Hibru 1 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Nōbū, yemoriūn nenūwi punora ritementeme ugi ōvun profet ra ōvun numpi nam sūlives sikat,

² marima ra nimpugon dan nisah umanūwi pugkos ra Netni isen, mori yemetipe woreti nisekon iyi siame sū, ugi iyi yemumpi ōvun nūrū sū;

³ mori yemeti nilasilaswi nūsian aremi isen, ĭm safi sīteven ĭtnesog ra iyi, ĭm yemefĭnte siame omwisū ugi nam horog isen, pol sugkū yemsendumsi irant marugi sat ugi nemas isen, yemetesep ra nokoven meves eni Nōbū ūnēī;

⁴ ĭt iyi mōmū horog ra ōvun nagelo, sugkū yivi nin mōmū tantevakepe iranda.

⁵ Nōbū yetūnūwi pugi sī nagelo ra sī nimpugon, mokū Kĭk Netūg, Irē ya kotūk? ĭm sī mōmū Ya ante Itemen nisekon, Im iyi ante Netni nisekūg?

⁶ Im polekū iyi umampi netni ĭtnetemefi isen ra nemap iyi umagkū, Wontevita iran ōvun nagelo omwisū eni Nōbū.

⁷ Im ugi ōvun nagelo isen iyi umagkū, Iyi mori umnumpi ōvun nagelo isen sugkū nemetagi, Im ōvun lĭvsaū isen sugkū torepis:

⁸ kō ugi Netni isen iyi umagkū, Potnumpūtūo enugkĭk, Ah Nōbū, oti indowi indowi; Im nugko netevarūsū enugkĭk ra potnumpūtūo enugkĭk.

⁹ Kĭm elĭntugi tanepoves, ĭm kĭm akan pugi satĭndi; Popōwo Nōbū, Nōbū enugkĭk, yem avūwok Ugi dumpon umnavos ugi ma kante tantevakepe iranda rapmisĭeme sorum

¹⁰ Im, Kĭk, Narisah, kĭm okolugi ra potnin natipotnin nemap,

¹¹ Im pokop oti numpūrak ra nopokmū: Irora wampia; kō kĭk ante mante: Im irora su wante ĭtnĭmpris sugkū nemas ĭterovot;

¹² Im kĭk konalni sugkū nataūsep, sugkū nemas worevĭugi, ĭm irora wante pe sī pe: Kō kĭk umante kĭk sīteven, Im nevisū enugkĭk wantĭndowi unam.

¹³ Kō yetūnūwi ugi sī ra irora ōvun nagelo ra sī nimpugon, Etesep kĭk ra nokoven meves enyau, mafeli ya onumpi ōvun novsen nakan sorum nimsin woretipewi nown enugkĭk.

¹⁴ Im irorasū wonesitū woretorugat, dūmūtamūlora woretorugat nisekonda mori wampi nēyōwara.