II. Korint 12 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Tawi aremi irag worenūwi nam horog, kō dan sī ya agesi ōvun sesi, ĭm siame yemetūratumpeni Narisah ugi.

² Yaū mokili sī neteme isen Kristo, etūwi sugkū fotin nevi (kīyei yemete ra nokolisiran, kū yetūte ra nokolisiran, ya otū magkili: Nōbū umagkili), dūmūrevenisah iyi unpokop ĭmelūo wokon.

³ Im yaū magkili neteme mori (nokū ra nokolisiran, ku tawi ra nokolisiran, ya otū magkili:

⁴ Nōbū umagkili), nokowo dūmūreveni sah iyi ra Paradīs, yemorigi nam nilpon sī nugkugko woresūli, ĭm tawi aremī iran sī neteme worenūwi.

⁵ Ya anūwi horog ugi neteme mori: kō ya otū anūwi horog irag yaū, kō ya anūwi wokon ugi netromoro enyaū.

⁶ Nagkū ya magkū ya anūwi ugi horog, ya otū anti neteme nemlū: ya anūwi nam itnesog: kō ya otū anūwi sī yaū, kū entawi sī ontarū ves irag mōmū ra imo mori iyi umagesi irag, kū iyi umandigi nam enyaū ugi pe.

⁷ Im ma ya otū ontarū ūnōwag magkū yaū sī horog, ugi siame sesi sikat, dūmūtipe nisekūg nagesaū ra nokolisirag, lĭvsaū eni Sētan woretī yaū, ma ya otū ontarū horog ūnōwag.

⁸ Yaū mesenigi Novsūromon nempugon desel ma imo norĭgumpūnū owi yaū.

⁹ Im iyi yemenūwi poyaū memokū, It tamas nelintugi sorug nisekom: popōwo horog enyaū faneteme ra netromoro. Popōwo pe sugkū ya onavos tamas ra netromoro enyau, ma faneteme eni Krĭsto antindowi irag.

¹⁰ Popōwo pe ya umnavos ra ōvun netromoro enyaū, ĭm ra ōvun nam irag, im ra ōvun norumkor sorūg, ĭm ra ōvun nesesaū irag, ĭm ōvun norĭgumpūnū enyaū, popōwo ugi Krĭstō: popōwo ra nempugon ya um mandromoro, ra um faneteme.

¹¹ Ya um mamlū popōwo ugi nam horog sorūg: kō yeti nugkugko irag woreteteven popōwo ugi netevani enugkimi; mōmū aremī irami worenūwi nam paū horog nisekūg: popōwo tawi yaū mōmū yirok iranda ōvun aspostol horog wokon, kō itnesog yaū nĭndewavū wokon.

¹² Itnesog yemetēpū ūnemetemi numpūvsok isen apostol dal kĭmi ugi nemolsep omwisū, ugi ōvun safi ĭm ōvun navlugi, ĭm ōvun torugat nugkugko.

¹³ Ugi sie mori dumumpi kimi mōmū virok iranda ōvun kalesia ra nilpon sī, kū entawi imo ma yaū metūtipe nugkugko irami worefinte yaū? efielĭntokoyaū imo nagkū sorūg.

¹⁴ Ya magkū, ya ampelum marimago pugkūm nempugon deselugi; kō ya otū antipe numpūkontom irami worefinte yaū: popōwo ya otū magkū ugi siame soremi, kō ya um nesorugkūm kĭmi: popōwo mōmū aremī ōvun ĭtemenda woutavĭnepon noete nisekonda ōvunyan, kō tawi ovunyan nisekonda ōvun ĭtemenda.

¹⁵ Im ya um nakīugi woretevūrak ĭm woretorugat nisekon naviat enugkimi. Kō pol sugkū ya um nelintugkūm mōmū tamas, kĭmi kūm nelĭntokoyaū mōmū virok mōmū.

¹⁶ Kō owi sugkū yaū metūtipe numpūkontom irami nisekūg yaū; kō ugi nointanwi enyaū, yaū melekavi kĭmi ugi nimpiri.

¹⁷ Yaū metūvī sī entie sī enugkimi nisekonda ovragi desel yaū im tamūli pugkūm.

¹⁸ Yau ĭm senĭgi Tītus, ĭm yaū ĭm tamūli avūgsī mori. Tītus yetūvī sī entie sī enugkĭmi: ĭt kam lavan ūnōwamam sīteven, ĭm ra netevarū sīteven.

¹⁹ Utūkū ūnōwami kĭmi, ma ya umaspen enūwi nam pugkūm. Ya um manūwi ūnīpmi eni Nōbū ugi Krĭstō. Kō siame omwisū, ravugsīme, oti woretavsugkūm aremī.

²⁰ Popōwo ya um amtitugi, ma nagkū pol sugkū, ya umpelum, ya agkosekūm tawi sugkū ya umnakīugi, ĭm kimi kwagesi irag tawi sugkū kūm nakiugi; kū entawi ugi sie wante dal kĭmi nescsaū, ĭm narakar, ĭm nakan, ĭm taru tarū, ĭm sebet nam, ĭm nam nugkugko, ĭm navakat;

²¹ kū entawi, pol sugkū ya ampelum Nōbū enyaū onumpi yaū naruprom ūnemetemi, ĭm ya onageri iranda oveteme sikat dumumpi sat, mūtūrĭgi nesorū ĭm norĭgumpūnū ūnōwanda ugi nililūo ĭm tampalaū im nilasivien sat mori irora dumumpi.