Efesus 1 - NAM NUMPUSOK ITĒVAU ENI IESU KRISTO NOVSUROMON ENUGKOS 2019

¹ Yaū Pol, apostol eni Iesū Krĭstō ugi nam eni Nōbū, ya magkū, itemas paū ĭm nĭmparata marugi Nōbū Itement, ĭm marugi Iesū Krĭstō Novsuromon pugkum ōveteme aremī ra Efesus ĭm ōvun tavniri ra Iesū Kristo.

² Nevieves iran Nōbū ĭm Itemen eni Iesū Krĭstō Novsūromon enugkos,

³ yempīeves irant ugi siame sū aremī marugi pokop ugi Naviat Tumpora ra Krĭstō:

⁴ sugkū yemtampolokos ra iyi ra nĭmpugon tawi nemap, ma kos kel ante tumpora ĭm tawi sī ūr irant ūnipmi iyi ra nelintugi: yovum torokos mōmemumpi kos ovunyan isen ra Iesū Krĭstō pugi iyi,

⁵ sugkū tarū ves isen, ra narigi ugi nilasilaswi ra itemas paū isen,

⁶ mori yemevugkos tamas ra Netni paū isen:

⁷ iyi mori yempasi kos ugi de isen, memagkū worevīpelah sat sū enugkos, ugi ĭtemas paū isen,

⁸ ĭtemas mori yemumpi worenug pugkos ra nointanwi omwisū ĭm nelekon omwisū,

⁹ memsūli pugkos siame atiumpene ran tarū isen, sugkū ugi tarū ves isen mori yepmespen okū ra iyi ugi numpūrak mori yemokompeli ōvun nimpugon ugi,

¹⁰ memagkū wosemsimokonda sīteven pugi Krĭsto siame omwisū, siame unpokop, ĭm siame ra nemap; dūmūtipe kos ma kos kel ante isen,

¹¹ yepmovūm meniwi irant sugkū tarū eni iyi mori umnumpi siame sū sugkū tarū nointanwi isen;

¹² memagkū kos kel ante narigi ĭm nilasilaswi nisekon, kos mori kos kĭm ĭm lampelesi iran Krĭstō:

¹³ ra iyi kĭmi sugkū, kūmūrĭgi nam tanepo, mori nam navosavos ranēyōwara enugkimi,—ra iyi, kĭmi kūmū tavnirigi, kūm ampelesi iran ra Naviat Tumpora ugi ratevetūwi,

¹⁴ mori oti natipotni ugi nevīkos ugi, pugi sevasi ra siami eni iyi pe iyi Nōbū, ra narigi ugi nilasilaswi isen.

¹⁵ Im popōwo pe, pol sugkū yaū morigi ugi tavniri enugkimi ra Iesū Kristo, ĭm nelintugi enugkimi punora ōveteme aremī omwisū,

¹⁶ yaū metūwi worumpalug ugi kĭmi mematovninekūm ra ōvun nesenug enyau;

¹⁷ ma Nōbū eni Novsūromon Iesū Krĭsto enugkos, Itement nilasilaswi, ampugkūm naviat nointanwi ĭm sesi worokili ugi iyi;

¹⁸ woretīpelah ves nĭpmi naviat enugkimi, ma kĭmi kwagkili nokowo yemtorugkūm ugi woretevetūwi,

¹⁹ sie noeteves ra nilasilaswi eni ugi ōveteme aremī it irora isen, ĭm sie nūsian aremī horog isen pugkos mori ūmentavniri sugkū numpi mori horog faneteme isen mori yemumpi ugi Krĭsto,

²⁰ pol sugkū yemevsorasah iyi marugi nemas, mōmetipe iyi woretesep ra nokoven meves eni ūnpokop,

²¹ memagkū iyi tantevakepe iranda omwisū ōvun fan lō, ĭm ōveteme horog, ĭm oveteme ra fan lō, ĭm ōvuu nilasilaswi, ĭm iranda omwisū mori ūmatovninda, tawi ra nimpugon marima wokon, kō sugkū ra nimpugon ampelum:

²² yemetipe siame sū ra nowon, mometipe iyi nompūn ra siame sū ugi nilepon sī lō tumpora isen,

²³ mori nokolisiran, mori iyi umante tamas iran, ma ūvwarugi nūrū sū nūrū sū ra tiame omwisū umante iran.