Efesus 3 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Popōwo pe sugkū yaū Pol, neteme eni Iesū Krĭstō ra nimo nugkugko popōwo ugi kĭmi lō pelah sī,

² —nagkū kūmūrīgi numpūrak mori ugi itemas paū eni Nōbū mori yemovoyaū nisekomi;

³ nokowo dūmūnūatumpeno po yaū worokili sie mori atiumpene, sugkū mori yaū metīyi botipot ugi,

⁴ ma sugkū pol sugkū kwonasepi kĭmi, kwagkili nelavenūri enyaū siame mori ugi Krĭstō dūtiumpene;

⁵ mori dūtūnūatumpene punora ōveteme etūwī, sugkū ūmanūatumpene marima punora ōvun apostol mōvun profet ugi Naviat;

⁶ memagkū ōvun lō pelah sī ōvun tampenum dal kam, ĭm sīteven dal kam, ĭm worevi dal kam nam dūpmūnūwi ra Iesū Krĭstō ugi nam navosavos,

⁷ mori popōwo ugi dūmumpi yaū lĭvsaū sugkū ugi ĭtemas paū eni Nōbū, mori dūmovoyaū sugkū ugi numpi horog isen yemorūn numpi irag.

⁸ Po yaū, mori mōmū virok iranda ōveteme aremi omwisū, kō dūmūvoyaū imo ĭtemas paū, ma ya ontoreuūwi punora lo pelah sī nam navosavos eni Krĭsto, nūsian aremī sugkū sie?

⁹ Im worenūatumpene punora ōveteme omwisū worokili ĭm worevi ugi netevūrak sie mori dūtiumpene marokonda palsi sū pe mori dūtiumpene ra Nōbū mori yemumpi tiame sū;

¹⁰ memokū ōvun fan lō mōvun horog ra ōvun nūrūves wagkili nelekon nointanwi eni Nōbū, sugkū ugi nam,

¹¹ yepmenūwi ĭtnempris ra Iesū Krĭstō Novsūromon enugkos:

¹² ĭm kos kim lalekisah im Livelum pugi ugi tarū sīteven ugi tavniri enugkos iran.

¹³ Popōwo pe ya magkū ūtūte kĭmi ugi netromoro popōwo ugi norīgumpūnū enyaū ugi kĭmi, popōwo im iroromo nimsin nilasilaswi enugkĭmi.

¹⁴ Popōwo pe sugkū ya umnumpūneterin iran Itemen Iesū Krĭstō Novsūromon enugkos,

¹⁵ ĭt marugi iyi umatovninda ōvun netnime omwisū eni ūnpokop mūnemap, ma iyi ampugkūm,

¹⁶ sugkū ugi nūsian aremī nilasilaswi isen ma kĭmi kwante ra horog tamas ugi Naviat ūnōwami:

¹⁷ ma Krĭstō ante mante ūnōwami ugi tavniri: ma sugkū kĭmi, ugi nōatnin, ĭmpwap ūnam ra nelīntugi,

¹⁸ kwante horog kĭmi worokili dal ōveteme aremī omwisū sie mori nokorugi ĭm tantop ūmnūri ĭm tantop ĭmelūo ĭm nūmpōoū,

¹⁹ ĭm worokili nelintugi eni Krĭstō horog tamas wokon sugkū nugkugko worokili ugi, ma kwampi kĭmi tamas marugi ūvwareves omwisū eni Nōbū.

²⁰ Im marima pugi iyi mori faneteme worumpi tamas nūsian mōmū ra ōvun nesenug mōvun tarū enugkos,

²¹ sugkū horog isen umorūnumpi ūnōwant, pugi iyi ante mante nilasilaswi ra nilpon sī lō tumpora ĭm ra Iesū Krĭsto ūvūm nevi sū indowi ĭndowi. Amen.