Salmos 53 - Biblia Enxet

Énxet ekmasógwayam aptémakxa

¹ Yának chá'a méko Dios ma'a élyeyháxma nak: apyókxoho apnaqtawásamakpok, apkeláneykegkek ma'a aqsok élmasagcha'a agko' nak; ¡méko xama enxoho apkelane aqsok ektaqmela!

² Apkeláneykha Dios énxet'ák ma'a aphamakxa nak néten, yaqwayam étak chá'a xama énxet yetneyk kexa apya'áseyak, énxet apketamso nak chá'a Dios.

³ Apyókxoho eyke apkelyetnakhágweykmok ma'a ámay ekmámnaqsoho nak, apyókxoho apnaqtawásamakpok. ¡Méko kaxwo' xama enxoho apkelane aqsok ektaqmela! ¡Méko m'a xama enxoho!

⁴ Méko apkelya'áseyak ma'a élmasagcha'a nak apkeltémakxa, apnaqtawáseykegkoho nak chá'a énxet'ák ahagkok, énxet'ák melwóneykha nak chá'a apwesey Dios.

⁵ Elpexyennók sa' apkelaye, melyegwaktamakxoho, hakte yexpánchesek sa' apexchakkok Dios ma'a apkelenmexma. Elmegqágwakxohok sa', hakte eltaqheksohok sa' ma'a Dios.

⁶ ¡Émenye nak la'a ko'o kawak apkelwagkásamap teyp énxet'ák Israel, eñama m'a egkexe Sión! Aptaqmelchessásekxeyk sa' agkok makham apheykha énxet'ák apagkok ma'a Dios, kalpayhekxak sa' apkelwáxok Jacob aptawán'ák neptámen, cham'a apyókxoho nak énxet'ák Israel.