Hibru 3 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Popōwo pe, ravūgsĭēme sorūg aremī, dūtampolekūm ra siame ūnpokōp, ūtarūgi Iesū Kristo, kĭmi, mori Apostol ĭm Potnin Sakrifis ra nufwaki enugkos;

² yetin tanepo pugi iyi mori yemetipe iyi sugkū Moses yemete tanepo ra nimo isen omwisū.

³ Popōwo aremī iyi ampi narĭgi mōmūge ra Moses, popōwo iyi mori yemumpi nimo ampi narigi mōmūgo ra nimo mori dumumpi ugi nokovenda ōveteme;

⁴ Popōwo dumumpi ōvun nimo omwisū ugi nokoven neteme;

⁵ kō iyi mori yemumpi siame sū oti Nōbū. Im Moses yetin tanepo ra nimo omwisū isen sugkū neteme siame mori wanūwi ugi ra nisah;

⁶ kō Kristo sugkū netni isen, ĭm horog ra nimo eni; ĭm kos nimo isen, nagkū kos kel ante ūnam ra nam horog aremī, ĭm lesūlives nam mori mafeli ra nisah siame mori kos kĭm lentevetūwi ugi.

⁷ Popōwo pe sugkū Naviat Tumpora umanūwi, Ire nagkū kūmandegi navian,

⁸ Utū wumpi nugkugko nowami, sugkū ran dan ran tamii ra nūrū wokon,

⁹ Mori ritīesmi enugkĭmi dūmūtampi yaū worokili ugi numpūvsok, irog,

¹⁰ Imdūmokesi numpurak enyau verisi forti, Popōwo yaū makan punora ima palsi mori, Im yaū menūwi magkū, It irora umneopeligi ūnōwanda dan sū:

¹¹ Kō irora dūtūkili netevani enyau; Sugkū yaū menūwi ra naraki enyau; Irora ūtū wampe ra nūrū nemindog sorug,

¹² Ravūgsīēme, ufinte kĭmi, ma otū ante iran sī irami nōwan ūr netūtavinri, worūwi memlag marugi Nōbū amūrep:

¹³ kō ūyevekūm dansū dan sū, ĭm dansū sugkū pol sugkū umagkū; kū entawi ante nugkugko nowan isen sī irami ugi nimpiri ugi sat eni;

¹⁴ popōwo kos kelevī sīteven ūndū Kristo nagkū kos kel ante ūnam ra tavniri mampūm enugkos mafeli ra nisah: ra nempugon pol sugkū wanūwi magkū,

¹⁵ Ire nagkū kwandigi navian isen, Utū wumpi nugkugko nowami, sugkū ra nempugon Sendoeika-tapmi.

¹⁶ Im mē mē mori, pol sugkū dūmūrĭgi, dūmasendoekia? irora mori penokowo mori Moses yemtorora marugi Ityep.

¹⁷ Im yemakan iranda mē mori ra nēvisū forti? iranda pe nokowo mori dūmūmpi sat ĭm nokolisiranda dūmumol mas ra nūrū wokon.

¹⁸ Im iyi yemenūwi namūnam pugi mē memokū irora ūtū wampe ra nūrū nemindog isen? Punora penokowo dūmūsendoikia.

¹⁹ Im popōwop ĭtnesog kos kemlagkili sū memagkū irora dūtūfaneteme worintorĭmpe mori popōwo ugi sendoekia enirora.