Efesus 6 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Ovunyan, walekoleki nam enirora ōvun rĭtemimi ĭm dinemimi kĭmi ra Novsūromon: popōwo imo aremī.

² Sendioki ves īteman kĭk ĭm dineme kĭk (nam sīugi imo ugi ĭtemas iran) ma ante aremi nisekon,

³ ĭm kĭk amūrep tantop ra nemap.

⁴ Im, kĭmi ōvun itemenda, ūtū umpi nesorū nowanda ovunyan enugkimi kō ūfĭnte irora ra Novsuromon im tavsokonda mō menūwalives punora.

⁵ Ovun torugat walekoleki irora mori ōvun narisah enugkimi ra nemap, ugi nemtitugi ves, ĭm sesie, ĭm ugi nowami aremī, sugkū pugi Krĭstō;

⁶ tawi sugkū ūnĭmĭnda worokesi, sugkū umnumpi worevi narĭgi morokonda, ōveteme; kō sugkū ōvun lĭvsaū eni Krĭstō wumpi nakiugi eni Nōbū marugi nowami;

⁷ ĭm torugat ugi nakiugi ūnōwami, sugkū pugi Novsūromon, ĭm tawi sugkū pugi neteme wokon:

⁸ kĭmi kūmagkili nagkū sī kū sī neteme umnumpi sie sī aremī, iyi ampi tampenūm ugi marugi Novsuromon, nagkū iyi neteme nagelaū wokon kū pe lĭvsaū torugat.

⁹ Im, kĭmi ōvun narisah, wumpi sugkū imo sū punora, ūtūnūwi nam nugkugko: ĭt kĭmi kūmagkili ma Narisah enirora menugkĭmi umante ūnpokop, ĭm tawi sī neteme mōmū horog iran sī neteme ūnĭmpi isen.

¹⁰ Im marugi imo nempugon, ūte horog ugi Novsūromon, ĭm ra faneteme horog isen.

¹¹ Uvakūm ugi siame omwisū eni Nōbū nimsin ūvrami, ma kĭmi kwante faneteme worete unam niōĭmsompat numpūrak nempiri eni sētan.

¹² Popōwo kos kĭm letūm lenavokat iranda ōveteme ra nemap wokon, kō iran da ōvun fan lō, ĭm iranda ōveteme horog, ĭm iranda ōveteme horogesah ōvun nivūora imo nelevokevat ra nemap, ĭm iranda nusian tamas wokon ōvun nagelo sat ūnēī.

¹³ Popōwo pe ūvakūm kĭmi ugi siame omwisū eni Nōbū nimsin navokat, ma kĭmi kwante faneteme woretūr ūnam ĭm woresompat siame ran dan ūr, ĭm pol sugkū kĭmi kwonumpi aremī omwisū mōĭm tantevakepe, ūtūr ūnam kĭmi.

¹⁴ Utūrū ūnam kĭmi ūtōetīgi netēetĭgi nam itnesog, ūēti nemindogomi ugi tanepoves,

¹⁵ ūvīugi noami ugi tavesves nam navosavos ninparata;

¹⁶ ūvī nimpari-tavniri; ma ugi imo kĭmi kwante faneteme woresompat ōvun nagesaū nom eni sētan.

¹⁷ Im ūvi helmet ugi nēyōwara, ĭm naūitūga eni Naviat, mori nam eni Nōbū:

¹⁸ ĭm nufwaki omwisū ĭm nesenigi ūfwaki ra ōvun nempugon omwisū ugi Naviat, ĭm ūfĭnte worefwaki ugi natekisah ĭndowi ĭm nesenĭgi nisekonda ōveteme aremī omwisū,

¹⁹ ĭm nisekūg yaū sugkū, ma ampoyaū nam ĭm woresuli nugūg, ma ya anūwi ugi horog siame dūtiumpene ra nam navosavos,

²⁰ ĭt ugi imo yaū lĭvsaū eni Narisah, dūmēĭti yaū ugi worēĭt nevat: ma ra imo ya anūwi ugi horog, sugkū oti aremī ya anūwi.

²¹ Kō ma kĭmi sugkū kwagkili ugi siame enyaū, ĭm nokowo ugi yaū, Tikikus, avūgsī paū, ĭm lĭvsaū tanepo ugi Novsūromon, anūwi ves siame sū omwisū pugkūm:

²² ĭm ya otamūli iyi pugkūm ugi imo pe, memagkū kĭmi kwagkili nokowo ka kĭm lante, ĭm ma iyi onumpi nemolsep nowami.

²³ Ninparata punora raveteme, ĭm nelintugi ugi tavniri, marugi Nōbū Itemen ĭm Novsūromon Iesū Kristo.

²⁴ Itemas paū ante mante iranda omwisū ūmnelĭntugi Novsūromon Iesū Krĭsto ugi nowanda sentevives ĭm ĭtnesog.