Hibru 13 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Antemante nelintugi, ūnōwami pugkum kĭmi sugkū raveneme.

² Utūtavrivri worumpi nelintugi nisekonda, ōveteme nūrū sī; popōwo nugkon dūmūvī dūmū tapmetūves iranda ōvun nagelo ĭm dūtūkili ugi pe.

³ Wemtemora mori ūmnokolarwi mori mori dūmītor, sugkū dūmtekūm sugkū sīteven dai irora ĭm irora mori umampi nugkugko iranda popōwo sugkū ĭtnesog umante nokolisirami kĭmi.

⁴ Aremi nimpokelah tanepo dal kĭmi omwisū. Kō Nōbū onūrian iranda ōvun tumpugin ĭm ōvun tampalaū.

⁵ Utūtarūgi ūtūrigi sat ugi muni: kō ūte aremī ugi siame enugkĭmi kūmūvisū, pcpōwo iyi pe iyi yemenūwi, memokū, ya ontarūwonkūm pe nokowo, ĭm ya otū owi kĭmi indowi.

⁶ Im popōwo pe sugkū kos faneteme worenūwi, memokū, It iyi Novsūromon umnaveri yaū; ya otū emtitugi: Sie neteme onumpi irag?

⁷ Wentemora mori dūmūfinte kĭmi, mori dūmūnūwi pugkūn nam eni Nōbū; ūtarōgi netevarū ĭndowi enirora, momumpi dan sū sugkū tavniri enirora.

⁸ Iesū Krĭstō sīteven indowi tarū isen etūwī ĭm marima, ĭm ĭtnesog sugkū indowi ūvūm nevi sū.

⁹ Utūyopelĭgi ūnōwami ugi nam tavsogi sikat ĭm ĭtevaū: popōwo aremī kĭmi kwante ūnam ūnōwami ugi ĭtemaspaū; ko tawi ugi ōvun nevag, popōwo irora mori dūmūri imo siame dūtūvīeves irora ugi pe.

¹⁰ Umante sī nefate enugkos tawi nisekonda mori umentorugat ra nimo tumpora woreni nevag iran.

¹¹ Umantni ran tanĭmpe nokolisiranda ōvun nurah, mori ūmariuki nde enirora ra nūrū tumpora ōvun tavsogi horogesah sakrefis ugi sat.

¹² Im sugkū, Iesū, ma iyi osendumsi ōveteme isen ugi nde isen iyi, yimas tīwi rantampī.

¹³ Im popōwo pe, aremī sugkū, kos kelampe pugi

¹⁴ rantanĭmpī mōmūriuki norumprom isen ūndū iyi.

¹⁵ Popōwo tawi sī ūnam enugkos igko, kō kos kelenesorugi sī mori ampelum. Im popōwo pe ugi iyi aremī kos kelenumpi sakrefīs marugi numplin pugi Nōbū ĭndowi,

¹⁶ mori pe, novwan nugont ūmanūatumpene, nin eni. Kō ētūtavrivri worumpi aremī ĭm woretalug ugi muni: popōwo Nōbū umnavos ugi ōvun sakrefis sugkū imosū.

¹⁷ Sendiukives irora kūmante dal mori ūmnarisah irami, memumpalug nam isenda: popōwo irora ūmnavlis nisekomi worefinte nowami, sugkū irora wonesorugi iranda ugi; memagkū irora wonumpi imo ugi navos, ĭm tawi ugi norĭgumpūnū: popōwo imo aremī nisekomi.

¹⁸ Ufwaki kĭmi nisekomam: popōwo ka kem lagkilives, magkū, nowamam aremī, ĭm ka kem lenakīugi worete aremī ugi tanepo ra siame sū.

¹⁹ Im ya um neseugkūm mōmūgo tamas worumpi imo, ma ya ontorileki ĭtnum mōmū pugkūm.

²⁰ Im Nōbū ra ninparata, mori yemtorisah marugi nemas iyi mori shepherd horog isenda ōvun pugipugi ugi nde ra nam alam nam ūnam, mori Iesū Novsūromon enugkos,

²¹ wumpi kĭmi aremī ĭndowi ra tiame sū omwisū worumpi sugkū nakiugi isen, worumpi ūnisog kos imo mori aremī ūnipmi isen, ugi Iesū Krĭstō, antemante pugi nilasilaswi ūvūm nevisū indowi indowi Amen.

²² Im yakum nesenugkūm, ravūgsaieme ūrigi imo nam nesūlives enyaū pugkūm: yakum netaiyi nam potipot pugkūm.

²³ Kūmūtūkili ĭm laū, memagkū, dūmūsūli Timote avitsai; nagkū iyi ampelum marima yaū sugkū, ya ampelum nandū iyi worokosekūm.

²⁴ Irora paū omwisū mori ōvun narisah enugkimi ĭm irora paū ōveteme aremai tanepo indowi. Ravitsaieme taveniri mori ra Itali ūmagkū, kĭmi paū. Itemaspaū pugkūm omwisū. Amen.