Efesus 5 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Uri nampon nowan eni Nōbū kĭmi, sugkū ovunyan paū isen;

² ūte ugi nelintugi pugkūm kĭmi, sugkū Krĭsto yemelĭntugkūm, mōĭmtinepe iyi pe iyi nisekont, toveni nemas sokowar aremī pugi Nōbū nempeneves tamas aremī.

³ Kō tampalaū ĭm nililūo, ĭm nilasivien ugi nōēte, ūtūnūora kĭmi ĭndowi, sugkū aremī iranda, ōveteme aremī;

⁴ ĭm ūtūnūora nililūo sat, ĭm sebet nam, ĭm nam neyompeli, ĭt irora tawi aremī: kō aremi umpalugi.

⁵ Im kĭmi kūmagkilives ĭtnesog memagkū ūtū wampe ra lō eni Krĭsto ĭm Nōbū irora mori ūmnumpi tampalaū, ĭm irora mori ūmnumpi nililūo sat ĭm ōvun norĭgi sat ugi nōēte, ĭt Nōbū enirora natemas.

⁶ Ufinte ma tawi sī ampiriwugkūm ugi nani wokon tawi fan: popōwo ugi imo siame narakara eni Nōbū ampelum iranda oveteme sendokiye.

^7-8 Utūte dal irora kimi; popōwo kōmūte ra nelevokevat etūwi, kō marima kĭmi nilara ugi Novsūromon:

⁹ wavan kĭmi sugkū ōveteme nilara (popōwo novwan nilara oti tanepoves omwisū ĭm

¹⁰ nugkoves ĭm nam ĭtnesog omwisū) mōĭmisorugi imo mori aremi ūnipmi Novsūromon;

¹¹ ĭm ūtūte kĭmi dal irora mori umnumpi numpūrak nelevokevat tawi aremī, kō mōmū aremi ūyevora ugi pe;

¹² popōwo ĭt narumprum worenūwi ōvun numpūrak mori irora ūmnumpi vamon.

¹³ Kō pol sugkū ūmanūali siame ūmanūatumpene irora ugi nilara: popōwo ĭt nilara siame omwisū ugi nenūatumpene nugkugko woreseni momū.

¹⁴ Popōwo iyi umagkū, Elampē, kĭk mori umalēepo, etūok marugi nemas enugkĭk, miyi Krĭsto onesēlī iram.

¹⁵ Ufinte nokowo kwonavan kĭmi, tawi sugkū ōvun numgi, kō sugkū ōvun nelekon;

¹⁶ ūfīnte ves ōvun dan omwisū, popōwo umante sat ra imo nempugon marima.

¹⁷ Popōwo pe ūtūte ugi neyompele kĭmi kō ukili nam eni Novsūromon.

¹⁸ Utū moneki wīn ne yōmpele, ĭt nesesaū ugi imo, kō ūvwara kĭmi ugi Naviat;

¹⁹ ūtampi pugkūm kĭmi ra nam tumpora, ĭm mūsemsives ōvun narūfo tumpora ĭm ōvun narūfo omwisū aremī ūnōwami pugi Novsūromon;

²⁰ mumpalug dan sū ugi siame omwisū ra nin eni Iesū Krĭstō Novsūromon enugkos pugi Nōbū Itemen enugkos;

²¹ ūsesieves pugkūm kĭmi mūmtitugi ves Krĭstō.

²² Ovasiven, alekoleki nam isenda ōvun rasūmime, sugkū pugi Novsūromon.

²³ Popōwo asūwon eti numpun retepon, sugkū iyi Krĭstō oti numpūn nilpon sī lō tumpora, ĭt iyi pe iyi nēyōwara nefinte nokolisiran.

²⁴ Im sugkū nilpon sī lō tumpora ūmalekoleki Krĭstō, aremī ovasiven wonalekoleki ōvun rasūwonda ra siame sū omwisū.

²⁵ Im kĭmi ōvateman, kwonelĭntokonda ōvun retepmimi kĭmi sugkū Krĭstō yemelintugi nilpon sī lō tumpora, mōmeviugki nomūrep isen nimsin;

²⁶ ĭt iyi yemumpi tumpora, yemsendumsi ugi norowugi ra nū ra nam alam,

²⁷ memagkū iyi antipe nilpon sī lō tumpora nisekon iyi, sī nilpon sī lō tumpora nilasewi tamas aremī, ĭm tawi sī se sī ūr kū nagkaū iran kū sie sī sugkū;

²⁸ kō magkū ante aremī ma ōveteme wonelĭntokonda ōvun reteponda, sugkū irora ūmnelĭntugi nokolisiranda irora pe irora. Iyi mori umnelĭntugi retepon isen umespen nelĭntugi iyi pe iyi:

²⁹ popōwo tawi sī neteme yemokosisat nokolisiran eni, tawi ĭndowi; ko umnavguni mafinte, sugkū Krĭstō umnumpi nisekon nilepon sī lō tumpora isen,

³⁰ popōwo kos nivlugkon nokolisiran.

³¹ Popōwo pe sugkū sī neteme awi ĭtemen ĭm dineme, mō mampelesi iran retepon eni; ĭm irora ndūrū wanti fan sīteven.

³² Imo sī netiyumpene nūsian: kō ya umanūwi ugi Krĭstō ĭm ugi nilpon sī lō tumpora.

³³ Kō, aremī kĭmi sī ĭm sī elintugi retepon isen iyi, sugkū iyi umaspen nelintugi iyi pe iyi; ĭm aremī retepon osesieves asūwon isen.