Hibru 5 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Im popōwo umampi marokonda ōveteme, ōvun tavsogi tumpora omwisū moĭmtampoli nisekonda ōveteme ra siame eni Nōbū, ma iyi onumpi itemaspaū ĭm woseligi nde eni ōvun nurah ugi sat sū

² mori iyi oti faneteme worumpi nemolsep nisekonda ōvun netūkili ĭm ōvun numpi neforefari, popōwo umante iran iyi sugkū netromorowi ugi siame tanepo;

³ ĭm popōwo pe umante iran woreseligi nde eni ōvun nūrah nisekonda ōveteme, ĭm nisekon iyi sugkū, popōwo ugi sat sū.

⁴ Im tawi sī neteme ampi wokon iran iyi pe iyi imo, narĭgi, kō pol sugkū Nōbū umentampoli iyi sugkū yemtampoli Eron.

⁵ Im Krĭstō sugkū yetū umpi nilasilaswi iran iyi ma worumpi iyi tavsogi tumpora, kō iyi mori pe yemenūwi pugi, Kĭk netūg yaū, Ire ya okevi kĭk:

⁶ sugkū iyi umanuwi ra nivlugkon pe sī, Kĭk netme tavsogi tumpora ūnam ĭndowi Sugkū ugi nator eni Melkisetek.

⁷ It iyi pol sugkū yemete ra nemap, yemefwaki ĭm mesenigi ugi nageri tamas ĭm nesorūves pugi iyi mori faneteme woresemsempari ira marugi nemas, ĭm yemūrĭgi iyi popōwo ugi sesie aremī isen, ĭt iyi Netni,

⁸ kō yemtavsogi iyi woralekoleki nam eni ugi norigumpūnū iran;

⁹ ĭm polekū yemete aremi wokon yemete nomurep ūvrūni nisekonda omwisū umintavnirĭgi iran;

¹⁰ Nōbū yematovnin iyi tavsog tumpora ĭm sugkū ugi netipe iyi Melkisetek.

¹¹ Ya magkū ya onesūlives siame sikat ugi iyi, kō nugkugko worenūwi pe aremī, popōwo ugi nelebokevat ūnōwami.

¹² Im popōwo kūmūte ra imo siame ra nempugon tantop ĭt oti aremī ma kwante ōvun tavsogi kĭmi, kō popōwo ugi numgī enugkimi mōmū ma sī ontavsogkūm tiame natipotni ra nam eni Nōbū; ĭt kĭmi sugkū irora mori aremī mĭlek nisekonda ĭm tawi fan nevag.

¹³ Popōwo irorasō umnemoneki mĭlek wokon tawi faneteme worokili nam nelekon ra tanepoves; it irora ōvun ūmpamū wokon.

¹⁴ Kō aremī fan nevag nisekonda ōveteme talam, mori irora ugi norūn nokesi enirora oti faneteme worelavenūri ugi siame ūr ĭm siame aremī.