II. Korint 2 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Kō yaū menūwi ūnōwag, ma ya otū ampelum mōmū pugkūm ra norĭgumpūnū.

² Nagkū ya umnumpi kĭmi wororĭgumpūnū, mē mori umnumpi yaū woravos? iyi mori yaū mumpi norĭgumpūnū iran.

³ Yaū metīyi imo pe nam, ma nagkū pol sugkū ya ampelum, ya otū ampi noiĭgumpūnū morokonda mori it aremi ma ya ampi navos ugi irora; ya um tesūwī irami kĭmi sū, ma navos enyau navos enugkimi omwisū.

⁴ Popōwo ugi norĭgumpūnū ĭm nesorū ūnōwag ĭm nageri tamas yaū metīyi pug kūm; tawi ma kimi kwampi norĭgumpūnū, kō ma kĭmi kwagkili nelintugi nusian enyau nisekomi.

⁵ Im nagku sī yemumpi norĭgumpūnū yemumpi norigumpūnū tawi irag wokon, kō irami nugkon sugkū.

⁶ Oti nugko aveni nūrian nisekon neteme mori dūmūtipe iran ōveteme sikat;

⁷ popōwo mōmū aremī efielintugi iyi kĭmi mo mampīeves iran, kū entawi onelasewoni wokon norĭgumpūnū isen.

⁸ Popōwo pe yakum nesenugkūm worumpi ūnam nelintugi enugkimi nisekon.

⁹ Popōwo pe ugi imo yaū metīyi, ma ya agkili numpūvsok ugi kĭmi, memagkū kĭmi umalekoleki ra siame sū kū.

¹⁰ Me mori kūmafielĭntugi sie sī, yaū mafielintugi sugkū: popōwo siame ya afielintugi sū, nagkū yaū mafielintugi sie sī, yaū nefielintugi popōwo ugi kĭmi ūnĭpmi eni Krĭstō; ma sētan otū ontantevakepe irant ugi sū:

¹¹ ĭt kos kĭm lagkili ōvun nimpiri isen.

¹² Pol ya ovelum ra Troas ugi nam navosavos eni Krĭstō, ĭm yemsūli selat nsekūg Novsuromon,

¹³ yaū metū vī sī nemolsep ūnōwag, popōwo yaū metokesi Tītus avūg sī: kō yaū mempasiwokonda, ĭm pe Masedonia.

¹⁴ Kō kompalugi iran Nōbū, It iyi umĭntorokas ĭndowi wontantevakepe ugi Krĭstō, miyi umnumpūvsok ugi kam nempeneves ugi nokili iyi ra nūrū sū.

¹⁵ Popōwo kam sī nempeneves eni Krĭstō ra Nōbū, nisekonda mori ūmankorēyōwara, ĭm nisekonda mori ūmentavtiti irora;

¹⁶ punora nilpon sī nempeneves marugi nemas pugi nemas; punora nilpon sī nempeneves marugi nomūrep pugi nomūrep. Kō mē faneteme worumpi imo siame?

¹⁷ Popōwo tawi yaū sugkū sikat ōveteme, mori umanuwi ugi nimpiri nam eni Nōbū: kō ka kem lanūwi ugi itnesog, sugkū ugi Nōbū, ka kem lanūwi ūnĭpmi eni Nōbū ra Krĭsto.