III. Yoane 1 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Ya magkū kĭk pau Keus avūgsai aremai, mori yaū neteme tavsogi yaum nelintugkĭk tamas ĭtnesog.

² Yaum nesenegi, avūg paū, ma kampai aremai tiame, ĭm torugat ra nokolisiram sugkū naviat enugkĭk umante ugi navos aremai ran dan sū.

³ Im yaum navos tamas popōwo pol sugkū ravinsaime dūmūvelum dūmumpūvsok ugi tavniri aremai enug kĭk ra nam, sugkū netevarū enugkĭk dan sū.

⁴ Popōwo pol sugū yaū mandigi, memagkū ōvun nam enyau umantindowi aremai ra nam yaum navos tamas.

⁵ Avug paū, kĭk umnumpi numpurak tamas aremai ra ōvun nelintugi mori kĭk umnumpi nisekonda ravinsime mori ōvun pelah sai:

⁶ ĭm irora dūmumpūvsok ugi numpūrak aremai enugkĭk, ūnipmi nilepon sai lō tumpora; ĭm nagkū kĭk kosenti irora ra navan enirora, sugkū tarū eni Nōbū, imo aremai:

⁷ popōwo ugi Nin dūmūve, ĭm dūtūvai sai sie sai morokonda lō pelah sai.

⁸ Im mōmū aremai kos kelenumpi sugkū, nisekonda omwisū lō pelah sugkū, memagkū kos kelenesitū iranda ra nam tavniri.

⁹ Ya otaiyi nam pun ora nilepon sai lō tumpora: kō Daiotrifes, mori umnakaiugi woretanevakepe iranda, ūtūmandigi nam enugkam.

¹⁰ Popōwo pe pol sugkū ya ampelum ya anūwi ugi iyi menūrian ugi numpūrak mori iyi umnumpe, ĭt iyi umentavūntan iramam nam ūr: ĭm tawi imo wokon, kō iyi umnumpi mōmū popōwo iyi otū vai ōvun ōveteme tavniri, ĭm iyi umenūwali pun ora mori ūmnakaiugi worevai irora, woretūtorora, ĭm iyi wosatevokonda mori ūmnakaiugi woretorora, marugi nilepon sai lō tumpora.

¹¹ Avūg pau, etū uri imo mori ūr, kō uri imo mori aremai. Iyi mori umnumpi aremai umamne ra Nōbū: kō iyi mori umnumpi ūr yetokesi Nōbū.

¹² Oveteme omwisū ūmumpūvsok aremai ugi Demitreus, ĭm len nam alam sugkū; ĭm kam sugkū ka kemumpūvsok iran; ĭm kĭk emagkili memagkū ĭtneeog nam enugkam.

¹³ Sikat tiame yaū, mokū ya onetaiyi pon ok, kō ya otūm nakaigui woretaiyi pun ok ugi gik ĭm pen: kō ya magkū ya agesok marima,

¹⁴ ĭm kos kelen tampe. Anti ninparata iram. Ravitsaieme ūmagkū kĭk e paū. Enūwi pun ora, ravitsaieme, Sai ĭm sai ra ninda, magkū irora paū.