Salmos 131 - Biblia Enxet

Megkeymáxkoho egwáxok nápaqtók Dios

¹ Wesse', háwe ko'o eyeymáxkoho ewáxok, háwe han seyeymáxkoho alanok émók, mategyeykha han ma'a aqsok élyawe, mamowána nak chá'a óta'.

² Ekwanmagkamchek aqsa, megkatnaheykha ewáxok, ektémól'a sakcha'a kaxwók kélpenchessól'a kéléyak neme, ekpatheteykhal'a egken. ¡Ekhawok ko'o sakcha'a kaxwók kélpenchessól'a kéléyak neme!

³ Israel, eleyx Wesse' egegkok, kaxwo' nak tén han megkatnégwayam néxa.