ūmagkili sū ĭm umasepi sū ōveteme omwisū;

³ umesesi irami ma kĭmi netiyi eni Krĭstō, ugi numpūrak enyau dūtūtīyi ugi igk, kō ugi Naviat eni Nōbū nomūrep; dūtūtĭ ra nevat, kō ra nowami nemelokelok.

⁴ Im umante imo tavniri ĭtnesog enugkam ugi Krĭstō ra Nōbū:

⁵ tawi ma kam faneteme kam pe kam, worenūwi sī sie sī popōwo ugi kam kō faneteme enugkam umamne ra Nōbū;

⁶ iyi mori yemumpi kam faneteme woretorugat ra nam alam itevaū; tawi ugi nam wokon ratilat, kō ugi naviat: popōwo nam wokon ratilat umentelugi, kō fan nam ra naviat umnumpi nomūrep ugi.

⁷ Im nagkū yeti aremī torugat mori dūmas ugi, dūmūtiyi mo mumpi nampon ra nevat, ma sugkū nugkugko iranda lō Isrēel woretopotneme nipmi Moses popōwo ugi nilasilaswi nipmi isen; ĭm nilasewi mori yemyevia: wanti sugkū sie nilasilaswi eni naviat?

⁸ Im nagkū nūrian numpūrakĭndi oti nilasilaswi momu

⁹ nūsian aremī nilasilaswi eni torugat tanepo. Popōwo ĭtnesog imo mori yetin numpi nilasilaswi ugi imo,

¹⁰ popōwo ugi nilasilaswi torugat tamas aremī.

¹¹ Popōwo nagkū ima mori umapia yeti ugi nilasilaswi, antin tamas nilasilaswi ima mori umantĭndowi.

¹² Im Itnesog ya umentesūwĭ ra imo siame, ĭm popōwo pe ya umanuwi ugi nam horog,

¹³ ĭm tawi sugkū Moses, mori yimseni nipmi eni, ma lō Isrēel ūtū ontopotnemi ra nakompeli eni siame mori yevia:

¹⁴ kō yeti nugkugko nowanda: popōwo mafeli nempūgon ĭtnimpris marima, pol sugkū ūmaspi netiyi tumpora umantindowi iranda woreseni mori;

¹⁵ kō imo woreseni ovīpelah popōwo ugi Kristo. Kō mafeli ire pol sugkū umaspi netiyi eni Moses umante woreseni ra nōwanda.

¹⁶ Kō pol sugkū sī ontorileki pugi Novsūromon, ampīpelah woreseni mori.

¹⁷ Im Novsūromon oti Naviat mori: ĭm yūi umante Naviat eni Novsūromon, umante sugkū nemolsep aremī nisekonda ōveteme.

¹⁸ Kō kos omwisū kos kĭm lagesi aremī sugkū ra klas nilasilaswi eni Novsūromon, ĭm umnumpi kos ĭtevaū ra safi siteven ugi nilasilaswi ra nilasilaswi, sugkū marugi Novsuromon mori Naviat.