II. Korint 11 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Pah wumpi nemolsep irag lap virok ugi neyōĭmpele enyaū: ĭtnesog ya umnesenugkūm ūte nemolsep irag ugi.

² Popōwo ya umnarakar ugi Kĭmi sugkū Nōbū umnarakar ugi: ya onuūwi Kĭmi nisekon asūon siteven, ma ya ontorokūm sugkū ĭtnumpokon sentevives, pugi Krĭstō.

³ Kō ya um amtītugi, kū entawi sī unumpi ūr nowami worūwi netevarū ĭtnesog enugkimi ugi Krĭstō, sugkū neskil yemimpirigi Iv.

⁴ Nagku si ontorenūwi Iesū pe sī, ka kĭm letū torenūwi iyi kam, kū nagkū kĭmi kwampi naviat, pe sī, mori kūmūtūvī, kū nam navosavos sī, mori kūmūtūvi, ĭt otiaremī ma kwonumpi nemolsep kĭmi nisekon iyi.

⁵ Kō ya magkū yaū tawi mōmū virok iranda, omwisū ōvun apostol aremi.

⁶ Nagkū tawi yaū faneteme worenūwi aremī fan nam, kō ya umagkili ves siame; ĭtnesog kĭmi kūmagkili yaū ves ra siame sū omwisū ūniminda ōveteme omwisū.

⁷ Yaū metū umpi sat, yaū mumpi netevarū nemolsep ma kĭmi kwante horogsah, pol sugkū yaū menūwi pugkūm nam navosavos im tawi nipmi nisekūg.

⁸ Yaū meforugi ōvun Kalesia nilpon sī, īmpi nĭpmi morokonda ma sugkū ya ontorugat, irami; ĭm pol sugkū yaū mete dal kimi im norumkor irag,

⁹ yaū metūte numpūkontum iran sī neteme; popōwo raveteme pol sugkū irora dūmne Masedonia mūvelum dūmūsitū irag ugi norumkor sorūg, ĭm ra siame sū ya mafinte yaū woretūtipe nugkugko irami, ĭm ya onafĭnte yaū sugkū.

¹⁰ It umante ūnōwag siame ĭtnesog eni Krĭstō, ĭm tawi sī osompat imo nam horog enyaū ra nūrū sū nūrū sū Akea-Irasie?

¹¹ popōwo ya otūm nelĭntugkūm kū? Nōbū umagkili.

¹² Kō imo ya umnumpi, ya onumpi, ma ya osompat nam sat enirora mori ūmnakīugi nam sat; memagkū irora wante sugkū yaū, ra siame sū mori irora ūmanūwi nam tamas ugi.

¹³ Irora ōvun apostol namli ovragi mori, ōvun torugat nimpiri, ūmagkū irora ōvun apostol isen Kristo.

¹⁴ Im mē onavlugi ugi imo? popōwo oragi Sētan umagkū iyi sī nagelo nilara.

¹⁵ Im nagkū sugkū imo tawi sie sī woravlugi horog ugi nagkū ōvun torugat isen ūmagkū irora ōvun torugat ra netevarū aremī; kō onūrian iranda sugkū numpūrak enirora.

¹⁶ Im ya umanuwi memagkū, otū magkū sī irag ma yaū neyoĭmpeli; kō nagku tawi sugkū, ūvī yaū kĭmi sugkū neteme neyoĭmpelĭgi, ma ya anūwi mōmūgo ugi horog.

¹⁷ Ya otū anūwi imo sugkū netevarū eni Novsuromon, kō sugkū nam numgi enyaū, ra netevani tesūwĭ ugi nam horog.

¹⁸ Popōwo oveteme sikat ūmanūwi tamas ugi ōvun siame ra nemap, yaū sugkū ya anūwi horog sugkū.

¹⁹ Kūmante nemolsep punora mūtokesi iranda ōvun numgī, popōwo kĭmi ōvun nelekon kĭmi.

²⁰ Kūmūlĭntugi neteme nagkū iyi unumpi nugkugko irami woretorugat wokon, kū iyi onefarugi siame enugkimi, kū ontorokūm ugi nugkugko, kū ontantevakepe irami, kū ontī nūgon sī neteme.

²¹ Ya umanūwi ra imo siame mori umnarumprum ugi, ĭm sugkū neteme netromoro. Kō nagkū sī neteme anūwi nam horog ra sī entie sī (ya umanūwi neōĭmpelĭgi), ya anūwi horog sugkū.

²² Irora ōvun Hibrū? yaū sugkū. Irora lō Isrēel? yaū sugkū. Irora novsin eni Ebraham? yaū sugkū.

²³ Irora ōvun torugat eni Krĭstō (ya umanūwi sugkū sī uemlū) yaū nōmūgo; yaū emtorugat tamas, yaū mete nempugon sikat ra ōvun nimo nugkugko, dūmūselatevi yaū nempugon sikat wokon, ĭm mas sikat irag.

²⁴ Ra nempugon fiv oveteme Yūdia dūmūselatevi yaū ra selatevi tūrtinĭn irag.

²⁵ Ra nempugon desel dūmūselatevi yaū ugi teleĭnē, nempugon siteven dūmūtoviyaū gi nevat, ĭm ran tok lō yemtavtiti nempugon desel ĭm yaū ra mumpon, yaū mete ran tok wokon būmrok siteven ĭm dan sīteven;

²⁶ yaū mavan ūselat nempugon sikat, im yembotpot nemas irag ra ōvun nū, ĭm nugkugko irag ugi ōvun numprok, ĭm morokonda ōveteme ra nūrū sorug, ĭm morokonda ōvun domo, ĭm ra siti, ĭm ra nūrū wokon, ĭm ran tok, ĭm morokonda raveteme nimpiri; ĭm sikat torugat irag ĭm norĭgumpūnū,

²⁷ ĭm tawi nalēepo ra ōvun būmrok sikat, yaū mampiumnū ĭm tawi nevag, ĭm matmas irag ra nempugon sikat, ĭm netepont domo irag ĭm tawi nemas sorūg.

²⁸ Im tampelegonda imo siame ratilat, umante ra nowag dan sū tarū numpoūĭntom ugi ōvun nilpon sī lō tumpora omwisū.

²⁹ Nagkū sī umandromoro, yaū sugkū ya umandromoro, nagkū sī umamol ran tapmi, ya umandigi sat ugi.

³⁰ Nagkū ya anūwi tamas ugi sie sī irag, ya anūwi ugi siame ra netromoro enyaū.

³¹ Nōbū Itemen Novsūromon Iesū, umnumpi nilasilasewi iran indowi, umagkili ya otum manūwi namli.

³² Ra Damaskus neteme horog mori Aretas natemonok, yemetipe iyi, yemavlis ugi ōvun navlis siti isenda, worevi yaū:

³³ ĭm ra naviran windo ra nokorin nimo dūmūtesep yaū ra mumpon woretovi, ĭm yaū malōves marugi nokoven.